ഷക്കീലയ്ക്ക് മണിയന്‍പിള്ള രാജുവിനോട് പ്രണയമോ? താന്‍ ലവ് ലെറ്റര്‍ കൊടുത്തിട്ടില്ലെന്ന് ഷക്കീല

നടന്‍ മണിയന്‍പിള്ള രാജുവിനോട് തനിക്ക് പ്രണയമുണ്ടായിരുന്നെന്നും ഇഷ്ടം കൂടിയപ്പോള്‍ അദ്ദേഹത്തിന് താന്‍ പ്രണയലേഖനം അയച്ചു എന്നും ഷക്കീല പറഞ്ഞതായിട്ടാണ് നേരത്തെ വാര്‍ത്തകള്‍ പ്രചരിച്ചിരുന്നത്. ഛോട്ട മുംബൈ എന്ന സിനിമയുടെ ലൊക്കേഷനില്‍ നിന്നുമാണ് ഇതൊക്കെ നടന്നതെന്നും റിപ്പോര്‍ട്ടുകളില്‍ പറഞ്ഞിരുന്നു. എന്നാല്‍ ഇതിലൊന്നും സത്യമില്ലെന്നാണ് ഷക്കീല പറയുന്നത്. ഒരു ടെലിവിഷന്‍ അഭിമുഖത്തിലാണ് നടി മനസ് തുറന്നത്.

എനിക്ക് അദ്ദേഹത്തോട് പ്രണയം തോന്നിയെന്ന് പറയുന്നത് ഇല്ലാത്ത പ്രചരണമാണ്. എന്റെ അമ്മ അസുഖ ബാധിതയായി കിടക്കുന്ന സമയത്ത് അദ്ദേഹം എനിക്ക് പണം നല്‍കി സഹായിച്ചു. എന്നാല്‍ പ്രണയം ഒന്നും എനിക്ക് തോന്നിയിട്ടില്ല. ആ സമയത്ത് എനിക്ക് ബോസ് എന്ന പേരില്‍ ഒരു കാമുകന്‍ ഉണ്ടായിരുന്നു. പിന്നെ ഞാന്‍ എങ്ങനെ അദ്ദേഹത്തെ പ്രണയിക്കും എന്നും ഷക്കീല ചോദിക്കുന്നു.

എന്നെ കുറിച്ച് വ്യാജ വാര്‍ത്തകള്‍ വന്നാലും ഞാന്‍ പ്രതികരിക്കാറില്ല. ഒരിക്കല്‍ ബി ഗ്രേഡ് സിനിമകളിലെ ഒരു നടി സെക്‌സ് റാക്കറ്റ് കേസില്‍ അറസ്റ്റ് ചെയ്യപ്പെട്ടപ്പോള്‍ നിന്റെ കൂട്ടുകാരി ഷക്കീലയ്ക്ക് ഇതിലെന്താണ് പങ്കെന്ന് കേരളത്തിലെ പോലീസ് ചോദിച്ചിരുന്നു. എനിക്ക് വല്ലാത്ത വിഷമമാണ് തോന്നിയത്. എനിക്ക് അവരുമായി യാതൊരു സൗഹൃദവുമില്ലായിരുന്നു. എന്നിട്ടും ആ പോലീസുകാരന്‍ എന്റെ പേര് വലിച്ചിഴച്ചു. ഇതിനെല്ലാം ഞാന്‍ പ്രതികരിക്കാന്‍ നിന്നാല്‍ വലിയ വിവാദമാകും. അത് കൊണ്ട് മൗനം പാലിച്ചു എന്നും ഷക്കീല പറയുന്നു.

