സിനിമയിലെ വളർച്ചയുള്ളൂ ടെലിവിഷനിൽ വളർച്ചയില്ല, പക്ഷെ നല്ല കഥാപാത്രങ്ങൾ ചെയ്യാനുള്ള അവസരമുണ്ടെന്ന് യദു കൃഷ്ണൻ

സിനിമയിലെയും ടെലിവിഷനിലെയും അവസരങ്ങളെക്കുറിച്ചും യദു പറഞ്ഞു. സിനിമയിലെ ഒരു നടന് വളർച്ചയുള്ളൂ. ടെലിവിഷനിൽ ആ വളർച്ചയുണ്ടാവില്ല. പക്ഷെ നല്ല കഥാപാത്രങ്ങൾ ചെയ്യാനുള്ള അവസരം ലഭിക്കുകയും ചെയ്യും. സീരിയൽ വലിയ സാധ്യത തരുന്ന ഒരിടമാണ്. അഭിനയത്തിന് വലിയ സാധ്യതയുമുണ്ട്.

പിന്നെ ഒരു കഥാപാത്രത്തെ തന്നെ ഒരുപാട് നാൾ അഭിനയിക്കാൻ കഴിയുന്നു. സിനിമ ഒരു ചരിത്രമാണ്. അതിൽ അഭിനയിച്ചാൽ ആളുകൾ നമ്മളെ ഓർത്തിരിക്കും. ഇപ്പോഴും എന്റെ സിനിമയിലെ കഥാപാത്രങ്ങളാണ് പ്രേക്ഷകർക്കു ആദ്യം ഓർമ്മയിൽ വരിക. അഭിനയമാണ് നമ്മുടെ തൊഴിൽ.

സിനിമ ആവുമ്പോൾ ഒറ്റ ഇരുപ്പിന് നമ്മൾ കാണും. എന്നാൽ സീരിയൽ ആണെങ്കിൽ കാണുന്നതിനൊപ്പം പല ജോലികളും കൂടെ ചെയ്യാറുണ്ട്. സിനിമയിലെ കഥാപത്രങ്ങൾ എല്ലാവരും ഓർത്തിരിക്കും സീരിയലിൽ നിന്ന് അതുണ്ടാകില്ല. എന്റെ കൂടെ പഠിച്ച ഒരു സുഹൃത്തുക്കൾ പോലും സീരിയലിലെ എൻ്റെ അഭിനയം കണ്ടിട്ട് ഇതുവരെ ഒന്നും പറഞ്ഞിട്ടില്ല.

എന്നാൽ അടുത്തിടെ സമൂഹ മാധ്യമങ്ങളി‍ൽ നേരം പോക്കിനായി റീൽസ് ചെയ്തിട്ടിരുന്നു. അതിന് അവർ കമൻ്റ് പറഞ്ഞ് വിളിച്ചിട്ടുണ്ട്.

സിനിമയിൽ നിന്ന് മാറി നിന്നത് ഒന്നുമല്ല, സിനിമയിൽ ഒരോ ​ഗ്രൂപ്പുകളുണ്ട് . ആ​ ഗ്രൂപ്പുകളിലൂടെയാണ് ഓരോ സിനിമയും ഉണ്ടാവുന്നത്. അപ്പോൾ അതിൽ ഉള്ളവർക്ക് ചാൻസ് കിട്ടുന്നു എന്നുള്ളതേയുള്ളൂ.

യാത്രകൾ ഒക്കെ ഒരുപാട് ഇഷ്ടമാണ്. നമ്മുടെ കേരളത്തിൽ തന്നെ വളരെ നല്ല സ്ഥലങ്ങളുണ്ട്. മറ്റുള്ള സ്ഥലങ്ങളിൽ നിന്ന് നമ്മുടെ നാട്ടിലേക്ക് ആളുകൾ എത്തി മനോഹരമാണെന്ന് പറയുമ്പോൾ നമ്മളും അങ്ങോട്ട് പോകും. ഞങ്ങളുടേത് ഒരു കൂട്ട് കുടുംബമാണ്.

അച്ഛനും അമ്മയും എൻ്റെ ഭാര്യ മകൾ, അനിയൻ്റെ കുടുംബവും എന്നിവർ ചേർന്നാണ് താമസം. മകൾ ആറാം ക്ലാസിൽ പഠിക്കുന്നു. അഭിനയവും അവിടുത്തെ തിരക്ക് കഴിയുമ്പോൾ വീട്ടിലേക്ക് വരും. ഇത്രയും നാൾ തന്ന പിന്തുണ ഇനിയും ഉണ്ടാകണം, യദു പറഞ്ഞു.