'എന്റെ സഹോദരനൊപ്പം'; നൃത്ത വിസ്മയങ്ങൾ ഒരുമിച്ച് കണ്ടപ്പോൾ; വൈറലായി ശോഭനയുടെയും വിനീതിന്റെയും ചിത്രം

നൃത്തത്തിന് വേണ്ടി സമർപ്പിച്ച ജീവിതം ആണ് ശോഭനയുടേത്. സിനിമാ ലോകത്ത് പ്രശസ്ത ആയപ്പോഴും ശോഭനയ്ക്ക് നൃത്തത്തോട് ആയിരുന്നു കൂടുതൽ കമ്പം. അഭിനയത്തിൽ നിന്ന് പതിയെ മാറിയപ്പോൾ നടി പൂർണമായും നൃത്തത്തിൽ മുഴുകി.

സിനിമാ രം​ഗത്ത് സജീവമല്ലെങ്കിലും ന‍ൃത്ത രം​ഗത്ത് സജീവമാണ്. സ്വന്തമായി നൃത്ത വിദ്യാലയം നടത്തുന്ന ശോഭനയുടെ കീഴിൽ നിരവധി പേർ പഠിക്കുന്നുമുണ്ട്.

Also Read: നിറം സിനിമയ്ക്ക് ആദ്യ ദിവസങ്ങളിൽ തിയേറ്ററിൽ വലിയ കൂവലായിരുന്നു, അതിന് കാരണമിതായിരുന്നു; കമൽ പറയുന്നു

തെന്നിന്ത്യൻ സിനിമകളിൽ ഒരു കാലത്ത് തരം​ഗം സൃഷ്ടിച്ച ട്രാവൻകൂർ സഹോദരിമാരുടെ ബന്ധുവാണ് ശോഭന. ലളിത, പദ്മിനി, രാ​ഗിണിമാരുടെ പാത പിന്തുടർന്ന ശോഭന കലാ രം​ഗത്ത് ഇവരെ പോലെ തന്നെ പ്രശസ്ത ആയി. ക്ലാസിക്കൽ ഡാൻസിലും ലളിത, പദ്മിനി, രാ​ഗിണിമാരുടെ അതേ കീർത്തി ശോഭനയ്ക്ക് ലഭിച്ചെന്നത് ശ്രദ്ധേയമാണ്.

ശോഭനയുടെ കസിൻ ആണ് നടനും നർത്തകനുമായ വിനീത്. ക്ലാസിക്കൽ ‍ഡാൻസിൽ പ്രാവീണ്യം നേടിയ വിനീത് മലയാളത്തിലും തമിഴിലുമായി ഒട്ടനവധി സിനിമകളിൽ അഭിനയിച്ചിട്ടുണ്ട്. ഇന്നും സിനിമാ രം​ഗത്ത് നടൻ സജീവമാണ്.

ഇപ്പോഴിതാ വിനീതിനൊപ്പമുള്ള ചിത്രം പങ്കു വെച്ചിരിക്കുകയാണ് ശോഭന. നൃത്ത വേഷത്തിൽ നിൽക്കുന്ന ഫോട്ടോ ആണിത്. എന്റെ ബ്രോ ജിയും ഞാനും ഡോ പദ്മ സുബ്രമണ്യത്തിന്റെ ഫെലിസിറ്റേഷൻ സെറിമണിയിൽ എന്നാണ് ഫോട്ടോയ്ക്ക് നൽകിയിരിക്കുന്ന ക്യാപ്ഷൻ.

ഇതിനകം നിരവധി പേരാണ് ഫോട്ടോയ്ക്ക് താഴെ കമന്റുകളുമായി എത്തിയിരിക്കുന്നത്. കുടുംബാം​​ഗങ്ങളെ ഒരുമിച്ച് കണ്ടതിൽ സന്തോഷം എന്ന് ആരാധകർ കമന്റ് ചെയ്യുന്നു.

ശോഭനയും വിനീതും നായികാ നായകനായി ഇതുവരെ അഭിനയിച്ചിട്ടില്ല. മണിച്ചിത്രത്താഴിന്റെ തമിഴ് റീമേക്ക് ചന്ദ്രമുഖിയിൽ നർത്തകന്റെ വേഷം ചെയ്തത് വിനീത് ആയിരുന്നു. ഇരുവരും ഒരുമിച്ച് നൃത്തം അവതരിപ്പിച്ചിട്ടുണ്ട്.

പദ്മിനിയും രാ​ഗിണിയും ആണ് വിനീതിനെ ഡാൻസ് പഠിപ്പിക്കാൻ കുടുംബത്തെ പ്രോത്സാഹിപ്പിച്ചത്. ആറാം വയസ്സിൽ വിനീത് ഭരതനാട്യം പഠിച്ചു'

സർ‌​ഗം, നഖക്ഷതങ്ങൾ തുടങ്ങിയ ക്ലാസിക് സിനിമകളിലും വിനീത് തിളങ്ങി. ലൂസിഫറിൽ വിവേക് ഒബ്റോയ്ക്ക് ശബ്ദം നൽകിയത് വിനീത് ആണ്. ഇത് ഏറെ പ്രശസം നേടിയിരുന്നു.
ശോഭന മലയാളത്തിൽ അവസാനമായി അഭിനയിച്ചത് വരനെ ആവശ്യമുണ്ട് എന്ന സിനിമയിൽ ആണ്.

സുരേഷ് ​ഗോപി, ദുൽഖർ സൽമാൻ, കല്യാണി പ്രിയദർശൻ എന്നിവർ ഒരുമിച്ചെത്തിയ സിനിമ സംവിധാനം ചെയ്തത് അനൂപ് സത്യൻ ആയിരുന്നു. മികച്ച വിജയമാണ് സിനിമ നേടിയത്.

സിനിമകളുടെ കഥ കേൾക്കുന്നുണ്ടെങ്കിലും തനിക്ക് പ്രാധാന്യമുള്ളതും നല്ലതെന്ന് തോന്നുന്നതുമായ സിനിമകൾ മാത്രമേ ശോഭന ഇപ്പോൾ ചെയ്യുന്നുള്ളൂ. 90 കളിലെ മിക്ക നായിക നടിമാരും അമ്മ വേഷങ്ങളിലേക്ക് മാറിയെങ്കിലും ശോഭന ഇതിന് തയ്യാറായിട്ടില്ല.