'മക്കളുടെ കാര്യം വന്നാൽ ഒരുമിച്ച് എത്തും'; മുൻ ഭാര്യമാർക്കൊപ്പം വിജയ് യേശുദാസും ധനുഷും, ചിത്രങ്ങൾ വൈറൽ!

'എന്നാലിപ്പോൾ അതെല്ലാം അതിന്റേതായ രീതിയില്‍ അങ്ങനെ മുന്നോട്ട് പൊക്കോണ്ടിരിക്കുകയാണ്. മക്കളുടെ കാര്യം വരുമ്പോൾ അവരുടെ അച്ഛനമ്മമാർ എന്ന നിലയില്‍ ഞങ്ങള്‍ മിക്കപ്പോഴും ഒരുമിച്ചായിരിക്കും ചുമതലകള്‍ നിര്‍വഹിക്കുക. മക്കൾക്കും നമുക്കിടയിലുള്ള ഈ കാര്യങ്ങൾ വളരെ നന്നായി മനസിലായിട്ടുണ്ടെന്നാണ് ഞാൻ കരുതുന്നത്.'

'അതുകൊണ്ട് തന്നെ വലിയ പ്രശ്നങ്ങളൊന്നും ഇല്ലാതെ മുന്നോട്ടു പോവുകയാണ്. എന്നാൽ കുടുംബാംഗങ്ങള്‍ ഇതിനെ വളരെ സെന്‍സിറ്റീവായാണ് എടുക്കുന്നത്. അവരുടെ പിന്തുണ കിട്ടാറുമില്ല. അത് ചിലപ്പോൾ അവരുടെ വിഷമം കാരണമായിരിക്കാം. അതുകൊണ്ട് തന്നെ വളരെ ഹിഡണായി മുന്നോട്ടുപോകുകയാണ് ഇക്കാര്യം.'

'എന്നാൽ ഇത്തരം തീരുമാനങ്ങള്‍ തന്നിലെ കലാകാരനെ വളര്‍ത്തിയിട്ടേ ഉള്ളൂ' വിജയ് പറഞ്ഞു. ധനുഷും ഐശ്വര്യ രജനികാന്ത് തങ്ങളുടെ പതിനെട്ട് വർഷത്തെ ദാമ്പത്യ ജീവിതം അടുത്തിടെയാണ് അവസാനിപ്പിച്ചത്.

'സുഹൃത്തുക്കളായും ദമ്പതികളായും മാതാപിതാക്കളായും അഭ്യുദയകാംക്ഷികളായും 18 വര്‍ഷത്തെ ഒരുമിച്ചുള്ള ജീവിതം. വളര്‍ച്ചയുടെയും മനസിലാക്കലിന്‍റെയും പൊരുത്തപ്പെടലിന്‍റെയും ഒത്തുപോകലിന്‍റെയുമൊക്കെ യാത്രയായിരുന്നു അത്.'

'ഞങ്ങളുടെ വഴികള്‍ പിരിയുന്ന ഒരിടത്താണ് ഇന്ന് ഞങ്ങള്‍ നില്‍ക്കുന്നത്. പങ്കാളികള്‍ എന്ന നിലയില്‍ വേര്‍പിരിയാന്‍ തീരുമാനിച്ചു.'

'വ്യക്തികള്‍ എന്ന നിലയില്‍ സ്വയം മനസിലാക്കുന്നതിന് സമയം കണ്ടെത്താനും ഞങ്ങള്‍ തീരുമാനിച്ചു. ഞങ്ങളുടെ തീരുമാനത്തെ ദയവായി മാനിക്കൂ. ഇത് കൈകാര്യം ചെയ്യാന്‍ അവശ്യമായ സ്വകാര്യത ഞങ്ങള്‍ക്ക് നല്‍കൂ എന്നാണ് വിവാഹമോചനം പ്രഖ്യാപിച്ച്' ഐശ്വര്യയും ധനുഷും കുറിച്ചത്.

ഇപ്പോഴിത മക്കളുടെ പരിപാടികളിൽ പങ്കെടുക്കാൻ മുൻഭാര്യമാർക്കൊപ്പം എത്തിയ വിജയ് യേശുദാസിന്റേയും ധനുഷിന്റേയും ചിത്രങ്ങളാണ് വൈറലാകുന്നത്. ധനുഷിന്റേയും വിജയിയുടേയും മക്കളേയും ഫോട്ടോയിൽ കാണാം. ധനുഷിന്റെ മൂത്ത മകൻ സ്പോർട്സ് ക്യാപ്റ്റൻ എന്ന ബാഡ്ജ് ധരിച്ച് നിൽക്കുന്നതും ചിത്രത്തിൽ കാണാം.

മക്കളുടെ കാര്യം വരുമ്പോൾ എല്ലാ തിരക്കുകയും മാറ്റി വെച്ച് എത്തുന്ന വ്യക്തിയാണ് ധനുഷ്. ചില ഷൂട്ടിങ് സെറ്റുകളിലേക്കും പ്രമോഷൻ പരിപാടികളിലേക്കും ധനുഷ് മക്കളേയും ഒപ്പം കൂട്ടാറുണ്ട്.

യാത്ര, ലിം​ഗ എന്നിങ്ങനെയാണ് മക്കൾക്ക് ധനുഷ് പേര് നൽകിയിരിക്കുന്നത്. അമേയ, അവ്യാൻ എന്നിങ്ങനെ രണ്ട് മക്കളാണ് വിജയി യേശുദാസിനുള്ളത്. അടുത്ത സുഹൃത്തുക്കളാണെങ്കിൽ കൂടിയും വിജയിയുടയേും ധനുഷിന്റേയും കുടുംബം ഒറ്റ ഫ്രെയിമിൽ ഒരുമിച്ച് വല്ലപ്പോഴും മാത്രമാണ് പ്രത്യക്ഷപ്പെടാറുള്ളത്.