നടി സോനു സതീഷിന് പെൺകുഞ്ഞ്, അമ്മയായ സന്തോഷം പങ്കുവെച്ച് താരം

സോനു തന്റെ കുടുംബവിശേഷങ്ങൽ എല്ലാം ഇൻസ്റ്റഗ്രാമിലൂടെ പങ്കുവെക്കാറുണ്ട്. അമ്മയായി എന്ന് സന്തോഷവാർത്തക്കൊപ്പം മെറ്റേണിറ്റി ഫോട്ടോസും താരം പങ്കുവെച്ചിട്ടുണ്ട്. മനോഹരമായ മഞ്ഞ മെറ്റേണിറ്റി വെയറിൽ, നിറ വയറുമായുള്ള ചിത്രങ്ങളാണ് സോനു പങ്കുവെച്ചിരിക്കുന്നത്. സോനുവിന്റെ സന്തോഷ വാർത്ത ഇതിനോടകം തന്നെ ആരാധകർ ഏറ്റെടുത്ത് കഴിഞ്ഞു.

കുഞ്ഞിനെ കാണാൻ കട്ട വെയിറ്റിംഗ് ആണെന്നാണ് ആരാധകർ കമൻ്റിലൂടെ പറയുന്നത്. കൂടാതെ നടി അമ്മയായതിൽ സന്തോഷവും, ആശംസകളും പറഞ്ഞ് എത്തിയവരും അമ്മയും കുഞ്ഞും നന്നായി ഇരിക്കട്ടേ എന്നും സോനുവിന്റെ മെറ്റേണിറ്റി ഷൂട്ടും അതിമനോഹരമായിരിക്കുന്നുവെന്നും കമന്റുകളുണ്ട്.

ഏഷ്യാനെറ്റിലെ 'വാൽക്കണ്ണാടി പരിപാടിയിൽ അവതാരികയായി കരിയർ ആരംഭിച്ച സോനുവിൻ്റെ തുടക്കം. നർത്തകി -നടി എന്നീ നിലകളിൽ ശ്രദ്ധിക്കപ്പെട്ട താരം മിക്ക പരമ്പരകളിലും നെഗറ്റീവ് കഥാപാത്രങ്ങൾ ചെയ്ത് മലയാള സീരിയലിലെ വില്ലത്തി ആയി മാറി. സ്ത്രീധനം എന്ന പരമ്പരയിലെ വേണി എന്ന കഥാപാത്രത്തിലൂടെയാണ് മിനിസക്രീനിൽ സോനു തന്റേതായ ഇടം നേടിയെടുത്തത്.

വില്ലത്തി കഥാപാത്രമാങ്ങളാണ് താരത്തിന് ലഭിക്കുന്നതെങ്കിലും താൻ വളരെ ആസ്വദിച്ചാണ് വില്ലത്തിവേഷം കൈകാര്യം ചെയ്യുന്നതെന്ന് താരം പലപ്പോഴും പറഞ്ഞിട്ടുണ്ട്. സീ കേരളത്തിൽ സംപ്രേഷണം ചെയ്തിരുന്ന 'സുമംഗലീ ഭവഃ' പരമ്പരയിലെ ദേവു ആയിരുന്നു സോനു അവസാനം അഭിനയിച്ച കഥാപാത്രം. ഗർഭിണിയായതോടെയാണ് സോനു പരമ്പരയിൽ നിന്നും പിന്മാറിയത്.