ജീവയും അപര്‍ണ്ണയും പ്രണയരഹസ്യം പരസ്യമാക്കി! ആ ചോദ്യമാണ് ഒന്നിപ്പിച്ചത്! കേട്ടതും കൂടെപ്പോന്നു!

ജീവയും അപര്‍ണ്ണയും

സരിഗമപ എപ്പിസോഡില്‍ ഇടയ്ക്ക് അതിഥിയായി അപര്‍ണ്ണയും എത്തിയിരുന്നു. ലീവിന് നാട്ടിലേക്ക് വരുമ്പോള്‍ പൊതുവെ താന്‍ ലീവെടുക്കാറുണ്ടെന്നും അന്നത്തെ എപ്പിസോഡ് കഴിഞ്ഞ് പെട്ടെന്ന് തന്നെ വരാമെന്ന് പറഞ്ഞുമായിരുന്നു ജീവ പോയത്. പരിപാടി അവതരിപ്പിച്ചുകൊണ്ടിരിക്കുന്നതിനിടയിലാണ് അപര്‍ണ്ണ വേദിയിലേക്കെത്തിയത്. ഇത് ശരിക്കും സര്‍പ്രൈസായിപ്പോയെന്നായിരുന്നു ജീവ പറഞ്ഞത്. പ്രണയിച്ച് വിവാഹിതരായവരാണ് ഇരുവരും.

ജീവിതത്തിലേക്ക് വന്നത്

സൂര്യ മ്യൂസിക്കില്‍ തന്റെ കോ ആങ്കറായി വന്നതാണ് അപര്‍ണ്ണയെന്നും ജീവ പറഞ്ഞിരുന്നു. കൂടെപ്പോരുന്നോയെന്ന് ചോദിച്ചപ്പോള്‍ ഇങ്ങ് പോരുകയായിരുന്നു അപര്‍ണ്ണ. അമ്മാതിരിയായിരുന്നു ചോദ്യം. കരഞ്ഞ് കാലുപിടിക്കുകയായിരുന്നു താനെന്നായിരുന്നു ജീവയുടെ കമന്റ്. ആ ചോദ്യം കേട്ടപ്പോള്‍, പോരുന്നോയെന്ന് ചോദിച്ചപ്പോള്‍ ഞാനിങ്ങ് പോന്നൂയെന്നായിരുന്നു അപര്‍ണ്ണ പറഞ്ഞത്. വിവാഹ ശേഷമുള്ള ആദ്യത്തെ ഓണം ബാംഗ്ലൂരിലായിരുന്നു. പിന്നീടൊക്കെ ചാനലിനൊപ്പമായാണ് ആഘോഷങ്ങളെല്ലാം.

Recommended Video

Sandra Thomas Exclusive Interview | FilmiBeat Malayalam

സിനിമയില്‍

അഭിനേതാവുകയെന്നതാണ് തന്റെ ലക്ഷ്യമെന്ന് ജീവ പറഞ്ഞിരുന്നു. മമ്മൂട്ടി ചിത്രമായ ദി പ്രീസ്റ്റില്‍ അഭിനയിച്ചിരുന്നു. ഇനിയും കുറച്ച് ദിവസത്തെ വര്‍ക്കുണ്ട്. എന്നാണ് അതെന്ന് അറിയില്ല. ബിഗ് ബജറ്റ് ചിത്രമാണ് അത്. മമ്മൂട്ടിയും മഞ്ജു വാര്യരും ആദ്യമായൊരുമിക്കുന്ന ചിത്രം കൂടിയാണ്. മമ്മൂട്ടിക്കൊപ്പം പ്രവര്‍ത്തിക്കാനുള്ള അവസരം ലഭിച്ചപ്പോള്‍ത്തന്നെ അത് സ്വീകരിക്കുകയായിരുന്നു. സീനുകളെക്കുറിച്ചൊന്നും ചോദിച്ചിരുന്നില്ല. സീ കേരളത്തിലെ പരിപാടി കണ്ടതിന് ശേഷമായിരുന്നു അണിയറപ്രവര്‍ത്തകര്‍ തന്നെ വിളിച്ചതെന്നും ജീവ പറഞ്ഞിരുന്നു.

വിവാഹ ശേഷം

വിവാഹ ശേഷം അവസരങ്ങള്‍ ലഭിച്ചിരുന്നു. സിനിമ അത്ര സീരിയസായെടുത്തിട്ടില്ല താനെന്ന് അപര്‍ണ്ണ പറയുന്നു. ഓഡീഷന്‍സിനൊന്നും പോവാറില്ലായിരുന്നു. അടുത്തിടെയായിരുന്നു അപര്‍ണ്ണ യൂട്യൂബ് ചാനല്‍ തുടങ്ങിയത്. ഇന്‍സ്റ്റഗ്രാമിലും സജീവമാണ്. ബിഗ് ബജറ്റ് ചിത്രത്തില്‍ നിന്നുള്ള അവസരം തേടിയെത്തിയിട്ടുണ്ടെന്നും എന്താവുമെന്ന് അറിയില്ലെന്നുമായിരുന്നു ഇരുവരും പറഞ്ഞത്. ഫേക്ക് ഓഡീഷന്‍സും കോളുമെല്ലാം നടക്കുന്നതിനെക്കുറിച്ച് അറിഞ്ഞിരുന്നു.

സരിഗമപയെക്കുറിച്ച്

മുന്‍പ് അവതാരകനായിരുന്നുവെങ്കിലും റിയാലിറ്റി ഷോ ചെയ്ത പരിചയമുണ്ടായിരുന്നില്ല. സുഹൃത്തുക്കളുടെ കൂടെ പോയപ്പോള്‍ വെറുതെ ഓഡീഷനില്‍ പങ്കെടുത്തതായിരുന്നു ജീവ. പങ്കെടുത്തത് വെറുതെയായിരുന്നുവെങ്കിലും താരത്തെ തിരഞ്ഞെടുക്കുകയായിരുന്നു അണിയറപ്രവര്‍ത്തകര്‍. എഞ്ചിനീയറിംഗ് പഠനം പാതിവഴിയില്‍ ഉപേക്ഷിച്ചായിരുന്നു ജീവ സിനിമയ്ക്ക് പിന്നാലെ ഇറങ്ങിത്തിരിച്ചത്. അവതാരകനായതോടെ സിനിമയിലേക്ക് എത്താനാവുമെന്നായിരുന്നു കരുതിയതെന്നും താരം പറഞ്ഞിരുന്നു.