ലാല്‍ ജോസിനെ ആശുപത്രിയിലാക്കുന്ന സംവിധായകന്മാര്‍! രസകരമായ ട്രോളുമായി സംവിധായകന്‍

2007 ല്‍ പുറത്തിറങ്ങിയ ഛോട്ടാ മുംബൈ എന്ന സിനിമയുടെ ഷൂട്ടിംഗ് നടക്കുന്നതിനിടെ അമ്മ രോഗബാധിതയായി. അടിയന്തര ശസ്ത്രക്രിയ വേണ്ടി വന്നു. ഒരുപാട് പണം വേണ്ടി വന്നിരുന്നു. ഉടനെ നിര്‍മാതാവ് മണിയന്‍പിള്ള രാജുവിനെ പോയി കണ്ടു. അഭിനയിക്കേണ്ട രംഗങ്ങളുടെ ചിത്രീകരണം പൂര്‍ത്തിയായില്ലെങ്കിലും മണിയന്‍പിള്ള രാജു പ്രതിഫലം മുന്‍കൂറായി തന്നു എന്നും ഷക്കീല വ്യക്തമാക്കുന്നു.

ഹാഫ് കൈ ഷര്‍ട്ടും പാന്റ്‌സുമിട്ട് മോഹൻലാൽ!! ഇതാണ് ബിഗ് ബ്രദർ, ഫസ്റ്റ് ലുക്ക് പോസ്റ്റര്‍

ഇതേ വിഷയത്തില്‍ മണിയന്‍പിള്ള നേരത്തെ പ്രതികരിച്ചിരുന്നു. ഷൂട്ടിംഗിനിടെ അമ്മയുടെ ശസ്ത്രക്രിയ്ക്ക് വേണ്ടി പണം നല്‍കിയ കാര്യം സത്യമാണ്. എന്നാല്‍ അവര്‍ക്ക് എന്നോട് പ്രണയമുണ്ടായിരുന്നോ എന്നൊന്നും അറിയില്ല. അവര്‍ സ്വന്തം വാഹനത്തില്‍ ഷൂട്ടിന് വരും. കഴിഞ്ഞാല്‍ അത് പോലെ മടങ്ങി പോവുകയും ചെയ്യും. അതായിരുന്നു പതിവ്. അവര്‍ പറഞ്ഞത് പോലെ എനിക്കൊരു പ്രണയലേഖനം കിട്ടിയിട്ടൊന്നുമില്ലെന്നും മണിയന്‍പിള്ള രാജു വ്യക്തമാക്കിയിരുന്നു.

ഒരു കാലത്ത് ഷക്കീലയുടെ സിനിമകള്‍ വന്‍പ്രചാരം നേടിയിരുന്നവയാണ്. മലയാളത്തില്‍ സജീവമായിരുന്നെങ്കിലും തമിഴ്, തെലുങ്ക് തുടങ്ങി തെന്നിന്ത്യയിലെ വിവിധ ഇന്‍ഡസ്ട്രികളിലും ഷക്കീല സജീവമായിരുന്നു. ഇപ്പോഴിതാ ഷക്കീലയുടെ ജീവിതകഥയെ ആസ്പദമാക്കി സിനിമ വരികയാണ്. ഷക്കീല നോട്ട് എ പോണ്‍ സ്റ്റാര്‍ എന്ന് പേരിട്ടിരിക്കുന്ന സിനിമയില്‍ ബോളിവുഡ് താരസുന്ദരി റിച്ച ഛദ്ദയാണ് ഷക്കീലയായിട്ട് അഭിനയിക്കുന്നത്. ഇന്ദ്രജിത്ത് ലങ്കേഷ് സംവിധാനം ചെയ്യുന്ന സിനിമയുടെ ചിത്രീകരണം പുരോഗമിച്ച് കൊണ്ടിരിക്കുകയാണ്. . മലയാളി താരം രാജീവ് പിള്ളയും സിനിമയില്‍ പ്രധാനപ്പെട്ടൊരു കഥാപാത്രത്തെ അവതരിപ്പിക്കുന്നുണ്ട്.

ജീവിതത്തിൽ ലഭിച്ച ഏറ്റവും മികച്ചത്! പ്രിയതമന് ആശംസ നേർന്ന് താരസുന്ദരി, ഹൃദയ സ്പർശിയായ കുറിപ്പ്