ഷൂട്ടിംഗ് ലൊക്കേഷനിലുണ്ടായ ബൈക്കപകടം, വലിയ ഒരു ദുരന്തത്തിൽ നിന്ന് രക്ഷിച്ചത് ഒരു ആരാധകൻ; ഓർമ്മ പങ്കുവെച്ച് സീമ

അടുത്തിടെ ഫ്ലവേഴ്സ് ഒരുകോടി എന്ന പരിപാടിയിൽ സീമ അതിഥിയായി എത്തി. അന്ന് വിശേഷങ്ങൾ പങ്കുവെച്ചപ്പോൾ കാളി എന്ന ചിത്രത്തിന്റെ ഷൂട്ടിംഗ് ലൊക്കേഷനിൽ നടന്ന ഒരു അപകടത്തെ പറ്റി സീമ പറഞ്ഞ കാര്യങ്ങളാണ് ഇപ്പോൾ ശ്രദ്ധേയമാവുന്നത്. ചിത്രത്തിൽ സീമ ബുള്ളറ്റ് ഓടിക്കുന്ന ഒരു സീൻ ഉണ്ട്. ഒരു പക്ഷെ മലയാള സിനിമയിൽ ആദ്യമായിട്ടായിരിക്കും ഒരു നടി സിനിമയിൽ ബുള്ളറ്റ് ഓടിക്കുന്നത്. ബുളളറ്റ് ഓടിക്കാനായി പ്രത്യേക പരിശീലനവും സീമ നേടി.

പരിശീലിക്കുന്ന സമയം ഇടത് ഭാഗത്ത് ക്ലച്ചും വലത് ഭാഗത്ത് ബ്രേക്കുമുള്ള ബുള്ളറ്റുമാണ് നൽകിയത്. അതിൽ നന്നായി പരീശീലനം പൂർത്തിയാക്കുകയും ചെയ്തു. എന്നാൽ ഷൂട്ടിംഗ് സമയത്ത് ഇടത് ഭാഗത്ത് ബ്രേക്കും വലത് ഭാഗത്ത് ക്ലച്ചുമുള്ള ബൈക്കായിരുന്നു സീമക്ക് ലഭിച്ചത്.

ഓടിച്ചു തുടങ്ങി അൽപസമയത്തിനകം തന്നെ സീമയുടെ കയ്യിൽ നിന്ന് ബൈക്കിൻ്റെ നിയന്ത്രണം നഷ്‌ടമായി. ഒടുവിൽ ബൈക്ക് ഒരു മരത്തിൽ ഇടിക്കുമെന്ന അവസ്ഥ വന്നു.

എന്നാൽ ആ കൃത്യ സമയത്ത് ഒരു പയ്യൻ വന്ന് ബൈക്കിൽ തട്ടുകയും മരത്തിൽ ഇടിക്കുന്നത് ഒഴിവാക്കുകയും ചെയ്‌തുവെന്നാണ് സീമ പറയുന്നത്. ആ അപകടത്തിൽ കാലിന് പരിക്കേറ്റെങ്കിലും വലിയ ഒരു ദുരന്തത്തിൽ നിന്നാണ് തന്നെ ആ പയ്യൻ രക്ഷിച്ചത്. തന്റെ ഷൂട്ടിംഗ് ഉണ്ടെന്നറിഞ്ഞ് തന്നെ കാണാനെത്തിയ ഒരു ആരാധകനായിരുന്നു ആ പയ്യൻ. മെക്കാനിക്കായ ആ പയ്യനാണ് ആ വലിയ അപകടത്തിൽ നിന്ന് തന്നെ രക്ഷിച്ചത്.

Recommended Video

ഇതാ റോബിന്‍ രാധാകൃഷ്ണന്റെ രണ്ടാമത്തെ സിനിമ

ഇരൂനൂറിലധികം സിനിമകളിലാണ് നടി അഭിനയിച്ചത്. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും സീമ അഭിനയിച്ചിരുന്നു. കൂടാതെ ഭർത്താവ് ഐവി ശശിയുടെ ശ്രദ്ധേയ സിനിമകളിലും നടി വേഷമിട്ടു.

രണ്ടു തവണ മികച്ച നടിക്കുള്ള കേരള സംസ്ഥാന ചലച്ചിത്ര പുരസ്ക്കാരം ലഭിച്ചിട്ടുണ്ട്. അക്ഷരങ്ങൾ, ആൾക്കൂട്ടത്തിൽ തനിയേ, അനുബന്ധം എന്നീ ചിത്രങ്ങളിലെ അഭിനയത്തിനാണ് പുരസ്ക്കാരങ്ങൾ നേടിയത്. സിനിമകൾക്കൊപ്പം തന്നെ ടെലിവിഷൻ പരമ്പരകളിലൂടെയും നടി പ്രേക്ഷകർക്ക് മുൻപിൽ എത്തി. 2000 മുതലാണ് ടെലിവിഷൻ രംഗത്തും സീമ സജീവമായത്.