വസ്ത്രത്തിന്റെ ഇറക്കം കുറഞ്ഞാൽ ചിലരുടെ ഉറക്കം പോകും!! സാനിയ അയ്യപ്പന് നേരെ സൈബർ ആക്രമണം

ഒരാഴ്ചയ്ക്കിടെ രണ്ട് തവണ

ഈ ഒരാഴ്ചയ്ക്കിടെ രണ്ടാം തവണയാണ് സാനിയ അയ്യപ്പന് നേരെ സൈബർ ആക്രമണം ഉണ്ടാകുന്നത്. തന്റെ ഫോട്ടോ ഷൂട്ടും മറ്റ് ചിത്രങ്ങളും താരം സോഷ്യൽ മീഡിയയിൽ പങ്കുവെയ്ക്കാറുണ്ട്. ഇവയെല്ലാം വിമർശനങ്ങൾക്കും അശ്ലീല കമന്റുകൾക്കും പാത്രമാകാറുണ്ട്. സാദാചാരവാദികൾക്ക് തക്കതായ മറുപടിയും താരം നൽകാറുണ്ട്.

നിക്കറ് വിട്ടൊരു കളിയില്ലേ

കഴിഞ്ഞ ദിവസം ഇൻസ്റ്റഗ്രാമിൽ താരം പങ്കുവെച്ച ചിത്രം വലിയ വിവാദത്തിന് വഴിവെച്ചിരുന്നു. ഡ്രൗസറും വെട്ട നിറത്തിലുള്ള ഷർട്ട് ധരിച്ച, ഒരു ചിത്രമായിരുന്നു സാനിയ ഇൻസ്റ്റഗ്രാമിൽ പങ്കുവെച്ചത്. ഈ ചിത്രത്തിൽ അശ്ലീല കമന്റുമായി ഒരു സദാചാരവിരുദ്ധൻ രംഗത്തെത്തിയിരുന്നു. നിക്കറ് വിട്ടൊരു കളിയുമില്ലല്ലേ... എന്നായിരുന്നു ഇയാളുടെ കമന്റ് . ഇതിന് മറുപടിയുമായി ഇല്ലൊടാ കുട്ടാ എന്ന താരം തിരിച്ചും മറുപടി നൽകി. സാനിയയുടെ മറുപടി കമന്റിനെ നിരവധി ലൈക്കുകളാണ് ലഭിച്ചിരിക്കുന്നത്.

നടിയ്ക്കെതിരെ വീണ്ടും

ഇപ്പോഴിത നടിയ്ക്കെതിരെ വീണ്ടും സൈബർ ആക്രമണം ഉണ്ടായിരിക്കുകയാണ്. തന്റെ പുതിയ ചിത്രം സാനിയ ഇൻസ്റ്റഗ്രാമിൽ പങ്കുവെച്ചിരുന്നു. സമാനാനുഭവം തന്നെയാണ് താരത്തിന് വീണ്ടും ഉണ്ടായിരിക്കുന്നത്. ചിത്രത്തിനു ചുവടെ നല്ല കമന്റുകൾക്കൊപ്പം മോശ കമന്റുകളും പ്രത്യക്ഷപ്പെട്ടിരുന്നു. എന്നാൽ ഇക്കുറി സദാചാരവാദികൾക്കെതിരെ താരം പ്രതികരിച്ചിട്ടില്ല. താരം പ്രതികരിച്ചിട്ടില്ലെങ്കുലും ആരാധകർ തന്നെ ഇത്തരക്കാർക്ക് മറുപടി നൽകുന്നുണ്ട്. ഇൻസ്റ്റഗ്രാമിൽ സാനിയയെ പിന്തുണച്ച് നിരവധി പേരാണ് എത്തുന്നത്.‌

സൂപ്പർ താരങ്ങളോടൊപ്പം

ക്വീൻ എന്ന ചിത്രത്തിലൂടെ വെള്ളിത്തിരയിൽ എത്തുകയും വളരെ പെട്ടെന്ന് തന്നെ മലയാളി പ്രേക്ഷകരുടെ പ്രിയങ്കരിയായി മാറിയ താരമാണ് സാനിയ അയ്യപ്പൻ. ക്വീനിലെ ചിന്നു എന്ന കഥാപാത്രം കരിയറിൽ വലിയ ബ്രേക്കായിരുന്നു നൽകിയത്. പിന്നീട് മലയാളത്തിലെ പ്രമുഖ താരങ്ങളോടെപ്പം അഭിനയിക്കാനുളള അവസരം നടിയ്ക്ക് ലഭിക്കുകയും ചെയ്തു. പൃഥ്വിരാജ് സംവിധാനം ചെയ്ത മോഹൻലാൽ ചിത്രത്തിൽ പ്രധാനപ്പെട്ട റോളിൽ സാനിയ എത്തിയിരുന്നു. ജാൻവി എന്ന കഥാപാത്രത്തിന് മികച്ച പ്രേക്ഷകാഭിപ്രായമായിരുന്നു ലഭിച്ചിരുന്നത്. മമ്മൂട്ടി ചിത്രം പതിനെട്ടാം പടിയിലും സാനിയ എത്തുന്നുണ്ട്