ആശുപത്രി മുറിയിൽ ഭാര്യയ്ക്ക് സർപ്രൈസുമായി യുവ; എൻ്റെ പിറന്നാളിന് പറ്റിയ സമ്മാനം നമ്മുടെ കുഞ്ഞാണെന്ന് മൃദുലയും

കുഞ്ഞ് വന്നതിന് ശേഷമുള്ള ആദ്യത്തെ പിറന്നാളിന് ഇരട്ടി മധുരമാണ്. ഡെലിവറി കഴിഞ്ഞ ശേഷം ഇപ്പഴും ആശുപത്രിയിലാണ് മൃദുലയും കുഞ്ഞുമുള്ളത്. പിറന്നാളിൻ്റെ അന്ന് രാത്രി മൃദുലക്ക് സർപ്രൈസായി മധുരവും സമ്മാനങ്ങളും നൽകുന്നതുമാണ് വീഡിയോയിൽ കാണുന്നത്. മുദുലയെ പിറന്നാൾ വിഷ് ചെയ്തു കൊണ്ട് യുവ ഇൻസ്റ്റ​ഗ്രാമിൽ വീഡിയോ പങ്കുവെക്കുകയും ചെയ്തു.

'എനിക്കറിയാം നിൻ്റെ ജീവിതത്തിലെ ഏറ്റവും മെമ്മറബിൾ ആയിട്ടുള്ള പിറന്നാളായിരിക്കും ഇത്. എന്നോടൊപ്പം സന്തോഷത്തോടെയും ആരോഗ്യത്തോടെയും ജീവിക്കാൻ കഴിയട്ടെ' എന്നുമാണ് യുവ ഇൻസ്റ്റയിൽ കുറിച്ചത്.

യുവയുടെ ഇൻസ്റ്റ​ഗ്രാം സ്റ്റോറിക്ക് മറുപടിയായി എൻ്റെ പിറന്നാളിന് പറ്റിയ സമ്മാനം നമ്മുടെ കുഞ്ഞിനെ ഏട്ടൻ തന്നില്ലേ എന്നാണ് മൃദുല പങ്കുെവച്ചത്. ഡെലിവറിക്ക് ശേഷം ആദ്യമായാണ് മൃദുല വീഡിയോയ്ക്ക് മുന്നിൽ വരുന്നത്. മറ്റു വിശേഷങ്ങളൊന്നും ഇതുവരെ പങ്കുവെച്ചിട്ടില്ല. ഇവരുടെ ആരാധകർ വിശേഷങ്ങൾ അറിയാൻ വെയിറ്റിം​ഗ് ആണ്.

ഗർഭിണിയായ ആദ്യ സമയം മുതലുള്ള വിശേഷങ്ങൾ യുവയും മൃദുലയും പ്രേക്ഷകരുമായി പങ്കുവച്ചിരുന്നു. തുടർന്ന് ഗർഭകാലത്ത് ഉണ്ടായ ആഗ്രഹങ്ങളെ കുറിച്ചും, ചെക്കപ്പ് വിവരങ്ങളും എല്ലാം മൃദുല നിരന്തരം സോഷ്യൽ മീഡിയയിലൂടെ അറിയിച്ചു. ബേബി ഷവർ ഫോട്ടോഷൂട്ടും ചടങ്ങുകളും എല്ലാം സോഷ്യൽ മീഡിയയിൽ വൈറലായിരുന്നു. ആൺ കുഞ്ഞിനെയാണോ പെൺ കുഞ്ഞിനെയാണോ ആഗ്രഹം എന്ന് ചോദിച്ചപ്പോൾ ആരായാലും ആരോഗ്യമുള്ള കുഞ്ഞ് വാവയെ കിട്ടിയാൽ മതി എന്നാണ് യുവയും മൃദുലയും പറഞ്ഞത്.

ഗർഭിണി ആയതിന് ശേഷം സീരിയലുകളിൽ നിന്ന് ഒരു ഇടവേള എടുത്തിരിക്കുകയാണ് മൃദുല. പ്രസവ ശേഷം വീണ്ടും അഭിനയത്തിൽ സജീവമാകുമെന്നും മ‍‍ൃദുല തൻ്റെ പ്രേക്ഷകരോട് അറിയിച്ചിട്ടുണ്ട്. മഴവിൽ മനോരമയിൽ 'തുമ്പപ്പൂ' എന്ന സീരിയലിൽ അഭിനയിച്ച് കൊണ്ടിരിക്കുമ്പോഴാണ് സീരിയലിൽ നിന്ന് ഒരിടവേള എടുത്തത്. അതിന് മുമ്പ് 'പൂക്കാലം വരവായ്' എന്ന പരമ്പരയിലും അഭിനയിച്ച് മൃദുല ശ്രദ്ധ നേടിയിരുന്നു.

മഴവിൽ മനോരമയിലെ 'മഞ്ഞിൽ വിരിഞ്ഞ പൂവ്' എന്ന പരമ്പരയിലെ മനു എന്ന കഥാപാത്രത്തിലൂടെയാണ് യുവ ആരാധകരുടെ പ്രിയ താരമായത്. അഭിനേതാവ് എന്നത് പോലെ മെന്റലിസ്റ്റും കൂടിയാണ് യുവ. ഇരുവരും കഴിഞ്ഞ വർഷം ജൂലൈയിലാണ് വിവാഹിതരായത്. വിവാഹത്തിന്റെ ചിത്രങ്ങളും വീഡിയോകളുമെല്ലാം സോഷ്യൽ മീഡിയയിൽ വൈറലായിരുന്നു.