പാഷാണം ഷാജിയെ ഞെട്ടിച്ച് ഭാര്യ! പിറന്നാള്‍ സമ്മാനം പൊളിച്ചു! ഇതൊരു ഒന്നൊന്നര പണിയായോ? കാണൂ!

പാഷാണം ഷാജിക്ക് സര്‍പ്രൈസ്

ബുള്ളറ്റിനോട് പ്രത്യേക താല്‍പര്യമുണ്ട് സാജുവിന്, ഇക്കാര്യത്തെക്കുറിച്ച് ഭാര്യയും കൃത്യമായി മനസ്സിലാക്കിയിരുന്നു. പിറന്നാള്‍ ദിനത്തില്‍ എന്ത് സമ്മാനം നല്‍കുമെന്ന് ആലോചിച്ച് നില്‍ക്കുന്നതിനിടയിലായിരുന്നു ബുള്ളറ്റിനെക്കുറിച്ചോര്‍ത്തത്. ബൈക്കുകള്‍ ഓടിച്ചിട്ടുണ്ടെങ്കിലും ബുള്ളറ്റ് ഓടിച്ചിട്ടില്ല സാജു. ചെറുപ്പത്തില്‍ തന്നെ ബുള്ളറ്റ് മോഹം മനസ്സിലുണ്ടായിരുന്നു. അന്ന് മുതലുള്ള ആഗ്രഹമാണ് ഇപ്പോള്‍ ഭാര്യ സാധിച്ചുകൊടുത്തത്. റോയല്‍ എന്‍ഫീല്‍ഡ് ക്ലാസിക്ക് 350 ആണ് പിറന്നാള്‍ സമ്മാനമായി നല്‍കിയത്.

ഞെട്ടിത്തരിച്ച് താരം

ബുള്ളറ്റിനോട് ഇഷ്ടമുണ്ടെങ്കിലും ഭാര്യ അത് നല്‍കുമെന്ന് സ്വപ്‌നത്തില്‍പ്പോലും പ്രതീക്ഷിച്ചിരുന്നില്ല. ഉറങ്ങുന്നതിനിടയില്‍ വിളിച്ചുണര്‍ത്തിയാണ് ആ സമ്മാനം നല്‍കിയത്. ജീവിതത്തിലെ മറക്കാനാവാത്ത സമ്മാനമാണ് അതെന്നും താരം പറയുന്നു. സാജുവിന്റെ ഭാവവും സമ്മാനം കണ്ടപ്പോഴുള്ള സന്തോഷവുമൊക്കെ ഇതിനോടകം തന്നെ വൈറലായിട്ടുണ്ട്. നിരവധി പേരാണ് താരത്തിന്റെ വീഡിയോ ഷെയര്‍ ചെയ്തിട്ടുള്ളത്. ബുള്ളറ്റില്‍ കയറുമ്പോള്‍ ഭാര്യയേയും കൂടെ കയറാനായി താരം വിളിക്കുന്നുണ്ട്. സംശയിച്ച് നില്‍ക്കുന്ന ഭാര്യയേയും വീഡിയോയില്‍ കാണാം.

പ്രണയിച്ച് വിവാഹിതരായവര്‍

പ്രണയിച്ച് വിവാഹിതരായവരാണ് താനും ഭാര്യയുമെന്ന് താരം നേരത്തെ പറഞ്ഞിരുന്നു. വിപ്ലവകരമായ പ്രണയമാണ് തങ്ങളുടേതെന്നും താരം വ്യക്തമാക്കിയിരുന്നു. ഡാന്‍സ് സ്‌കൂള്‍ നടത്തിയിരുന്നു ഷാജി. അവിടെ പഠിപ്പിക്കാനെത്തിയതാണ് രശ്മി. ക്ലാസിക് ഡാന്‍സ് പഠിപ്പിക്കാനായാണ് രശ്മിയെത്തിയത്. ഇതിനിടയിലാണ് താന്‍ അവരെ ശ്രദ്ധിച്ച് തുടങ്ങിയതെന്നും അത് പ്രണയമായി മാറുകയും പിന്നീട് വിവാഹത്തില്‍ എത്തുകയുമായിരുന്നു. പ്രേക്ഷകരില്‍ നിന്നും മാത്രമല്ല കുടുംബത്തില്‍ നിന്നും ശക്തമായ പിന്തുണയാണ് തനിക്ക് ലഭിക്കുന്നതെന്നും താരം വ്യക്തമാക്കിയിരുന്നു.

തുടക്കത്തിലെ കഷ്ടപ്പാട്

പാഷാണം ഷാജിയായിരുന്നു ആദ്യം പ്രണയത്തെക്കുറിച്ച് തുറന്നുപറഞ്ഞത്. മൂന്ന് മാസത്തെ പ്രണയത്തിന് ശേഷമായിരുന്നു വിവാഹം. വിവാഹത്തോടെ ആ ഡാന്‍സ് സ്‌കൂള്‍ അടപ്പിച്ചിരുന്നു. നാട്ടില്‍ ആകെ പ്രശ്‌നമായിരുന്നു ആ സമയത്ത്. വളരെ കഷ്ടപ്പെട്ടാണ് അന്ന് ജീവിച്ചത്. കരിയറില്‍ ഇന്ന് താന്‍ എന്തെങ്കിലുമായിട്ടുണ്ടെങ്കില്‍ അതിന്റെ സകല ക്രഡിറ്റും ഭാര്യയ്ക്കാണെന്നാണ് അദ്ദേഹം പറയുന്നത്. കഷ്ടപ്പാടില്‍ നിന്നും തുടങ്ങിയ ജീവിതം ഇന്നിപ്പോള്‍ കുഴപ്പമില്ലാതെ പോവുകയാണ്. സൂപ്പര്‍താരങ്ങള്‍ക്കൊപ്പം അഭിനയിക്കാനുള്ള അവസരം വരെ ഈ താരത്തിന് ലഭിച്ചിരുന്നു.

മിമിക്രിയില്‍ നിന്നും സിനിമയിലേക്ക്

മിമിക്രി നിര്‍ത്തി വേറെ ജോലിക്ക് പോവാനായി ശ്രമിച്ചിരുന്നുവെന്നും അന്ന് ഭാര്യയാണ് ആ തീരുമാനത്തില്‍ നിന്നും തന്നെ പിന്തിരിപ്പിച്ചതെന്നും നവോദയ ട്രൂപ്പിലേക്ക് പോയതും അങ്ങനെയാണ്. പാഷാണം ഷാജി എന്ന പേര് ലഭിച്ചതോടെ സാജുവിന്റെ ഭാഗ്യവും തെളിയുകയായിരുന്നു. ഇന്നും ആ കഥാപാത്രത്തിന്റെ പേരിലാണ് താരം അറിയപ്പെടുന്നതും. സിനിമയിലെത്തിയപ്പോഴും മികച്ച സ്വീകാര്യതയാണ് ഈ താരത്തിന് ലഭിച്ചത്.

വീഡിയോ കാണാം

സാജു നവോദയയുടെ പിറന്നാള്‍ സര്‍പ്രൈസ് വീഡിയോ കാണാം.