'സ്‌നേഹിക്കുന്നവര്‍ക്കായി മാത്രം ജീവിക്കുക, സന്തോഷം നിലനില്‍ക്കട്ടെ'; അമൃതയുടേയും ​ഗോപിയുടേയും ചിത്രങ്ങൾ!

കൈക്കുഞ്ഞും സീറോ ബാങ്ക് ബാലൻസുമായി വീണ്ടും ജീവിതം താൻ എങ്ങനെയാണ് കെട്ടിപ്പടുത്തതെന്ന് മുമ്പ് പലപ്പോഴായി അമൃത പറഞ്ഞിട്ടുണ്ട്. രണ്ടാമതും വിവാഹിനാകുന്നതിന് മുമ്പ് വരെ മകൾ അവന്തികയെ കാണാൻ ബാല വരാറുണ്ടായിരുന്നു.

കൂടാതെ മകളെ മിസ് ചെയ്യുന്നുവെന്ന് കാണിച്ച് അവളെ കുറിച്ചുള്ള കുറിപ്പുകളും പങ്കുവെക്കുമായിരുന്നു. എന്നാൽ രണ്ടാം വിവാഹം കഴിഞ്ഞതോടെ ബാല മകളെ കുറിച്ചുള്ള ഓർമകളൊന്നും തന്നെ പങ്കിടാറില്ല.

മകൾ ഇപ്പോൾ പൂർണമായും അമൃതയുടെ സംരക്ഷണയിലാണ്. അഭയ ഹിരൺമയിയുമായി ലിവിങ് റിലേഷനിലായിരുന്നു ​ഗോപി സുന്ദർ.

Also Read: 'ലൂസിഫർ അത്ര ഇഷ്ടപ്പെട്ടില്ല, ​ഗോഡ്ഫാദർ കുറച്ച് കൂടി നന്നാക്കിയിട്ടുണ്ട്'; ചിരഞ്ജീവി

ആ ബന്ധം അവസാനിപ്പിച്ച ശേഷമാണ് ​ഗോപി സുന്ദർ അമൃതയുമായി പ്രണയത്തിലായത്. വളരെ വർഷങ്ങൾക്ക് മുമ്പ് വിവാഹിതനായ ​ഗോപിക്ക് രണ്ട് ആൺമക്കളാണുള്ളത്. ആ വിവാഹ ബന്ധം ഇതുവരേയും ​ഗോപി സുന്ദർ വേർപെടുത്തിയിട്ടില്ല.

അമൃതയും ​ഗോപി സുന്ദറും പങ്കുവെക്കുന്ന വിശേഷങ്ങളെല്ലാം വളരെ വേ​ഗത്തിൽ വൈറലായി മാറാറുണ്ട്. ഇപ്പോഴിത ചോറ്റാനിക്കര ക്ഷേത്രത്തിൽ നവരാത്രി ആഘോഷങ്ങളുടെ ഭാ​ഗമായി ദർശനം നടത്തിയതിന്റെ ചിത്രങ്ങളാണ് അമൃതയും ​ഗോപി സുന്ദറും പങ്കുവെച്ചത്. സാരിയണിഞ്ഞ് തനി നാടന്‍ ലുക്കിലാണ് അമൃത ക്ഷേത്രത്തിലെത്തിയത്.

ചുവന്ന സിന്ദൂരമിട്ട് മുല്ലപ്പൂവും വെച്ച് അതീവ സന്തോഷത്തോടെ ഗോപി സുന്ദറിനോട് ചേര്‍ന്ന് നിന്ന് പോസ് ചെയ്യുന്ന അമൃതയാണ് ചിത്രങ്ങളിലുള്ളത്. നിമിഷനേരം കൊണ്ടായിരുന്നു ചിത്രങ്ങള്‍ വൈറലായി മാറിയത്. സാരിയില്‍ അമൃത സുന്ദരിയാണെന്നായിരുന്നു കമന്റുകള്‍. 'സ്‌നേഹിക്കുന്നവര്‍ക്കായി മാത്രം ജീവിക്കുക, ഗോപി സുന്ദര്‍ ജീവിതത്തില്‍ വന്നതിന് ശേഷം നിങ്ങള്‍ വളരെ മനോഹരിയായിരിക്കുന്നു.'

'അതിന്റെ അര്‍ത്ഥം നിങ്ങള്‍ക്ക് സന്തോഷമുള്ളൊരു ജീവിതം കിട്ടിയെന്നാണ്. എന്നും ഈ സന്തോഷം നിലനില്‍ക്കട്ടെയെന്നായിരുന്നു' ഒരാള്‍ കമന്റ് ചെയ്തത്. 'ആളുകളെ മൊത്തം മാറ്റുന്നതിനേക്കാളും നല്ലത് സ്വയം മാറുന്നതെന്നാണെന്നുള്ള' കമന്റുമുണ്ടായിരുന്നു.

അമൃതയ്ക്ക് ഏറ്റവും ഇണങ്ങുന്ന വേഷം സാരിയാണെന്ന കമന്റുകളും ചിത്രങ്ങള്‍ക്ക് താഴെയുണ്ട്. മോഡേണ്‍ വേഷങ്ങളും സാരിയും ഒരുപോലെ ഉപയോഗിക്കുന്നയാളാണ് അമൃത. അതേസമയം മുമ്പുളളതിൽ നിന്നും വ്യത്യസ്തമായി നെ​ഗറ്റീവ് കമന്റുകൾ അമൃതയുടെ ചിത്രത്തിന് താഴെ കുറഞ്ഞിട്ടുണ്ട്.

മുമ്പെല്ലാം വളരെ മോശമായ രീതിയിലാണ് അമൃത ചിത്രങ്ങൾ പങ്കുവെക്കുമ്പോൾ ആളുകൾ പ്രതികരിച്ചിരുന്നത്. അമൃതയോടുള്ള ദേഷ്യം പലരും താരത്തിന്റെ സഹോദരി അഭിരാമിയോടും കാണിച്ചിരുന്നു. തനിക്ക് വന്ന അസഭ്യ കമന്റുകളെ കുറിച്ച് അഭിരാമി തന്നെ വെളിപ്പെടുത്തിയിട്ടുണ്ട്.