Don't Miss!
- News ആലത്തൂര് രമ്യക്കൊപ്പം തന്നെ? മന്ത്രി വന്നിട്ടും കാര്യമില്ല, ആ തന്ത്രം നടക്കില്ല; വോട്ടര്മാരുടെ അഭിപ്രായം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Lifestyle പതിനഞ്ച് ദിവസം വരെ പഴം ഫ്രഷ് ആയിരിക്കും, തൊലി കറുക്കില്ല; ഇതൊന്ന് പരീക്ഷിച്ചു നോക്കൂ
- Automobiles റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ അഭ്യാസം; നടപടി പിന്നാലെ വരും
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
'വെന്റിലേറ്ററിലായിരിക്കുമ്പോൾ ആ സൗന്ദര്യം സന്തോഷിപ്പിച്ചു, അഭിനയിച്ചിരുന്ന കാലത്ത് അങ്ങനൊന്ന് കണ്ടില്ല'; സലീം
മുസ്ലീം ആൽബങ്ങളിൽ അഭിനയിച്ചും പിന്നണി പാടിയും മലബാർ മേഖലയിൽ ഒട്ടനവധി ആരാധകരെ ഉണ്ടാക്കിയെടുത്ത താരമാണ് സലീം കോടത്തൂർ.
അദ്ദേഹം തന്നെ വരികളെഴുതി പാടി അഭിനയിച്ച ഞാൻ കെട്ടിയ പെണ്ണിന്നിത്തിരി ചന്തം കുറവാണ് എന്ന ആൽബം ഗാനം വർഷങ്ങൾക്ക് മുമ്പ് വലിയ രീതിയിൽ വൈറലായ ഗാനമായിരുന്നു. വേറെയും നിരവധി ആൽബം ഗാനങ്ങൾ സലീം കോടത്തൂർ പാടി അഭിനയിച്ചിട്ടുണ്ട്.
മലപ്പുറം സ്വദേശിയായ സലീം കോടത്തൂർ ഇപ്പോൾ ഹന്ന മോളുടെ ഉപ്പയെന്ന പേരിലാണ് പ്രശസ്തൻ. മകളുടെ പേരിൽ അറിയപ്പെടുന്നതിൽ അഭിമാനം കൊള്ളുന്നൊരു അച്ഛൻ കൂടിയാണ് സലീം കോടത്തൂർ.
പെൺകുട്ടികൾക്ക് സ്നേഹം അച്ഛന്മാരോട് ആണെന്ന് പൊതുവെ നമ്മുടെ നാട്ടിൽ ഒരു വർത്തമാനമുണ്ട് അത് സലീം കോടത്തൂരിന്റേയും മകൾ ഹന്നയുടേയും കാര്യത്തിൽ നൂറ്റൊന്ന് ശതമാനം ശരിയാണ്. ഇരുവരും അത്രമേൽ ആത്മബന്ധത്തോടെ കഴിയുന്നവരാണ്.
മരണത്തിന്റെ വക്കിൽ നിന്നും മകളെ ചികിത്സയിലൂടെയും പ്രാർഥനയിലൂടെയുമാണ് സലീം കോടത്തൂർ ജീവിതത്തിലേക്ക് കൊണ്ടുവന്നത്. സ്പെഷ്യൽ ചൈൽഡായി തന്റെ മകളെ സലീം കോടത്തൂർ തന്നെയാണ് തന്റെ സോഷ്യൽമീഡിയ പോസ്റ്റ് വഴി മലയാളികൾക്ക് പരിചയപ്പെടുത്തിയത്.
സലീമിന്റെ പോസ്റ്റുകൾ വൈറലായി മാറാൻ തുടങ്ങിയതോടെ ഹന്നയ്ക്കും ഫാൻസുണ്ടാകാൻ തുടങ്ങി. സലീമിനുള്ളതിനേക്കാൾ കൂടുതൽ ആരാധകരാണ് ഇന്ന് ഹന്നമോൾക്ക് വിദേശത്തും കേരളത്തിലുമുള്ളത്.
ഉപ്പയെ പോലെ ഗായികയായ ഹന്നയുടെ പാട്ടുകളും പ്രശസ്തമാണ്. ഇപ്പോഴിത മകൾ ഹന്നയ്ക്കൊപ്പം ഫ്ളവേഴ്സ് ചാനലിനെ പരിപാടിയിൽ അതിഥിയായി വന്ന സലീം കോടത്തൂർ പറഞ്ഞ വാക്കുകളാണ് വൈറലാകുന്നത്. 'ഞാൻ ദുനിയാവിന്റെ സൗന്ദര്യം കണ്ടത് എന്റെ ഹന്ന മോളിലൂടെയാണ്.'
