ചുംബിക്കുമ്പോള്‍ പോലും ഞങ്ങള്‍ക്കിടയിലുണ്ടാവും! നാഗചൈതന്യയുടെ 'ആദ്യഭാര്യ'യെക്കുറിച്ച് സാമന്ത!

വിവാഹത്തോടെ പല താരങ്ങളും സിനിമയില്‍ നിന്നും മാറി നില്‍ക്കുന്ന പതിവാണ് കണ്ടുവരുന്നത്. കുടുംബ കാര്യങ്ങളുമായി മുന്നേറുന്നതിനിടയില്‍ അഭിനയത്തോട് വിടപറയുകയാണ് പലരും. പ്രിയപ്പെട്ട അഭിനേത്രികള്‍ വിവാഹ ജീവിതത്തിലേക്ക് കടക്കുന്നുവെന്നറിയുമ്പോള്‍ ആരാധകരും ആദ്യം ചോദിക്കുന്നതും ഇതേക്കുറിച്ചാണ്. സാമന്തയും നാഗചൈതന്യയും വിവാഹിതരാവുകയാമെന്നറിഞ്ഞപ്പോഴും താരം സിനിമയില്‍ തുടരുമോയെന്നായിരുന്നു ആരാധകരുടെ ചോദ്യം. വിവാഹത്തിന് ശേഷവും താരം സിനിമയില്‍ സജീവമാണ്. വ്യത്യസ്തമാര്‍ന്ന കഥാപാത്രങ്ങളാണ് താരത്തെ ആകര്‍ഷിക്കുന്നത്.

തെലുങ്ക് പ്രേക്ഷകരുടെ പ്രിയപ്പെട്ട പരിപാടികളിലൊന്നായ ഹീറ്റ് അപ്പ് വിത്ത് സ്റ്റാര്‍സില്‍ പങ്കെടുക്കാനായി സാമന്തയും എത്തിയത്. സിനിമാജീവിതത്തിലെ കാര്യങ്ങളെക്കുറിച്ച് മാത്രമല്ല സ്വകാര്യ ജീവിതത്തിലെ വിശേഷങ്ങളെക്കുറിച്ചും അവതാരക താരത്തോട് ചോദിച്ചിരുന്നു. തന്റെ പ്രണയ ജീവിതത്തെക്കുറിച്ച് പറയാനായിരുന്നു ആദ്യം അവതാരക ആവശ്യപ്പെട്ടത്. എന്നാല്‍ ആ ചോദ്യത്തിന് കനത്ത നിശബ്ദതയായിരുന്നു സാമന്തയുടെ മറുപടി. ഇതിന് പിന്നാലെയായാണ് അടുത്ത ചോദ്യം ഉന്നയിച്ചത്.

വിവാഹത്തിന് ശേഷം നിങ്ങളുടെ ബെഡ്‌റൂമില്‍ വന്ന മൂന്ന് മാറ്റങ്ങളെക്കുറിച്ചും അവതാരക ചോദിച്ചിരുന്നു. മൂന്ന് മാറിയ കാര്യങ്ങളെക്കുറിച്ചുള്ള ആലോചനയിലായിരുന്നു താരം. നിങ്ങള്‍ ലിവ് ഇന്‍ റിലേഷനിലായിരുന്ന കാര്യത്തെക്കുറിച്ച് തനിക്കറിയാമെന്നും ഇക്കാര്യത്തെക്കുറിച്ച് സത്യം പറയണമെന്നും അവതാരക പറഞ്ഞിരുന്നു. നാഗചൈതന്യയുടെ ആദ്യഭാര്യയാണ് തലയണയെന്നും ചുംബിക്കുമ്പോള്‍ പോലും തങ്ങള്‍ക്കിടയില്‍ ഇതുണ്ടാവുമെന്നും താരം പറഞ്ഞിരുന്നു.

രഹസ്യമായി കൊണ്ടു നടന്നിരുന്ന പ്രണയം വീട്ടില്‍ അവതരിപ്പിക്കാന്‍ ഇട വന്ന സാഹചര്യത്തെക്കുറിച്ച് നേരത്തെ നാഗചൈതന്യ തുറന്നുപറഞ്ഞിരുന്നു. യെ മായ ചേസാവെ എന്ന ചിത്രത്തിലാണ് സാമന്തയും നാഗചൈതന്യയും ആദ്യമായി ഒരുമിക്കുന്നത്. 2009 ലായിരുന്നു ഈ സിനിമ റിലീസ് ചെയ്തത്. ഈ ചിത്രത്തില്‍ അഭിനയിച്ചതോടെ ഇരുവരും അടുത്ത സുഹൃത്തുക്കളായി മാറി. പിന്നീട് ആ സൗഹൃദം പ്രണയത്തിലേക്ക് വഴിമാറുകയായിരുന്നു. വീട്ടുകാരോട് പോലും പ്രണയത്തെക്കുറിച്ച് പറയാതെ രഹസ്യമായി കൊണ്ടുനടക്കുകയായിരുന്നു നാഗചൈതന്യ. പ്രണയം വീട്ടില്‍ തുറന്നു പറഞ്ഞില്ലെങ്കില്‍ രാഖി കെട്ടി സഹോദരനാക്കുമെന്ന സാമന്തയുടെ ഭീഷണി കൃത്യമായി ഏറ്റിരുന്നു.