'അമൽ നീരദ് തെറിവിളിച്ചു, ഭ്രാന്താശുപത്രിയിൽ പോവാൻ പറഞ്ഞു'; ബാംഗ്ലൂരിൽ നടന്നതിനെക്കുറിച്ച് സന്തോഷ് വർക്കി

Santhosh Varkey On Amal Neerad: നിത്യാ മേനോനെ കാണാൻ പോയ എന്നോട് ഭ്രാന്താശുപത്രിയിൽ പോകാൻ പറഞ്ഞു

വീട്ടുകാരെ നിരന്തരം വിളിച്ച് ശല്യപ്പെടുത്തുമായിരുന്നെന്നും സഹികെട്ട് ഇയാളുടെ മുപ്പതോളം നമ്പറുകൾ ബ്ലോക്ക് ചെയ്തിട്ടുണ്ടെന്നും നിത്യ മേനോൻ പറഞ്ഞു. ഇപ്പോൾ നടിയുടെ ആരോപണങ്ങളിൽ പ്രതികരണവുമായി രം​ഗത്തെത്തിയിരിക്കുയാണ് സന്തോഷ് വർക്കി. ആറ് മാസം മുമ്പ് കഴിഞ്ഞ സംഭവങ്ങളാണ് ഇതെന്നും വീണ്ടും വിഷയമാക്കേണ്ടിയിരുന്നില്ലെന്നും സന്തോഷ് വർക്കി പറയുന്നു. നിത്യയെ കാണാൻ ലൊക്കേഷനിൽ പോയപ്പോഴുണ്ടായ അനുഭവങ്ങളും സന്തോഷ് ഫിൽമിബീറ്റ് മലയാളത്തോട് സംസാരിച്ചു.

Also read: 'ആകാശദൂത് കണ്ട് കരയാത്തവർ ഉണ്ടെന്ന് പറഞ്ഞാൽ ഞാൻ വിശ്വസിക്കില്ല': ഔസേപ്പച്ചൻ

'അവരെന്നെ (നിത്യ) മനസ്സിലാക്കിയിട്ടില്ല. പൂർണമായും തെറ്റിദ്ധരിച്ചിരിക്കുകയാണ്. അവരുമായി ആകെ രണ്ട് തവണ മാത്രമേ സംസാരിച്ചിട്ടുള്ളൂ. ഇവരുടെ ചുറ്റുമുള്ള ആൾക്കാർ പറഞ്ഞ അഭിപ്രായമാണ് അവർക്കുമുള്ളത്. ഇവർ നല്ല ആളാണെന്നാണ് ഇന്റർവ്യൂ കണ്ടപ്പോൾ വിചാരിച്ചത്. ഇനി അവരുമായിട്ട് ഒരു ബന്ധത്തിനും ഞാനില്ല. എനിക്ക് മതിയായി'

'അനുഭവിക്കാനുള്ള മാക്സിമം ഞാൻ അനുഭവിച്ചു. അടുത്തിടെ മരിച്ച എന്റെ അച്ഛന്റെയടുത്ത് അവരുടെ അമ്മ മോശമായി പെരുമാറി. 72 വയസ്സുള്ള അമ്മയ്ക്ക് വേണ്ടിയാണ് ഞാൻ ജീവിക്കുന്നത്,' സന്തോഷ് വർക്കി പറഞ്ഞു.

Also read: വേറൊരു രാജ്യത്ത് പോയി ജീവിക്കാനും സ്വതന്ത്ര്യമുണ്ട്; അ്ച്ഛന്റെ പേരില്‍ അറിയപ്പെടാന്‍ ഇഷ്ടമെന്ന് കല്യാണി

'ബാം​ഗ്ലൂരിൽ ഒറ്റയ്ക്കാണ് പോയത്. അവിടെ ലൊക്കേഷനിൽ എത്തിയപ്പോൾ വികെപി ചോദിച്ചു എങ്ങനെ ഇവിടെയെത്തിയെന്ന്. അത്രയ്ക്ക് റിമോട്ട് ഏരിയയിലാണ് പോയത്. എത്രമാത്രം ഞാൻ കഷ്ടപ്പെട്ടെന്ന് അറിയുമോ. കോളാമ്പി ലൊക്കേഷനിൽ വെച്ചാണ് പറയുന്നത്. നിങ്ങൾ സമയം പാഴാക്കുകയാണ്. ഇത് ഒരിക്കലും നടക്കില്ലെന്ന് പറഞ്ഞു. നാല് വർഷം വെറുതെ ആയിപ്പോയി. എത്ര ടെൻഷൻ ഞാനനുഭവിച്ചു'