'എന്റെ മകളാണ് ഏറ്റവും സുന്ദരിയെന്ന് അഭിമാനത്തോടെ എനിക്ക് എവിടേയും പറയാൻ കഴിയും. കാരണം ഹന്ന മോളെ പ്രസവിച്ച് കഴിഞ്ഞ സമയത്ത് എന്റെ കൈയ്യിൽ തന്നപ്പോൾ ഞാൻ കണ്ടൊരു സൗന്ദര്യമുണ്ട്. സ്കിൻ കുറേ ഭാഗത്ത് ഉണ്ടായിരുന്നില്ല.'
'പക്ഷെ ഞാൻ അവളുടെ കണ്ണുകളുടെ സൗന്ദര്യം കണ്ടു. അവളുടെ ചിരിക്കും ഭയങ്കര സൗന്ദര്യമായിരുന്നു. ഈ സൗന്ദര്യമൊക്കെ മോള് വെന്റിലേറ്ററിലായിരിക്കുമ്പോഴാണ് ഞാൻ കണ്ടത്. അതിനോളം സൗന്ദര്യം ഞാൻ പിന്നീട് ലോകത്ത് എവിടേയും കണ്ടിട്ടില്ല.'
'ഒരുപാട് ആൽബങ്ങളിൽ അഭിനയിച്ചിട്ടുള്ള ആളായിട്ട് പോലും അന്നൊന്നും കാണാത്ത സൗന്ദര്യമാണ് ഞാൻ എന്റെ മകളിലൂടെ കണ്ടത്', സലീം കോടത്തൂർ പറഞ്ഞു. മകളുടെ പിറന്നാളുകൾ വരുമ്പോഴും അവൾ പുതിയ നേട്ടങ്ങൾ കൈവരിക്കുമ്പോഴും അത് അഭിമാനത്തോടെ സോഷ്യൽമീഡിയ വഴി തന്നെ സ്നേഹിക്കുന്നവരോട് സലീം കോടത്തൂർ പങ്കുവെക്കാറുണ്ട്.
Also Read: മോഹൻലാൽ പരാജയപ്പെട്ട സംവിധായകർക്കും ഡേറ്റ് കൊടുക്കാറുണ്ട്; നടനെക്കുറിച്ച് ജീത്തു ജോസഫ്
സലീമിന് മകളോട് ഉള്ളത് പോലെ തന്നെ മകൾക്കും ഉപ്പയെന്നാൽ ജീവനാണ്. 'സങ്കടങ്ങളിലേക്ക് നോക്കുന്നതിന് പകരം നമ്മുടെ അനുഗ്രഹങ്ങളിലേക്ക് നോക്കണമെന്നത് ഞാൻ പഠിച്ചത് ഇവളിലൂടെ ആയിരുന്നു.'
'അതുകൊണ്ട് തന്നെ പലരും കുറവുകൾ കണ്ട് സഹതപിച്ചപ്പോൾ ഞങ്ങൾ എപ്പോഴും ഇവളുടെ മികവുകൾ മാത്രം നോക്കി കണ്ട് സന്തോഷിച്ചു. അതായിരുന്നു എന്റെ വിജയവും' എന്നാണ് മകളുടെ ഒരു പിറന്നാൾ ദിനത്തിൽ സലീം കോടത്തൂർ കുറിച്ചത്.
മകളെ വിറ്റ് കാശാക്കുകയാണോയെന്നുള്ള നിരവധി ചോദ്യങ്ങൾ നേരിടേണ്ടി വന്നിട്ടുണ്ടെന്ന് സലീം മുമ്പ് വെളിപ്പെടുത്തിയിരുന്നു. തനിക്ക് വേണ്ടത് സഹതാപമല്ല. അവളെ മാലാഖ കുഞ്ഞേ എന്ന് പറഞ്ഞ് എല്ലാവരും വാരി എടുക്കുന്നത് കാണുമ്പോഴുള്ള സന്തോഷമാണ് എന്നും സലീം കോടത്തൂർ പിന്നീട് പറഞ്ഞിരുന്നു.
ഹന്ന മോളും ഇപ്പോൾ ഉപ്പയ്ക്കൊപ്പം പരിപാടികൾ അവതരിപ്പിക്കാൻ പോവുകയും മ്യൂസിക്ക് ആൽബങ്ങൾക്ക് വേണ്ടി പിന്നണി പാടുകയുമെല്ലാം ചെയ്യാറുണ്ട്.
-
'പേഴ്സണൽ സ്പേസിൽ നിന്നും മാറട മണ്ടാ... ദേഹത്ത് നിന്നും മാറി നിക്കടോ...'; ജിന്റോയോട് ഏറ്റുമുട്ടി ഗബ്രി!
-
ചെന്നൈ എന്നാല് സ്വാതന്ത്ര്യമാണ്, എനിക്ക് ആര്ത്തി ഉണ്ട്, അത് സിനിമയോടല്ല; വിനീത് ശ്രീനിവാസന്
-
'എൻ്റെ രാജകുമാരിക്ക് ജന്മദിനാശംസകൾ'; ലാലേട്ടൻ പൊതുവെ ഈ സൈസ് എടുക്കാറില്ലലോ ഇന്നെന്തുപറ്റിയെന്ന് ആരാധകർ!