Click it and Unblock the Notifications
സ്ലോ മോഷനിൽ നടക്കണം, ചവിട്ടി നിൽക്കണം: സന്ദീപ് സിനിമയിലെത്തിയത് ഹീറോ ആവാൻ
മലയാള സിനിമയിൽ ഇന്ന് ഒരു പട്ടം യുവ താരങ്ങൾ വീണ്ടും മുഖ്യധാരയിലേക്ക് എത്തുന്ന കാഴ്ച്ചയാണ് പ്രേക്ഷകർ കണ്ടു കൊണ്ടിരിക്കുന്നത്. അതിൽ പ്രധാനിയാണ്, ഫാലിമി എന്ന സിനിമയിലൂടെ ശ്രദ്ധ നേടി, ആലപ്പുഴ ജിംഖാന, പടക്കളം എന്നീ ചിത്രങ്ങളിൽ പ്രധാന വേഷത്തിലെത്തി സിനിമ പ്രേമികളുടെ മനസ്സ് കവർന്ന സന്ദീപ് പ്രദീപ്. ഇപ്പോൾ, ദിൻജിത് അയ്യത്താൻ സംവിധാനം ചെയ്യുന്ന 'ഏകോ' എന്ന മിസ്റ്ററി ത്രില്ലർ ചിത്രത്തിലൂടെ തീയേറ്ററിലേക്ക് മടങ്ങി വരാൻ ഒരുങ്ങുകയാണ് യുവ താരം.
എന്നാൽ ഇപ്പോൾ, റിലേറ്റബിൾ ആയിട്ടുള്ള സിനിമകളേക്കാൾ തന്നെ എന്നും സ്വാധീനിച്ചിട്ടുള്ളത്, കുറച്ചു സ്വാഗ് ഉള്ള, ഹീറോയിസം നിറഞ്ഞു നിൽക്കുന്ന മാസ്സ് ചിത്രങ്ങളാണെന്ന് വെളിപ്പെടുത്തിയിരിക്കുകയാണ് സന്ദീപ് പ്രദീപ്. കുട്ടിക്കാലം മുതൽ മമ്മൂട്ടിയും, മോഹൻലാലും, വിജയ്യും, സൂര്യയും ഒക്കെ അത്തരം 'ലാർജർ ദാൻ ലൈഫ്' സിനിമകൾ കാണുമ്പോഴാണ്, തനിക്കും ഇത് പോലെയൊക്കെ ആവണം എന്ന ചിന്ത ആദ്യമായി തന്റെയുള്ളിൽ ഉടലെടുത്തത് എന്ന് അടുത്തിടെ സീനിയർ ജേർണലിസ്റ്റ് രേഖ മേനോന് നൽകിയ അഭിമുഖത്തിൽ നടൻ പറഞ്ഞു.
"എനിക്ക് കോച്ചിലെ മുതലേ ഈ 'സ്വാഗ്' ഉള്ള സിനിമകൾ കാണുമ്പോഴാണ് ഈ മീഡിയത്തിന്റെ വലുപ്പം മനസ്സിലായിട്ടുള്ളത്. ലാർജർ ദാൻ ലൈഫ് ചിത്രങ്ങൾ കാണുമ്പോഴാണ് നമുക്ക് സിനിമ എന്ന ഇൻഡസ്ട്രിയോടും ഒരു ആരാധന ഫീൽ ചെയ്യുന്നത്. അങ്ങനെയൊക്കെ സ്വാഗ് ഉള്ള - ലാലേട്ടന്റെയും, മമ്മുക്കയുടെയും, പിന്നെ വിജയ്, സൂര്യ, അങ്ങനെ ആ സമയത്തുള്ള സ്റ്റാർസ് എല്ലാവരുടെയും ഒരു സ്വാഗ് അല്ലെങ്കിൽ ഹീറോയിസം ഉള്ള സിനിമകൾ കാണുമ്പോൾ എനിക്ക്, "ഓഹ്... ഇങ്ങനെയൊക്കെ എനിക്കും ചെയ്യണം," എന്ന് തോന്നാറുള്ളത്," സന്ദീപ് വെളിപ്പെടുത്തി.
