നടിമാരിലെ മമ്മൂട്ടിയാണോ? ശാന്തി കൃഷ്ണയുടെ രണ്ടാം വരവിലെ മാറ്റം, താനൊരു ദുഃഖപുത്രിയല്ലെന്ന് നടി

മടങ്ങി വരവില്‍ ഇത്രയും സ്വീകരണം പ്രതീക്ഷിച്ചിരുന്നില്ല. ഞണ്ടുകളുടെ നാട്ടിലേക്ക് അവസരം വന്നപ്പോള്‍ അത്ഭുതമായിരുന്നു. സിനിമയിലേക്ക് തിരിച്ച് വരുമെന്ന് ഒരിക്കലും വിചാരിച്ചതല്ല. ഷീല ചാക്കോ എന്ന വളരെ ശക്തമായ കഥാപാത്രം കിട്ടിയത് തന്നെ ഭാഗ്യമാണ്. ആ സിനിമ അത്രയും നല്ലതായത് കൊണ്ട് പ്രേക്ഷകരും സ്വീകരിച്ചു. പിന്നെയും സിനിമകള്‍ തേടി വരുന്നു. സിനിമയിലൂടെ ജീവിതത്തെ തിരിച്ച് പിടിക്കുകയാണോന്ന് പറയാന്‍ പറ്റില്ല. ഒരു മോശം സമയത്ത് സിനിമ എന്നെ കൈപിടിച്ച് കയറ്റിയതാണ്. അതുകൊണ്ട് തന്നെ സിനിമാലോകത്തോട് ഒരുപാട് നന്ദിയുണ്ട്. അവര്‍ തരുന്ന സ്‌നേഹവും ബഹുമാനവും അനുഭവിക്കുമ്പോള്‍ ആ ബന്ധം ഇതുവരെ പോയിട്ടില്ലെന്ന് മനസിലാകുന്നുണ്ട്.

നടിമാരിലെ മമ്മൂക്കയാണ് ശാന്തി എന്ന ചോദ്യത്തിന് വളരെ രസകരമായിട്ടായിരുന്നു നടി മറുപടി പറഞ്ഞത്. ' അയ്യോ മമ്മൂക്കയുമായൊന്നും താരതമ്യ പെടുത്താനേ പറ്റില്ല. അദ്ദേഹം എവര്‍ഗ്രീനാണ്. പക്ഷേ ആ കമന്റ് വലിയൊരു അഭിനന്ദനവുമാണ്. സിനിമയിലെ വിവാദങ്ങളിലേക്ക് മനഃപൂര്‍വ്വം പോകാറില്ല. ചില സാഹചര്യങ്ങളില്‍ ആരെയെങ്കിലും സഹായിക്കേണ്ടി വന്നാല്‍ സഹായിക്കും. സ്വന്തം വ്യക്തിത്വം നഷ്ടപ്പെടുത്താതിരിക്കാനാണ് മക്കള്‍ക്ക് നല്‍കുന്ന ഉപദേശങ്ങളിലൊന്ന്. പരസ്പരം ബഹുമാനിക്കുക. വിവാഹം കഴിഞ്ഞാല്‍ ഭാര്യയെ ബഹുമാനിക്കണമെന്ന് മോനോട് പ്രത്യേകം പറയാറുണ്ട്. സ്ത്രീയും പുരുഷനും ജീവിത പങ്കാളിയെ ബഹുമാനിക്കണമെന്നും ശാന്തി പറയുന്നു.