കൂടെ അഭിനയിച്ച നടിമാരോട് ദേഷ്യം തോന്നിയിട്ടുണ്ട്, കാരണം പറഞ്ഞ് ഷൈന്‍ ടോം ചാക്കോ

അമല്‍ നീരദ് സംവിധാനം ചെയ്ത ഭീഷ്മപര്‍വമാണ് ഏറ്റവും ഒടുവില്‍ പുറത്ത് ഇറങ്ങിയ ഷൈന്‍ ടോം ചിത്രം. സിനിമയില്‍ പീറ്റര്‍ എന്ന കഥാപാത്രത്തെയാണ് നടന്‍ അവതരിപ്പിച്ചത്.നെഗറ്റീവ് ഷെയ്ഡുള്ള കഥാപാത്രമായിരുന്നു ഇത്. വില്ലന്‍ കഥാപാത്രമാണെങ്കിലും
മികച്ച പ്രേക്ഷക സ്വീകാര്യത നേടാന്‍ കഴിഞ്ഞിരുന്നു. ഇതുവരെ ചെയ്ത കഥാപാത്രങ്ങളില്‍ നിന്ന് വ്യത്യസ്തമായിരുന്നു പീറ്റര്‍. നടന്റെ അഭിനയ മികവിനെ പ്രശംസിച്ച് സഹതാരങ്ങളടക്കം രംഗത്ത് എത്തിയിരുന്നു. ദുല്‍ഖര്‍ സല്‍മാന്‍ ചിത്രമായ കുറുപ്പിലെ പ്രകടനവും ശ്രദ്ധിക്കപ്പെട്ടിരുന്നു.

ഇപ്പോഴിത സോഷ്യല്‍ മീഡിയയില്‍ വൈറല്‍ ആവുന്നത് ഷൈന്‍ ടോം ചാക്കോയുടെ പുതിയ അഭിമുഖമാണ്. കൂടെ അഭിനയിച്ചതില്‍ ഏറ്റവും കംഫര്‍ട്ട് തോന്നിയ നായികയെ കുറിച്ചാണ് പറയുന്നത്. കൗമുദി മൂവീസിന് നല്‍കിയ അഭിമുഖത്തിലാണ ഇക്കാര്യം പറഞ്ഞത്. ചിലപ്പോഴൊക്കെ ദേഷ്യം തോന്നാറുണ്ടെന്നായിരുന്നു ഷൈന്‍ പറഞ്ഞത്.

നടന്റെ വാക്കുകള്‍ ഇങ്ങനെ...''ഐശ്വര്യ ലക്ഷ്മിയുടെ കൂടെ അഭിനയിച്ചിട്ടുണ്ട്. അഹാനയുടെ കൂടെ, രജിഷയുടെ കൂടെ ഒക്കെ ചെയ്തിട്ടുണ്ട്.
അങ്ങനെ ഏറ്റവും കംഫര്‍ട്ടബിളായൊന്നും എനിക്ക് തോന്നിയിട്ടില്ല. ചില സമയത്ത് ദേഷ്യമൊക്കെ തോന്നാറുണ്ട്. ദേഷ്യപ്പെടാറും പിണങ്ങാറുമൊക്കെയുണ്ട്. ക്ലാസില്‍ ശ്രദ്ധിക്കാതിരിക്കുമ്പോള്‍ ദേഷ്യം തോന്നും. ക്ലാസ് എന്ന് ഞാന്‍ ഉദ്ദേശിച്ചത് നമ്മള്‍ ആക്ട് ചെയ്യുന്ന ആ സംഭവമാണ്. അതില്‍ ശ്രദ്ധിക്കാതിരിക്കുമ്പോള്‍ ചില സമയങ്ങളില്‍ ദേഷ്യം തോന്നും. അത് പ്രായത്തിന്റെ കൂടി കാര്യമാണ്. അവര് ചെറിയ പ്രായവും നമ്മള്‍ കുറച്ചുകൂടി പ്രായമുള്ള കാരണവന്മാര്‍ ആയതിന്റെ ദുശ്ശീലങ്ങളാണ് അതൊക്കെ.റാഗ് ചെയ്യാറില്ല. ഇടക്ക് ദേഷ്യം പിടിക്കും,'' ഷൈന്‍ പറഞ്ഞു.

ഇതേ അഭിമുഖത്തില്‍ തന്നെ ജുറാസിക് പാര്‍ക്കിലെ ദിനോസറിന്റെ റോള്‍ ചെയ്യാന്‍ ആഗ്രഹമുണ്ടായിരുന്നതായും ഷൈന്‍ പറഞ്ഞു. തമാശരൂപേണയാണ് ഇക്കാര്യം പറഞ്ഞത്. മറ്റേതെങ്കിലും നടന്മാര്‍ ചെയ്ത റോളുകള്‍ കണ്ടിട്ട് അത് ഞാന്‍ ചെയ്തിരുന്നെങ്കില്‍ നന്നായിരുന്നു എന്ന് തോന്നിയിട്ടുണ്ടോ, എന്ന ചോദ്യത്തിനായിരുന്നു മറുപടി.'ഇടക്കൊക്കെ തോന്നാറുണ്ട്. പക്ഷെ, ഏത് ക്യാരക്ടറാണെന്ന് പറയില്ല. ജുറാസിക് പാര്‍ക്കിലെ ദിനോസറിന്റെ റോള്‍. എനിക്കത് നന്നായി ചെയ്യാന്‍ പറ്റും. അതിന് അത്ര മൂവ്മെന്റ് ഇല്ലല്ലോ. ചാടി വന്ന് പിടിച്ച്,'' ഷൈന്‍ ചിരിച്ചുകൊണ്ട് പറഞ്ഞു. വിജയ് ചിത്രമായ ബീസ്റ്റാണ് ഇനി പുറത്ത് വരാനുള്ള ഷൈന്‍ ചിത്രം വില്ലന്‍ കഥാപാത്രത്തിലാണ് നടന്‍ എത്തുന്നത്. തെന്നിന്ത്യന്‍ സിനിമ ലോകം ആകാംക്ഷയോടെ കാത്തിരിക്കുന്ന ചിത്രമാണിത്