"എനിക്കും ഇങ്ങനെ ചെയ്യണം, സ്ലോ മോഷനിൽ നടക്കണം, ചവിട്ടി നിൽക്കണം, എന്നൊക്കെയുള്ള ഒരു ത്വര അങ്ങനെയാണ് ഉണ്ടായത്. ആ ത്വരയിൽ നിന്നാണ് എനിക്ക് കൂടുതലും ഈ ഒരു ആഗ്രഹം (സിനിമയിൽ എത്തണം എന്നുള്ള) വന്നത്," പടക്കളം താരം കൂട്ടി ചേർത്തു. എന്നാൽ, താൻ അന്ന് കണ്ട സിനിമയോ ഇൻഡസ്ട്രിയോ അല്ല ഇന്നുള്ളത് എന്ന നല്ല ബോധ്യമുണ്ടെന്നും നടൻ പറഞ്ഞു. സിനിമ ഓരോ ദിവസവും അപ്ഡേറ്റ് ആവുകയാണ്. അതിൽ, എടുക്കുന്ന കഥകൾ മുതൽ, മെക്കിങ് രീതിയും അഭിനയവും വരെ, എല്ലാം എന്നും മാറിക്കൊണ്ടേയിരിക്കുകയാണ് എന്ന തിരിച്ചറിവിലാണ് താൻ ഇന്ന് സിനിമയിൽ നിൽക്കുന്നതെന്ന് സന്ദീപ് പറഞ്ഞു.
സന്ദീപ് പ്രദീപ് പ്രധാന വേഷത്തിൽ എത്തി, കിഷ്കിന്ധ കാണ്ഡം എന്ന ചിത്രത്തിന്റെ സംവിധായകൻ ദിൻജിത്ത് അയ്യത്താൻ രണ്ടാം വർഷം സംവിധാനം ചെയ്യുന്ന ചിത്രം, പൃഥ്വിരാജ് സുകുമാരന്റെ ഏറെ പ്രതീക്ഷയോടെ കാത്തിരിക്കുന്ന ആക്ഷൻ ത്രില്ലറായ വിലായത്ത് ബുദ്ധയ്ക്കൊപ്പം തിയേറ്ററുകളിൽ റിലീസ് ചെയ്യും. അതേ ദിവസം, മറ്റൊരു മലയാള ചിത്രവും ബിഗ് സ്ക്രീനിൽ അരങ്ങേറ്റം കുറിക്കുന്നില്ല. അടുത്തിടെ പുറത്തിറങ്ങിയ 'എക്കോ'യുടെ ടീസറിൽ നിന്ന്, വളരെ രസകരമായ കഥാപാത്രങ്ങളും പശ്ചാത്തലവുമാണ് ഈ തരില്ല സിനിമയുടെ പ്രത്യേകത എന്ന് ഉറപ്പായിരുന്നു.
കിഷ്കിന്ധ കാണ്ഡം, വെബ് സീരീസ് കേരള ക്രൈം ഫയൽസ്: സീസൺ 2 എന്നിവയ്ക്ക് ശേഷം ബാഹുലിന്റെ 'അനിമൽ ട്രൈലോജി'യിലെ അവസാന അധ്യായമാണ് എക്കോ. വിനീത്, അശോകൻ, നരേൻ, ബിനു പപ്പു, ബിയാന മോമിൻ, സിം സി ഫീ, എൻ ജി ഹങ് ഷെൻ, രഞ്ജിത്ത് ശേഖർ, സഹീർ മുഹമ്മദ് എന്നിവരും പുതിയ ചിത്രത്തിൽ അഭിനയിക്കുന്നു.
Continue with Google