വണ്ണം വെച്ചത് ഇരുപതുകളില്‍, ബോഡി ഷെയിമിങ് താങ്ങാവുന്നതിലും ഭീകരമായിരുന്നു, തുറന്ന് പറഞ്ഞ് ജ്യോത്സ്‌ന

ഇപ്പോഴിത ശരീരഭാരം കുറച്ചതിനെപ്പറ്റി വെളിപ്പെടുത്തുകയാണ് ജ്യേത്സ്‌ന. വനിതയ്ക്ക് നല്‍കിയ അഭിമുഖത്തിലാണ് മനസ് തുറന്ന്.''പോസ്െറ്റാക്കെ കണ്ട് ഞാന്‍ സൈസ് സീറോയാണെന്നൊന്നും കരുതരുത് കേട്ടോ. എന്റേത് ഒരു ഹോളിസ്റ്റിക് ട്രാന്‍സ്ഫര്‍മേഷന്‍ ആണ്. വെയിങ് മെഷീനില്‍ കയറിനില്‍ക്കുമ്പോള്‍ ഞെട്ടിപ്പിക്കുന്ന മാറ്റമൊന്നും കാണില്ല. പക്ഷേ, തീര്‍ച്ചയായും ഭാരം ആരോഗ്യകരമായ ലെവലില്‍ എത്തി. മാനസികമായും വൈകാരികമായും ഒരു വെല്‍നസ് ഫീല്‍ ചെയ്യുന്നു. '' ആ മാറ്റത്തിലേക്കു നയിച്ച സാഹചര്യങ്ങളെക്കുറിച്ച് ജ്യോത്സ്‌ന തുടര്‍ന്നു.

''ഞാന്‍ ചെറുപ്പത്തില്‍ വളരെ മെലിഞ്ഞ കുട്ടിയായിരുന്നു. ഏതാണ്ടൊരു പ്ലസ്ടു കാലം വരെ...സ്‌കിന്നി എന്നൊക്കെ നമ്മള്‍ പറയില്ലേ? അതുപോലൊരു കുട്ടി. നമ്മള്‍ എന്ന സിനിമയിലെ പാട്ടിനുശേഷം കുറേ അവസരങ്ങള്‍ ലഭിച്ചിരുന്നു; സിനിമയായും സ്േറ്റജ് പ്രോഗാം ആയും. അന്നു ഞാന്‍ ടീനേജറാണ്. യാത്രയും പ്രോഗ്രാമും ആയി ഒരുപാട് ബിസിയായിരുന്നു ദിവസങ്ങള്‍. കൃത്യനേരത്ത് ഭക്ഷണം കഴിക്കാന്‍ പറ്റിയെന്നു വരില്ല. വൈകി കഴിക്കുന്നതുകൊണ്ട് ചിലപ്പോള്‍ ഹെല്‍തി ഫൂഡ് ഒന്നും കിട്ടണമെന്നില്ല. അങ്ങനെ 20 കളുടെ തുടക്കത്തില്‍ ഞാന്‍ വണ്ണം വച്ചുതുടങ്ങി.

