നീലച്ചടയനും കഞ്ചാവും ഉപയോഗിക്കുന്നവർ ഇങ്ങനെ ചോദിക്കുമോ?ട്രോളന്മാർ പൊളിയാണ്, മറുപടിയുമായി ഷെയ്ൻ

പുറത്ത് ഇറങ്ങുന്ന ട്രോളുകളൊന്നും തന്നെ ഒരു തരത്തിലും ബാധിക്കുന്നില്ലെന്ന് ഷെയ്ൻ പറഞ്ഞു. നിങ്ങൾക്ക് ട്രോളാൻ മാത്രമേ കഴിയുള്ളൂ. അതിനപ്പുറമാണ ഷെയ്ൻ എന്ന വ്യക്തി. അത് തനിയ്ക്ക് അറിയാമെന്ന് താരം പറഞ്ഞു. കൂടാതെ ട്രോളുകൾ എല്ലാം താൻ നന്നായി ആസ്വദിക്കാറുണ്ട്. ട്രോളന്മാർ പൊളിയാണ്. എനിക്ക് അതുകൊണ്ട് സന്തോഷമേയുള്ളൂ-ഷെയ്ൻ പറഞ്ഞു

അഭിമുഖത്തിൽ താൻ ആരുടേയും പക്ഷം ചേർന്ന് ഒന്നും പറഞ്ഞിട്ടില്ല. എല്ലാവരും സന്തോഷത്തോടെ ജീവിക്കു എന്ന് മാത്രമാണ് പറഞ്ഞത്. താൻ അഭിമുഖത്തിൽ പറഞ്ഞ കാര്യങ്ങൾ 80 ശതമാനത്തോളം ആളുകളും അംഗീകരിച്ചിട്ടുണ്ട്. നിങ്ങൾക്ക് ഈ നിമിഷത്തിൽ സന്തോഷം കണ്ടെത്താൻ പറ്റാത്തതെന്താണെന്ന് മാത്രമാണ് ഞാൻ ചോദിച്ചത്. നോർമലായിട്ടുള്ള കാര്യങ്ങൾ മാത്രമാണ് ചോദിച്ചത്.

വളരെ കഷ്ടപ്പെട്ടാൽ മാത്രമേ ലൈഫിൽ വിജയം ഉണ്ടാവുകയുളളു എന്ന് ചിലർ പറയുന്നുണ്ട്.എന്നാൽ കുട്ടികളെ കണ്ടോ? അവർക്ക് ജീവിതത്തെ കുറിച്ച് ഒരു ടെൻഷനുമില്ല. അവർ ചുറ്റിനുമുളളതെല്ലാം ആസ്വദിച്ച് തുള്ളിച്ചാടി നടക്കുകയാണ്.അതിനിടയിൽ നമ്മൾക്ക് നിലനിൽപ്പിന് വേണ്ടി ചില ബുദ്ധിമുട്ടുകൾ ഉണ്ടാകുമെന്നത് സത്യമാണ്. പക്ഷേ ഇതൊന്നും അല്ല ഞാൻ പറയാൻ ഉദ്ദേശിക്കുന്നത്. നമ്മൾക്ക് ഇന്ന് ജീവിച്ചൂടേ, നാളത്തെ കാര്യം നാളെ ആലോചിക്കാം എന്നതാണ് എന്റെ ചിന്താഗതി.

ഈ വീഡിയോയിൽ കമന്റിന് താഴെയായി നീലച്ചടയനാണോ കഞ്ചാവാണോ എന്നൊക്കെ ചിലർ ചോദിക്കുന്നുണ്ട്. അതൊക്കെ ഉപയോഗിക്കുന്നവർ ഞാൻ പറയു പോലെ ചോദിക്കണ്ടോ? ഷെയ്ൻ പറഞ്ഞു. ഒരു എൻർജിയിൽ നിന്നാണ് നമ്മൾ എല്ലാവരും ഉണ്ടായത്. അതുപോലെ അതേ എനർജിയിൽ നിന്നാണ് ഭൂമിയും പ്രകൃതിയുമൊക്കെ ഉണ്ടായത്.ബാക്കിയൊക്കെ നമ്മൾ ഉണ്ടായക്കിയ വ്യത്യാസങ്ങളാണ്. ഹിന്ദു, മുസ്ലിം,ക്രിസ്ത്യൻ ബ്ലാക്ക്, വെെറ്റ് എല്ലാം അങ്ങിനെ ഉണ്ടായതാണെന്നു ഷെയ്ൻ കൂട്ടിച്ചേർത്തു