'ആളത്രവെടിപ്പല്ല, കൂട്ടത്തിൽ കൂട്ടരുത്, അനുഭവം ഉണ്ട്'; കൊറോണ ബാധിച്ചതിനെ കുറിച്ച് വിധുപ്രതാപ്!

സമൂഹമാധ്യമങ്ങളിൽ വളരെ സജീവമാണ് വിധുപ്രതാപ്. താരം പങ്കുവയ്ക്കുന്ന ചിത്രങ്ങൾ എല്ലാം തന്നെ നിമിഷങ്ങൾക്കകം ആണ് വൈറൽ ആയി മാറുന്നത്. ഇപ്പോൾ കൊവിഡ് ബാധിച്ച് ചികിത്സയിൽ കഴിഞ്ഞിരുന്ന ദിവസങ്ങളെ കുറിച്ച് വിധു പ്രതാപ് പങ്കുവെച്ച കുറിപ്പ് വൈറലാവുകയാണ്. തനിക്ക് ആണ് ആദ്യം രോഗം പിടിപെട്ടത് എന്നും പിന്നീട് താനത് ഭാര്യയ്ക്ക് കൈമാറുകയായിരുന്നു എന്നും താരം പറയുന്നു. വളരെ രസകരം ആയിട്ടാണ് താരം ഈ പോസ്റ്റ് എഴുതിയിരിക്കുന്നത്. നിരവധി മികച്ച കമൻറുകൾ ആണ് ഇതിന് താഴെ വന്നുകൊണ്ടിരിക്കുന്നത്. താൻ ഒരാഴ്ച വീട്ടിൽ ഹോം ഐസോലേഷനിൽ ആയിരുന്നു എന്നാണ് വിധു പറയുന്നത്. എന്നാൽ ദീപ്തി അസുഖം വന്ന ഉടനെ തന്നെ ആശുപത്രിയിലേക്ക് മാറിയെന്നും അവിടെയായിരുന്നു ഒരാഴ്ച ദീപ്തിയെന്നും വിധു പറഞ്ഞു.

പിന്നീട് ഇരുവരും വീഡിയോ കോൾ വഴി മാത്രമായിരുന്നു ഒരാഴ്ച പരസ്പരം തമ്മിൽ കണ്ടത്. ഇപ്പോൾ ഇരുവരും വീണ്ടും ഒന്നിച്ചിരിക്കുകയാണ്. കൊവിഡ് മാറി വീണ്ടും ഒരുമിച്ച് കൂടിയതിന്റെ സന്തോഷമാണ് വിധുപ്രതാപ് ഇപ്പോൾ ഇൻസ്റ്റഗ്രാം വഴി ആരാധകരുമായി പങ്കുവെച്ചിരിക്കുന്നത്. വിധുവിന്റെ പോസ്റ്റ് പ്രത്യക്ഷപ്പെട്ടതോടെ നിരവധി പേരാണ് ഇരുവർക്കും ആശംസകളും പ്രാർഥനകളും നേരുന്നത്. 'റീയൂണിറ്റഡ്... അങ്ങനെ ഞങ്ങളെ തേടിയും വന്നു ആ വില്ലൻ. ആദ്യം ഉപഹാരം ഏറ്റ് വാങ്ങിയത് ഞാൻ ആയിരുന്നെങ്കിലും പിന്നീട് ആ താലം ഞാൻ കൈമാറിയത് ദീപ്തി ഗന്ധർവ്വന് ആയിരുന്നു. പണ്ടേ എന്ത് കാര്യം ഏൽപ്പിച്ചാലും ആത്മാർഥത കൂടുതൽ ഉള്ള അവൾ ആ താലവും പിടിച്ച് നേരെ ആശുപത്രിയിലേക്ക് പോവുകയായിരുന്നു. പിന്നീടുള്ള നീണ്ട ഒരാഴ്ച്ച ഞാൻ വീട്ടിലും അവൾ ആശുപത്രിയിലും ഒറ്റയ്ക്ക്. ഐസൊലേഷൻ എന്ന വൺമാൻഷോയ്ക്ക് ശേഷം ഞങ്ങൾ വീണ്ടും ഒന്നിക്കുകയാണ് സുഹൃത്തുക്കളെ... ഒന്നിക്കുകയാണ്... ഈ കൊറോണ ആളത്ര വെടിപ്പല്ല... കൂട്ടത്തിൽ കൂട്ടാൻ കൊള്ളാത്തവനാ. അതുകൊണ്ട് അകറ്റി നിറുത്തുന്നതാ നല്ലത്' എന്നാണ് കൊവിഡ് ബാധിച്ച വിവരം പങ്കുവെച്ച് വിധുപ്രതാപ് സോഷ്യൽമീഡിയയിൽ കുറിച്ചത്.

Recommended Video

Bro Daddy Real Review | കണ്ടിരിക്കാൻ പോലും പറ്റില്ലേ ബ്രോ ഡാഡി ? | FilmiBeat Malayalam

ദീപ്തി ഒരു ക്ലാസിക്കൽ ഡാൻസർ കൂടിയാണ്. ഇതിന് പുറമേ നിരവധി ടെലിവിഷൻ പരിപാടികൾ അവതരിപ്പിക്കുന്നുണ്ട് താരം. അതുകൊണ്ടുതന്നെ മിനിസ്ക്രീൻ പ്രേക്ഷകർക്കും വിധുവിനെപ്പോലെ തന്നെ ദീപ്തിയും ഏറെ സുപരിചിതയാണ്. മഴവിൽ മനോരമയിലെ മ്യൂസിക്കൽ റിയാലിറ്റി ഷോയുടെ ജഡ്ജാണ് ഇപ്പോൾ വിധു പ്രതാപ്. അപാര കോമഡി സെൻസും ത​​ഗ്​ഗും പറയാനുള്ള കഴിവുള്ള വ്യക്തി കൂടിയാണ് വിധു പ്രതാപ്. റിമിക്കും സിത്താരയ്ക്കും ജ്യോത്സനയ്ക്കും ഒപ്പം ചേർന്ന് വിധു പറുന്ന കൗണ്ടറുകളെല്ലാം നിമിഷനേരം കൊണ്ട് വൈറലാകുന്നത്.