Recommended Video

GAYATHRI SURESH ON സെക്സ് ഈസ് നോട്ട് പ്രോമിസ്..ചുമ്മാ കേറി ഒന്നും ചെയ്യരുത്

അതുവരെ 'എന്താ, ഈ കുട്ടി ഇങ്ങനെ മെലിഞ്ഞിരിക്കുന്നത്' എന്നു ചോദിച്ചിരുന്നവര്‍ നേരേ തിരിഞ്ഞു. 'എന്താ ഇങ്ങനെ തടിവയ്ക്കുന്നേ' എന്നായി... പബ്ലിക് ഫിഗര്‍ കൂടി ആയതുകൊണ്ടാകാം ബോഡി ഷെയിമിങ് താങ്ങാവുന്നതിലും ഭീകരമായിരുന്നു. ഭാഗ്യത്തിന് സോഷ്യല്‍ മീഡിയ ഇത്ര വ്യാപകമല്ല. എന്നിട്ടുപോലും ചില കമന്റുകള്‍ നമ്മുടെ കാതിലെത്തും. അതു കേള്‍ക്കുമ്പോള്‍ സ്വയം മതിപ്പൊക്കെ അങ്ങ് പൊയ്‌പ്പോകും. ഇഷ്ടമുള്ള ഡ്രസ്സ് ധരിക്കാന്‍ പോലും മടി തോന്നും. കുറേ വര്‍ഷങ്ങളിലൂടെ ജീവിതം പാകപ്പെട്ടപ്പോള്‍ ഈ പേടിയുടെയും സ്വയം സഹതാപത്തിന്റെയൊന്നും ആവശ്യമില്ല എന്ന് തോന്നിത്തുടങ്ങി. ഞാന്‍ നന്നായി ഇരിക്കേണ്ടത് എന്റെ ആവശ്യമാണ് എന്നു ബോധ്യമായി. . അപ്പോഴേക്കും ഭാരം കൂടുന്നതിന്റെ ചില്ലറ പ്രയാസങ്ങള്‍ ക്ഷീണമായും ഊര്‍ജമില്ലായ്മ ആയും അലട്ടിത്തുടങ്ങിയിരുന്നു. എത്ര കഷ്ടപ്പെട്ടായാലും ഒരു മാറ്റം വരുത്തണമെന്നു തീരുമാനിച്ചു'' ജ്യോത്സ്‌ന പറഞ്ഞു.

''വിവാഹത്തിന് ശേഷമാണ് ജീവിതരീതി കുറച്ചുകൂടി ആരോഗ്യകരമാക്കാനുള്ള പദ്ധതിക്ക് തുടക്കമിട്ടത്. യോഗ എന്ന ജീവിതരീതി 2014ല്‍ തിരുവനന്തപുരത്ത് താമസിച്ചിരുന്നപ്പോഴാണ് താരാ സുദര്‍ശന്‍ എന്ന യോഗ ടീച്ചറെ പരിചയപ്പെട്ടത്. യോഗ പരിശീലനം തുടങ്ങി വൈകാതെ. യോഗ ജീവിതചര്യയായി എന്നു തന്നെ പറയാം. എത്ര തിരക്കുള്ള ഷെഡ്യൂള്‍ ആണെങ്കിലും, യാത്രകളില്‍ ഒരു യോഗ മാറ്റ് കൂടി ഞാന്‍ കയ്യില്‍ കരുതി തുടങ്ങി. ഒരു ദിവസം പോലും മുടങ്ങാതെ യോഗ ചെയ്ത ആ സമയത്ത് 13 കിലോയോളം ഭാരം കുറഞ്ഞിരുന്നു.

2020ല്‍ ലോക്ഡൗണ്‍ വന്നപ്പോള്‍ വീട്ടില്‍ ഇരിക്കാന്‍ ധാരാളം സമയം കിട്ടി. അപ്പോള്‍ യോഗ കുറച്ചുകൂടി സീരിയസ് ആയി പരിശീലിച്ചുതുടങ്ങി. അതിരാവിലെ എഴുന്നേറ്റ് യോഗ ചെയ്തുകൊണ്ടാണ് ഇപ്പോള്‍ ഓരോ ദിവസവും തുടങ്ങുന്നതു തന്നെ. തിങ്കള്‍ മുതല്‍ ശനി വരെ രാവിലെ ഒന്നര മണിക്കൂര്‍ നല്ല കടുപ്പമേറിയ ആസനങ്ങളാണ് ചെയ്യുന്നത്. യോഗ പോസുകള്‍ സാവധാനം ആയി ചെയ്തു കാണുമ്പോള്‍ യോഗ വളരെ ലളിതമായ വ്യായാമമാണെന്നു തോന്നും'' ജ്യോത്സ്‌ന പറഞ്ഞു.