ആദ്യ നാളുകളിൽ പ്രണയമൊന്നും ഉണ്ടായിരുന്നില്ല സുഹൃത്തുക്കളായിരുന്നു, പഴയകാല ചിത്രം പങ്കുവച്ച് ബീന ആന്റണി

'ആദ്യ നാളുകളിൽ പ്രണയമൊന്നും ഉണ്ടായിരുന്നില്ല. അടുത്ത സുഹൃത്തുക്കൾ മാത്രമായിരുന്നു. പിന്നീട് ആ സൗഹൃദം വളർന്നാണ് പ്രണയത്തിലേക്ക് എത്തിയത്. നിറത്തിലെ കുഞ്ചാക്കോ ബോബൻ-ശാലിനി പ്രണയം പോലെയായിരുന്നു ഞങ്ങളുടെ ബന്ധമെന്ന് വേണമെങ്കിൽ പറയാം. സൗഹൃദം മാത്രമായിരുന്ന നാളുകളിൽ മണിക്കൂറുകളോളം ഫോണിൽ സംസാരിക്കുന്ന ദിവസങ്ങൾ ഉണ്ടായിരുന്നു. അങ്ങനെ ഒരു ദിവസം ഞങ്ങൾ ഒരുമിച്ച് തീരുമാനം എടുത്തു'.

'ഇനി മുതൽ രാത്രി പത്ത് മണിക്ക് ശേഷം പരസ്പരം ഫോൺ വിളിക്കില്ലെന്ന്. തീരുമാനമെടുത്ത് ഉറങ്ങാൻ കിടന്നെങ്കിലും ഞങ്ങൾക്ക് രണ്ടുപേർക്കും ഉറങ്ങാൻ കഴിഞ്ഞില്ല. അങ്ങനെ ഒരു അവസ്ഥ വന്നപ്പോഴാണ് തിരിച്ചറിഞ്ഞത് ഞങ്ങളുടെ ഉള്ളിൻ്റെ ഉള്ളിൽ പ്രണയമുണ്ടെന്ന്. ഞങ്ങളുടെ വീട്ടുകാർക്ക് ജാതിയും മതവുമൊന്നും വിഷയമായിരുന്നില്ല,' ബീന ആന്റണിയും മനോജ് നായരും വെളിപ്പെടുത്തി.

മനോജ് കുമാറുമായി ഇഷ്ടത്തിലാവുന്നതിന് മുൻപ് തനിക്ക് മറ്റൊരു പ്രണയം ഉണ്ടായിരുന്നതായി ബീന ആൻ്റണി അടുത്തിടെ പറഞ്ഞിരുന്നു. 'ഇൻഡസ്ട്രിയിൽ വന്ന ശേഷം എനിക്കൊരു സീരിയസ് റിലേഷൻ ഉണ്ടായിരുന്നു. ഞാൻ പുള്ളിയോട് ഇഷ്ടമാണെന്ന് പറഞ്ഞു. പുള്ളിക്കാരനും ഓക്കെ പറഞ്ഞു. വീട്ടിൽ വരികയും ഇഷ്ടം അറിയിക്കുകയുമൊക്കെ ചെയ്തു. അങ്ങനെ പ്രണയിച്ച് എട്ട് വർഷം കഴിഞ്ഞപ്പോഴാണ്
ഞാൻ ചതിക്കപ്പെടുകയാണെന്ന് മനസ്സിലായത്'.

'എടീ നീ ഭയങ്കരമായി ചീറ്റ് ചെയ്യപ്പെടുകയാണ്. അയാൾ വിവാഹിതനാണ്' എന്ന് നടൻ കൃഷ്ണകുമാർ എന്നോട് പറഞ്ഞത്. പക്ഷെ ഞാനത് ആദ്യം വിശ്വസിച്ചില്ല. ഇല്ലെന്ന് തന്നെ ഞാനും പറഞ്ഞു. പക്ഷേ 'എന്റെ ഭാര്യ വീടിന് അടുത്താണ് അയാളും ഭാര്യയും കഴിയുന്നത് എന്ന് കൃഷ്ണകുമാർ ഉറപ്പിച്ച് പറഞ്ഞു. അങ്ങനെയാണ് ആ പ്രണയം അവസാനിച്ചത്, ബീന ആന്റണി പറയുന്നത്.

ബീന ആന്റണിക്കും മനോജിനും ആരോമൽ എന്നു പേരുള്ള ഒരു മകനുമുണ്ട്. അടുത്തിടെ മനോജ് വാർത്തകളിൽ വന്നിരുന്നു. 'ബെൽസ് പാൾസി' എന്ന രോഗത്തോട് പോരാടുകയായിരുന്നു നടൻ. ആ രോഗം വന്നതോടെ താരത്തിന്റെ മുഖം ഒരു വശത്തേക്ക് കോടിയിരുന്നു. ഇന്ന് അതിൽ നിന്നെല്ലാം മുക്തമായി ആരോഗ്യത്തോടെ സന്തോഷപൂർവം മുന്നോട്ട് പോവുകയാണ് ബീനയും കടുംബവും.