ഇപ്പോൾ ബെൽറ്റിടാതെ സാരിയുടുത്ത് പെർഫോം ചെയ്യാം, ആ മാറ്റത്തെ കുറിച്ച് റിമി ടോമി

ശരീരഭാരം കുറയ്ക്കുക എന്നതിൽ ഉപരി താൻ ലക്ഷ്യത്തിൽ എത്തിച്ചേർന്നെന്നും റിമി പറയുന്നുണ്ട്. പൊക്കത്തിനനുസരിച്ചുള്ള ഭാരത്തിൽ എത്തിച്ചേർന്നതിനെ കുറിച്ചായിരുന്നു പറഞ്ഞത്. ഇപ്പോൾ ഹൈറ്റിന് അനുസരിച്ചുള്ള വെയിറ്റ് ആയിരിക്കുകയാണെന്നും ഇത് നിലനിർത്തി കൊണ്ടു പോകുക എന്നതാണ് ഏറ്റവും വലിയ ഉത്തരവാദിത്തമാണ്. അഞ്ച് അടി രണ്ട് ഇഞ്ചാണ് തന്റെ ഉയരം. അതുകൊണ്ട് ഐഡിയൽ വെയിറ്റ് 52 ആയിരിക്കണം. ഇപ്പോൾ തന്റെ ഭാരം 52 ആണെന്നും റിമി കൂട്ടിച്ചേർത്തു.

റിമി ടോമിയുടെ ഈ മോക്കോവറിന് പിന്നിൽ നടി ഭാവനയ്ക്ക് ഒരു പങ്കുണ്ട്. ഒന്ന് മെലിഞ്ഞ് നോക്കൂ എന്നുള്ള നടിയുടെ വാക്കാണ് റിമിക്ക് പ്രചോദനമായത്. ശരീര ഭാരം കുറഞ്ഞപ്പോൾ കൂടുതൽ ഹാപ്പിയായി എന്നാണ് റിമി പറയുന്നത്. പണ്ടൊക്കെ നിരവധി വസ്ത്രങ്ങൾ ചേരാത്തത് കൊണ്ട് മാറ്റിവെച്ചിട്ടുണ്ട്. എന്നാൽ അതൊക്കെ ഇന്ന് ഉപയോഗിക്കാൻ പറ്റുന്നുണ്ട്. കൂടാതെ നേരത്തെ അടിക്കടി വയറിന് അസുഖങ്ങൾ വരുമായിരുന്നു. എന്നാൽ ഭക്ഷണം നിയന്ത്രിച്ചതോടെ അതൊക്കെ മാറിയെന്നും റിമി അഭിമുഖത്തിൽ പറഞ്ഞു.

ഡയറ്റ് ശീലമാക്കിയപ്പോൾ ജീവിതത്തിൽ നിരവധി മാറ്റം വന്നുവെന്നും റിമി ടോമി പറയുന്നു. ഭക്ഷണം എന്നുമെന്റെ വീക്‌നെസായിരുന്നു. ഒരു പ്ലേറ്റ് നിറയെ ചോറും മീൻകറിയും കഴിച്ചിരുന്ന ഞാൻ പതിയെ പച്ചക്കറികൾ കഴിക്കാൻ തുടങ്ങി. ഇപ്പോൾ ഒരു ബൗൾ നിറയെ പച്ചക്കറി എന്നും ഭക്ഷണത്തിൽ ഉൾപ്പെടുത്തും. നന്നായി വെള്ളം കുടിക്കും. ബെൽറ്റിടാതെ, സാരിയുടുത്ത് പെർഫോം ചെയ്യാൻ കഴിയുമെന്നും പ്രിയഗായിക പറഞ്ഞു.

വണ്ണമുണ്ടായിരുന്ന സമയത്ത് റിമി നേരിട്ടിരുന്ന പ്രശ്നങ്ങളിലൊന്നായിരുന്നു വയറ് കാണുക എന്നത്. സാരി ഉടുക്കുമ്പോഴായിരുന്നു ഇത് കൂടുതൽ പ്രശ്നമാകുന്നത്. ഇതിനായി സാരിയുടുക്കുമ്പോഴെല്ലാം ബെൽറ്റ് മുറിക്കി കൊട്ടുമായിരുന്നു. പലപ്പോഴും സ്റ്റേജ് പ്രോഗ്രാമിനു പോകുമ്പോള്‍ എല്ലാവരും പറയും സാരിയുടുക്കുന്നതാണ് നല്ലതെന്ന്. പക്ഷേ മൂന്നും നാലും മണിക്കൂർ ബെൽറ്റിട്ട് ഇരിക്കണമല്ലോ എന്നോർക്കുമ്പോൾ അതു വേണ്ടെന്ന് വയ്ക്കും. അതു മാത്രമല്ല സ്ക്രീനിൽ എന്നെ കാണുമ്പോൾ ഉള്ളതിലും വണ്ണം കൂടുതലുള്ള പോലെ തോന്നിത്തുടങ്ങി. അങ്ങനെയാണ് ഈ ബെസ്റ്റ് തീരുമാനത്തിലേക്ക് എത്തിയത്. ഇപ്പോൾ ബെൽറ്റിടാതെ സാരി സാരിയുടുത്ത് പെർഫോം ചെയ്യാൻ കഴിയുമെന്നും റിമി കൂട്ടിച്ചേർത്തു.