'കാവ്യയുടെയും ദിലീപിന്റെയും പ്രണയം ഉറപ്പിക്കാനെടുത്ത സിനിമ; ദിലീപ് വിചാരിച്ചത് പോലെ ആയിരുന്നില്ല'; ശാന്തിവിള

ഇതാണ് ശാന്തിവിളയെ ചൊടിപ്പിച്ചത്. മോഹൻലാലിന്റെ നല്ല സിനിമകൾ എണ്ണിപ്പറഞ്ഞാണ് അടൂരിന് ​ശാന്തിവിള മറുപടി നൽകിയത്. ഇതിനൊപ്പം അടൂരിന്റെ സിനിമകളിലെ പോരായ്മകളും ചൂണ്ടിക്കാട്ടി.

അടൂർ ചെയ്ത പിന്നെയും എന്ന സിനിമയെ ശാന്തിവിള ദിനേശ് കുറ്റപ്പെടുത്തി. കാവ്യ-ദിലീപ് പ്രണയം ഉറപ്പിക്കാനാണ് ഈ സിനിമ ചെയ്തതെന്ന് തോന്നുന്നെന്ന് ശാന്തിവിള തുറന്നടിച്ചു. തന്റെ യൂട്യൂബ് ചാനലിലാണ് പ്രതികരണം.

Also Read: 'സനൽ എപ്പോഴും വീട്ടിലേക്ക് വരുന്നതുകൊണ്ട് അമ്മ പറഞ്ഞിട്ട് എൻ​ഗേജ്മെന്റ് നടത്തി, രഹസ്യമാക്കിയില്ല'; സരയൂ

'ആനുകാലിക വിഷയം വെച്ച് അടൂർ സിനിമ ചെയ്താൽ പൊളിയും എന്നതിന് കാവ്യയെയും ദിലീപിനെയും വെച്ച് ചെയ്ത പിന്നെയും എന്ന സിനിമയുടെ ഉദാഹരണം നമുക്ക് മുന്നിലുണ്ട്'

'ഹതഭാ​ഗ്യനായ മനുഷ്യനായിരുന്നല്ലോ ചാക്കോ. സെക്കന്റ് ഷോ കഴിഞ്ഞ് വീട്ടിലേക്ക് പോവാൻ നിൽക്കുമ്പോൾ വഴിയെ പോയ കാറിന് കൈ കാണിച്ചു'

'സുകുമാരക്കുറുപ്പ് എന്ന ദ്രോഹിയും അയാളുടെ ബന്ധുക്കളും ചേർന്ന് ചാക്കോ എന്ന മനുഷ്യനെ കൊന്നില്ലേ. ആ സംഭവത്തിന്റെ ചൂടാറും മുന്നേ തന്നെ ഈ വിഷയത്തെക്കുറിച്ച് സംവിധായകൻ ബേബി എൻഎച്ച് 47 എന്ന സിനിമ ചെയ്തു. നന്നായിട്ട് കലക്ഷൻ നേടി പടം'

'ഈ കഥ എടുത്ത് അടൂർ ​ഗോപാലകൃഷ്ണൻ പിന്നെയും എന്ന സിനിമയാക്കി കാവ്യയെയും ദിലീപിനെയും നായകനും നായികയും ആക്കി ചെയ്തതെന്ന് എനിക്ക് അറിയില്ല. ഒരു ബോറ് പടം. ദിലീപിന്റെ കാവ്യ മാധവന്റെയും പ്രണയം ഉറപ്പാക്കുന്നതിനെടുത്താണെന്നാണ് ആ സിനിമ കണ്ടപ്പോൾ തോന്നിയത്. അല്ലാതെ പിന്നെയും സിനിമ ആരും ചർച്ച ചെയ്തില്ല'

'ഇങ്ങനെ ഒരു സിനിമയിൽ പ്രതിഫലം വാങ്ങാതെ ആണ് ദിലീപ് ചെന്നതെങ്കിൽ ദിലീപിന് ഈ സിനിമ കൊണ്ട് എന്ത് ​ഗുണം ഉണ്ടായി എന്ന് ഞാൻ ആലോചിക്കാറുണ്ട്. എലിപ്പത്തായം, സ്വയംവരം പോലെ ഒരു നല്ല സിനിമ ആണെന്ന് കരുതി ആയിരിക്കും ചാടിക്കൊടുത്തത്'

'ഇതേ കഥ വെച്ച് കുറുപ്പ് എന്ന സിനിമ ചെയ്തു. കോടികൾ വാരിയ സിനിമ ആയിരുന്നു. വലിയ മനസുള്ളവർക്കേ മറ്റുള്ളവരെ അം​ഗീകരിക്കാൻ പറ്റൂ, നമുക്ക് മനസ്സിൽ എന്തെങ്കിലും വ്യക്തി വിരോധം ഉണ്ടെങ്കിൽ അതിനെ നല്ല ​ഗുണ്ട ചീത്ത ​ഗുണ്ട എന്ന് പറഞ്ഞല്ല തോൽപ്പിക്കേണ്ടത്'

'അങ്ങോട്ട് വിളിച്ച് അങ്ങുന്നയുടെ ഒരു പടത്തിൽ മുഖം കാണിക്കാൻ അവസരം തരണം എന്ന് മോ​ഹൻലാൽ പറഞ്ഞു കാണില്ല. അദ്ദേഹം അങ്ങനെ അവസരം ചോദിക്കുന്ന ആളല്ല'

'മോഹൻലാൽ എന്ന ആക്ടറെ താറടിച്ച് കാണിക്കാൻ ഈ ചലച്ചിത്ര ഭീഷ്മർ വ്യ​ഗ്രതപ്പെടുന്നത് ഒരുപക്ഷെ മമ്മൂട്ടിയെയും അശോകനെയും വെച്ച് സിനിമ ചെയ്തു, സാറെന്താ എന്നെ വെച്ച് സിനിമ ചെയ്യാത്തതെന്ന് ചോദിക്കാത്തതിന്റെ ചൊരുക്ക് ആയിരിക്കാം'