ഷെയിന്റെ ഉമ്മയെ ഞാനും ഉമ്മച്ചിയെന്നാണ് വിളിക്കുന്നത്! സിനിമ നടക്കണമെന്ന് വെയിൽ സംവിധായകൻ

ഷെയിന്റെ ഭാഗത്ത് സിനിമ നടക്കുമെന്നുള്ള തരത്തിലുള്ള പ്രതികരണമാണ് ലഭിക്കുന്നത്. ഫെഫ്ക്കയും കൂടെ നിൽക്കാമെന്ന് പറഞ്ഞിട്ടുണ്ട്. അതു കൊണ്ട് തന്നെ സിനിമ പുറത്തു വരുമെന്നുള്ള പ്രതീക്ഷയാണ് തനിയ്ക്കുള്ളതെന്നും ശരത് പറഞ്ഞു. ആറ് വർഷമായുളള തന് സ്വപ്നവും അധ്വാനവുമാണ് ഈ ചിത്രം. പ്രശ്നങ്ങൾ പരിഹരിച്ച് ചിത്രം പുറത്തിറക്കണമെന്നു മാത്രമേ ഇപ്പോഴുള്ളൂ. എന്റേയും ഷെയിന്റേയും നിർമ്മാതാവിന്റേയും മാത്രമല്ല ഈ സിനിമ. മറ്റൊരുപാട് പേരുടെ വിയർപ്പാണ്. സമയവും അധ്വാനവും നഷ്ടപ്പെടുത്തി ഇത് തീർക്കാൻ കാത്തിരിക്കുന്ന ഒത്തിരിപ്പേരുണ്ട്.സംവിധായകൻ വ്യക്തമാക്കി.

സിനിമ പൂർത്തിയാക്കണമെന്ന് ഷെയിനും ആഗ്രഹമുണ്ടെന്നാണ് ഞാൻ മനസ്സിലാക്കുന്നത്. ഇപ്പോഴത്തെ വിവാദങ്ങളൊന്നും ചിത്രത്തെ ബാധിക്കുകയില്ല. ഷെയിൻ കഥകേട്ട് സമ്മതിച്ച ചിത്രമാണിത്. ലൊക്കേഷൻ നോക്കാൻ ഞങ്ങൾ ഒരുമിച്ച് ഇലങ്ങാലക്കുടയിൽ പോയിട്ടുണ്ട്. ഒരു നടനും ഇതൊന്നും ചെയ്യില്ല. വ്യക്തികളേയും ജീവിതത്തേയുമല്ല നമ്മൾ സ്നേഹിക്കുന്നത് കഥയേയും കഥാപാത്രങ്ങളേയുമാണ്.

ഷെയിൻ തിരിച്ചു വന്നാൽ യാതൊരു പ്രശ്നവുമില്ലാതെ ചിത്രം മ പൂർത്തീകരിക്കാൻ കഴിയുമെന്ന് എനിയ്ക്ക് വിശ്വാസമുണ്ട്. താൻ ഇതുവരെ ഷെയിൻ എന്ന വ്യക്തിയോട് മോശമായി പെരുമാറിയിട്ടില്ല. ഒരു വാക്ക് കൊണ്ട് പോലും വ്യക്തിപരമായോ നേരിട്ടോ തങ്ങൾ തമ്മിൽ ഒരു പ്രശ്നവുമില്ല. ഷെയിന്റെ ഉമ്മയെ ഞാനും ഉമ്മച്ചി എന്നാണ് വിളിക്കുന്നത്. ആരോടും ഒരു വിദ്വേഷവുമില്ല. അതുകൊണ്ട് തന്നെ തുടർന്നും പ്രശ്നങ്ങളില്ലാതെ ചിത്രം പൂർത്തിയാക്കാൻ സാധിക്കുമെന്ന് എനിയ്ക്ക് വിശ്വാസമുണ്ട്.

Recommended Video

Shane Will Act In Committed Movies, Says His Mother | FilmiBeat Malayalam

ഷെയിൻ നിഗമിനെ ബുധനാഴ്ച കൊച്ചിയിൽ എത്താൻ അമ്മ ഭാരവാഹികൾ അറിയിച്ചിട്ടുണ്ട്. നിലവിൽ അജ്മാൻ യ്ത്രയിലാണ് താരം. ഷെയിനുമായുള്ള ചർച്ചയ്ക്ക് ശേഷം താരസംഘടനയും നിർമ്മാതാക്കളുടെ സംഘടനയും ചർച്ച നടത്തും. വ്യാഴാഴ്ചയാകും ഈ ചർച്ച നടക്കുക. നേരത്തെ ഷെയിൻ അമ്മയ്ക്ക് പരാതി നൽകിയിരുന്നു. പ്രശ്നം രമ്യമായി പരിഹരിക്കണമെന്ന് ആവശ്യപ്പെട്ട് അമ്മയ്ക്കും പ്രൊഡ്യൂസേഴ്സ് അസോസിയേഷനും ഫെഫ്കയും കത്ത് നല്‍കിയിരുന്നു. ഇതിനെ തുടർന്നാണ് പ്രശ്നപരിഹാര ചർച്ചയ്ക്ക് അരങ്ങൊരുങ്ങുന്നത്.