'അമൽ നീരദ് പോലും എന്നെ തെറി വിളിച്ചു. ബാം​ഗ്ലൂരിൽ പോയപ്പോൾ അമൽ നീരദ് പറയുകയാണ് കൊണ്ടുപോവാൻ ആരുമില്ലെങ്കിൽ സ്വന്തമായിട്ട് പോയി മെന്റൽ ഹോസ്പിറ്റലിൽ അഡ്മിറ്റാവാൻ. കംറേഡ് ഇൻ അമേരിക്കയിൽ ദുൽഖർ സൽമാൻ പെണ്ണിനെ തേടി അമേരിക്കയിൽ വരെ പോയിട്ടുണ്ട്. ഞാൻ ബാം​ഗ്ലൂരിൽ അല്ലെ പോയിട്ടുള്ളൂ എന്ന് ഞാൻ പറഞ്ഞു. ഇവരൊക്ക സിനിമയിൽ ചെയ്യുന്നുണ്ടല്ലോ,' സന്തോഷ് വർക്കി ചോദിക്കുന്നു.

Also read:

'നോ പറഞ്ഞാൽ പ്രശ്നം അതോടെ അവസാനിക്കുമായിരുന്നു. പണ്ടൊരു അഭിമുഖത്തിലും ഒരു ഫാനിന്റെ കാര്യം പറഞ്ഞപ്പോൾ എന്റെ പേരാണ് പറഞ്ഞത്. ഞാൻ മെന്റലി ഓഫ് ആണെന്നാണ് പറഞ്ഞത്. ഇവരുമായിട്ട് ആകെ രണ്ട് തവണയേ ഞാൻ സംസാരിച്ചിട്ടുള്ളൂ. ഒരിക്കൽ പ്രാണയുടെ ലൊക്കേഷനിലും പിന്നെ കോളാമ്പി സിനിമയുടെ ലൊക്കേഷനിലും'

'ഇക്കാലത്ത് ആണുങ്ങളെല്ലാം വളരെ പ്രാക്ടിക്കൽ ആണ്. ഞാനെല്ലാം പഴയ ജനറേഷനാണെന്ന് തോന്നുന്നു. ഞാൻ പഴയ കാലത്ത് ജനിക്കേണ്ട ആളാണ്. ഇക്കാലത്ത് ഇത്രയും ആത്മാർത്ഥതയൊന്നും ആരും കാണിക്കില്ല', സന്തോഷ് വർക്കി പറഞ്ഞു.

Also read: രജിസ്റ്റര്‍ മ്യാരേജ് ചെയ്യാമെന്നാണ് കരുതിയത്! ആഢംബര കാറ് വാങ്ങി പണി കിട്ടിയതിനെ കുറിച്ച് സ്‌നേഹയും ശ്രീകുമാറും

'ഞാൻ ഈ ന്യൂസ് കണ്ടപ്പോൾ വളരെ ഇമോഷണലായി. അവരിങ്ങനെ ചെയ്യുമെന്ന് വിചാരിച്ചില്ല. ഇത്രയും നാൾ വിചാരിച്ചത് അവൾക്ക് നല്ലൊരു മനസ്സുണ്ടെന്നാണ്. അവരുടെ പിതാവ് പാവം മനുഷ്യനാണ്. എന്റെ പിതാവുമായി സംസാരിക്കുമ്പോൾ ഇമോഷണലായതാണ്. പുള്ളി നല്ലൊരു മനുഷ്യനാണ്. അവരുടെ അമ്മയാണ് പ്രശ്നമുണ്ടാക്കിയത്'

'എന്നോട് പലരും പറഞ്ഞതാണ് ഈ ബന്ധം വേണ്ടെന്ന്. സിനിമാ രം​ഗത്തെ പലരും അവൾ നിന്നെ അർഹിക്കുന്നില്ല എന്ന് പറഞ്ഞു. ആറ് മാസം മുമ്പ് ഇനി വിളിച്ചാൽ പൊലീസിൽ പരാതി കൊടുക്കുമെന്ന് മെസേജ് അയച്ചതാണ്. പിന്നെ വിളിച്ചിട്ടില്ല,' സന്തോഷ് വർക്കി പറഞ്ഞു.