ലതാജിയുടെ ഗാനങ്ങൾ ചിത്ര പാടുന്നുണ്ട്, ഞാൻ പാടുമ്പോൾ ആരോപണം: തുറന്നടിച്ച് കെ.ജി മാർക്കോസ്

ആദ്യമായി ആലപിച്ച കന്നിപ്പൂ മാനം കണ്ണും നട്ടും ഞാൻ നോക്കി നിൽക്കേ.. എന്ന ഗാനം ആ കാലഘട്ടത്തിലെ സൂപ്പർ ഹിറ്റായിരുന്നു. പിന്നീട് ആലപിച്ച നിറക്കൂട്ട് എന്ന ചിത്രത്തിലെ പൂമാനമേ എന്ന് തുടങ്ങുന്ന ഗാനത്തിന് മികച്ച പ്രേക്ഷക സ്വീകാര്യത ലഭിച്ചിരുന്നു. തുടർന്ന് പിന്നണി ഗാനരംഗത്ത് സജീവമായിരിക്കെയാണ് ഗായകനെ തേടി വിവാദങ്ങൾ എത്തിയത്. യേശുദാസിന്റെ ശബ്ദവും ശൈലിയും അനുകരിച്ചുവെന്നുളള ആരോപണങ്ങൾ തലപൊക്കാൻ തുടങ്ങി. ആ കാലത്ത് തനിയ്ക്ക് ഏറെ മറ്റി നിർത്തലുകൾ നേരിടേണ്ടി വന്നുവെന്ന് ഗായകൻ പറഞ്ഞു. ഒരുപാട് സ്ഥലത്ത് നിന്ന് മാറ്റി നിർത്തിയിട്ടുണ്ടെന്നും മാർക്കോസ് കൂട്ടിച്ചേർത്തു.

എന്റെ കാലഘട്ടത്തിൽ തനിക്കെതിരെ ഉപയോഗിച്ചിരുന്ന വലിയ ഫ്രെയിസായിരുന്നു അത്. യേശുദാസിനെ അനുകരിക്കുന്നു എന്നത്. ഞാൻ പിന്നീട് പലപ്പോഴും ചോദിക്കാറുണ്ട് , എന്തേ ഈ യേശുദാസിനെ അനുകരിക്കാൻ കൊള്ളൂലെ? അനുകരിക്കാൻ കൊള്ളാത്ത വ്യക്തിത്വമാണോ അദ്ദേഹത്തിന്റേത്- മർക്കോസ് ചോദിക്കുന്നു.

സംഗീതത്തിൽ അദ്ദേഹം ഒരു വലിയൊരു സർവകലാശാലയാണ്. ശബ്ദത്തിന്റെ കാര്യത്തിലും ശബ്ദം കൊടുക്കുന്ന കാര്യത്തിലും ഉച്ഛാരണത്തിലും അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കാനുണ്ട്. സിനിമയിൽ ഏറ്റവും കൂടുതൽ ഗാനങ്ങൾ പാടിയിട്ടുള്ളത് മുകേഷിനും റഹ്മാനും വേണ്ടിയിട്ടായിരുന്നു. ഈ ഗാനങ്ങളെല്ലാം തന്നെ ശ്രദ്ധിക്കപ്പെട്ടുകയും ചെയ്തിരുന്നു.

യേശുദാസിന്റെ നിരവധി ഗാനങ്ങൾ താൻ പാടിയിട്ടുണ്ട്. ഇന്നേവരെ അദ്ദഹേത്തിന് ഒരി ട്രിബ്രൂട്ട് കൊടുക്കാൻ ആരും ശ്രമിച്ചിട്ടില്ല അത് മലയാളികളുടെ ഒരു പ്രത്യേകത കൂടിയാണ്. ലതാ മങ്കേഷ്കർ ഇന്നും ജീവിച്ചിരിപ്പുണ്ട്. ലതാ ജിയ്ക്ക് ട്രിബ്രൂട്ട് പോലെ ചിത്ര പാടിയിട്ടുമുണ്ട്. ഞാൻ പാടുമ്പോൾ അത് യേശുദാസിനെ അനുകരിക്കൽ. അദ്ദേഹത്തിന് വേണ്ടി ആരും ഒരു ട്രിബ്യൂട്ടും ചെയ്തിട്ടില്ല. ഞാൻ ചെയ്തിട്ടുണ്ട്"-മാർക്കോസ് പറയുന്നു