'2022 നൽകിയ ഏറ്റവും നല്ല സമ്മാനം...'; ​ഗോപി സുന്ദറിന്റെ ഫോട്ടോ പങ്കുവെച്ച് അമൃത സുരേഷ്, ഫോട്ടോ വൈറൽ!

പഴനിയിൽ പോയി പൂമാല ചാർത്തിയും സിന്ദൂരമണിഞ്ഞുമുള്ള ചിത്രങ്ങൾ ഇരുവരും പങ്കുവെച്ചുവെങ്കിലും വിവാഹിതരായോ എന്ന ചോദ്യത്തിന് ഇരുവരും കൃത്യമായി മറുപടി നൽകിയിട്ടില്ല.

മകൾ പാപ്പുവിനും ​ഗോപി സുന്ദറിനെ ഇഷ്ടമായതുകൊണ്ടാണ് അദ്ദേഹവുമായി പ്രണയത്തിലായതെന്ന് അമൃത മുമ്പ് വെളിപ്പെടുത്തിയിരുന്നു. ബാലയുമായുള്ള വിവാഹത്തിലാണ് അമൃതയ്ക്ക് പാപ്പു പിറന്നത്. ഇപ്പോൾ‌‍ ​ഗോപി സുന്ദറിനൊപ്പമാണ് അമൃത താമസിക്കുന്നത്.

അമൃതയുമായി പ്രണയത്തിലാകും മുമ്പ് ​ഗോപി സുന്ദർ‌ പിന്നണി ​ഗായിക അഭയ ഹിരൺമയിയുമായി പ്രണയത്തിലായിരുന്നു. പത്ത് വർഷത്തിന് മുകളിലായി ഇരുവരും ലിവിങ് റിലേഷനിലായിരുന്നു. ശേഷമാണ് വേർപിരിഞ്ഞത്.

അമൃതയുമായുള്ള പ്രണയം പരസ്യപ്പെടുത്തും മുമ്പാണ് ഇരുവരും പിരിഞ്ഞത്. അഭയ ഹിരൺ‌മയിയുമായി പ്രണയത്തിലാകും മുമ്പ് ​ഗോപി സുന്ദർ വിവാഹിതനാണ്. ആ ബന്ധത്തിൽ രണ്ട് ആൺമക്കളും ​ഗോപി സുന്ദറിനുണ്ട്. ​പ്രിയ എന്നാണ് ഭാര്യയുടെ പേര്.

Also Read: ഷീ ഈസ് പ്രഗ്നൻ്റ്; എന്റെ വീട്ടില്‍ ഒരു കുഞ്ഞുവാവ വരുന്നു, പവിത്രം സിനിമയിലേത് പോലെയാണെന്ന് ലക്ഷ്മി നക്ഷത്ര

പ്രിയയുമായുള്ള വിവാഹ​ബന്ധം ​ഗോപി സുന്ദർ ഇപ്പോഴും നിയമപരമായി വേർപെടുത്തിയിട്ടില്ല. പുതുവത്സര ദിനത്തിൽ ​ഗോപി സുന്ദറിന്റെ ചിത്രം പങ്കുവെച്ച് അമൃത എഴുതിയ വാക്കുകളാണ് ഇപ്പോൾ വൈറലാകുന്നത്.

തനിക്ക് 2022ൽ കിട്ടിയ ഏറ്റവും നല്ല സമ്മാനം ​ഗോപി സുന്ദറാണെന്നാണ് അമൃത സുരേഷ് സോഷ്യൽമീഡിയയിൽ കുറിച്ചത്. അതേസമയം പുതുവത്സര ദിനത്തിൽ ഒരു കിടിലൻ സമ്മാനവും അമൃത സുരേഷ് ​ഗോപി സുന്ദറിന് സമ്മാനിച്ചിരുന്നു. ഒരു സൺ ​​ഗ്ലാസാണ് അമൃത സുരേഷ് സമ്മാനിച്ചത്.

'ഈ വർഷത്തെ എന്റെ ആദ്യ സമ്മാനം.... എന്റെ കൺമണിയിൽ നിന്നുള്ള സൺഗ്ലാസ്' എന്നാണ് അമൃത നൽകിയ സമ്മാനത്തിന്റെ ചിത്രം പങ്കുവെച്ച് ​ഗോപി സുന്ദർ കുറിച്ചത്. അമൃതയും ​ഗോ​പി സുന്ദറുമിപ്പോൾ പാട്ടിന്റെ ലോകത്ത് തിരക്കിലാണ്.

നിരവധി സ്റ്റേജ് ഷോകളും പുത്തൻ സിനിമയുടെ സം​ഗീത സംവിധാനവും പ്രമോഷനുമായി ലോകം ചുറ്റുകയാണ്. ഗോപി അമൃതയ്ക്ക് ആദ്യമായി കൊടുത്ത സമ്മാനം ഏതെന്ന് ഒരു ഓൺലൈൻ മാധ്യമം നടത്തിയ അഭിമുഖത്തിൽ ചോദിക്കുകയുണ്ടായി.

ഒരു വസ്തു എന്ന നിലയിൽ അമൃതയ്ക്ക് ഗോപിയിൽ നിന്നും ലഭിച്ചത് ഒരു മൂക്കുത്തിയായിരുന്നു. പലരും ആ മൂക്കുത്തിയെക്കുറിച്ച് അഭിനന്ദിച്ചുവെന്ന് അമൃതയും പറഞ്ഞിരുന്നു. എന്നാൽ കയ്യിൽ കൊടുക്കാവുന്നതായിരുന്നില്ല അമൃത തിരിച്ച് നൽകിയതെന്ന് ​ഗോപി സുന്ദറും പറഞ്ഞിരുന്നു.

ഗോപിയുടെ സ്റ്റുഡിയോക്ക് ഒരു മേക്കോവറാണ് അമൃത നൽകിയത്. അതുവരെയുണ്ടായിരുന്ന സ്റ്റുഡിയോയുടെ അവസ്ഥയും ഗോപി സുന്ദർ വിവരിച്ചിരുന്നു. കുറച്ച് ദിവസങ്ങൾക്കു മുമ്പ് അമൃതക്ക് ദുബായ് ഗോൾഡൻ വിസ ലഭിച്ചിരുന്നു. ദുബായിയിൽ അമൃത ഒരു പരിപാടി അവതരിപ്പിക്കുകയും ചെയ്തിരുന്നു.