'വിവാഹം കഴിക്കാത്തവർ ഉമ്മ വെക്കുന്നു, ഇത് മാതാപിതാക്കൾക്ക് പേരുദോഷം അല്ലേ?'; അമൃതയ്ക്കും ​ഗോപിക്കും വിമർശനം!

ദുബായിൽ നിന്നും പകർത്തിയതാണ് വീഡിയോ. അമൃതയുടെ ചുണ്ടിൽ ചുംബിച്ച ശേഷം ഇരുവരും ഒരുമിച്ച് കൈകോർത്ത് ഓടി വരുന്നതാണ് വീഡിയോയിൽ കാണുന്നത്. അമൃത ഒരു ഷോയ്ക്ക് വേണ്ടിയാണ് ദുബായിലേക്ക് പോയത്. അമൃതയ്ക്ക് പിന്നാലെയാണ് ​ഗോപി സുന്ദറും ദുബായിലെത്തിയത്.

ലവ് ഓഫ് മൈ ലൈഫ് എന്ന തലക്കെട്ടോടെയാണ് അമൃതയ്ക്കൊപ്പമുള്ള പ്രണയാർദ്രമായ വീഡിയോ ​ഗോപി സുന്ദർ പങ്കുവെച്ചത്. റീൽസ് വീഡിയോ വൈറലായതോടെ കമന്റുകൾ കൂമ്പാരമായി.

ഗോപിയേയും അമൃതയേയും അനുകൂലിച്ചും പ്രതികൂലിച്ചുമാണ് കമന്റുകൾ വരുന്നത്. 'പ്രണയം അത് നമ്മുടെ ചോയിസാണ്. മറ്റുള്ളതൊന്നും വിഷയമാക്കേണ്ടതില്ല, എത്രനാൾ കാണുമോ എന്തോ?, വിവാഹം കഴിക്കാത്ത ഇവർ ഇങ്ങനെ കെട്ടിപിടിച്ചും ഉമ്മ വെച്ചും ഫോട്ടോസും വീഡിയോസും പോസ്റ്റ് ചെയ്യുമ്പോൾ മാതാപിതാക്കൾ ഇത് കാണില്ലേ?.'

'അവർക്കിത് പേര് ദോഷം അല്ലേ. എന്താണ് കല്യാണം കഴിച്ചാൽ.....? പിന്നെ എന്തായാലും പ്രശ്നം ഇല്ലല്ലോ.! ഇങ്ങനൊക്കെ ജീവിക്കുന്നത് കൊണ്ടായിരുന്നോ ആദ്യ വിവാഹം ഡിവോഴ്സ് ആയത്...?.'

Also Read: കുഞ്ഞു മീനാക്ഷിയെ കയ്യിലെടുത്ത് നിൽക്കുന്ന കാവ്യ; ഇന്ന് അമ്മയല്ലേയെന്ന് ആരാധകർ, വൈറലായി ചിത്രം!

എന്നിങ്ങനെ നീളുന്നു കമന്റുകൾ. ചിലർ അമൃതയുടെ വസ്ത്രധാരണത്തേയും കുറ്റപ്പെടുത്തി. അതിൽ ഒരു മോശം കമന്റിന് കുറിക്കുകൊള്ളുന്ന മറുപടിയും ​ഗോപി സുന്ദർ നൽകിയിട്ടുണ്ട്.

'നിങ്ങളുടെ മസ്തിഷ്കത്തിന്റെ പ്രവർത്തനം നിർത്തിവെച്ചശേഷം വിശ്രമിക്കുകയും നിങ്ങളുടെ സ്വന്തം കാര്യങ്ങൾ ആസ്വദിക്കുകയും ചെയ്യുക' എന്നാണ് ​ഗോപി സുന്ദർ ചൊറിയാൻ വന്ന സദാചാരക്കാരന് മറുപടി നൽകിയത്. കൺമണി എന്നാണ് ​ഗോപി സുന്ദർ അമൃതയെ ഓമനിച്ച് വിളിക്കുന്നത്.

മുമ്പ് പലപ്പോഴായി അമൃതയെ ഓമനപ്പേരായ കണ്മണിയെന്ന് വിളിച്ച് ഗോപി അഭിസംബോധന ചെയ്തിട്ടുണ്ട്. ​ഗോപി സുന്ദറിനെ അങ്കൂട്ടൻ എന്നാണ് അമൃത സുരേഷ് വിളിക്കുന്നത്. ഇരുവരും യാത്രകൾ ഇഷ്‌ടപ്പെടുന്നവരുമാണ്.

ഒന്നിച്ചും അല്ലാതെയും ഒട്ടേറെ സ്ഥലങ്ങൾ സന്ദർശിക്കുകയും ആളുകളെ കാണുകയും ചെയ്യുന്ന നിമിഷങ്ങൾ ഇവരുടെ സോഷ്യൽ മീഡിയ പേജുകളിൽ കാണാം.

അടുത്തിടെയാണ് അമൃതയ്ക്ക് ​ഗോൾഡൺ വിസ ലഭിച്ചത്. അധികാരപ്പെട്ടവരിൽ നിന്നും ഗോൾഡൻ വിസ സ്വീകരിക്കുന്ന വീഡിയോയും ചിത്രങ്ങളും അമൃത ഇൻസ്റ്റഗ്രാമിൽ പോസ്റ്റ് ചെയ്തിരുന്നു.

പക്ഷെ പരിപാടിയിൽ ഗോപി സുന്ദർ പങ്കെടുത്തില്ലായിരുന്നു. അതേസമയം ചിത്രങ്ങൾ ഇൻസ്റ്റഗ്രാമിൽ വന്നതും ഗോപി അമൃതയ്ക്ക് ആശംസകളുമായെത്തിയിരുന്നു. രണ്ട് വീട്ടുകാരുടേയും സമ്മതത്തോടെയാണ് ഇരുവരുടേയും പ്രണയ ബന്ധം മുന്നോട്ട് പോകുന്നത്.

അമൃതയുടെ മകൾ പാപ്പുവും ​ഗോപി സുന്ദറുമായി നല്ല സൗഹൃദത്തിലാണ്. മകളുടെ സമ്മതം കൂടി കിട്ടിയ ശേഷമാണ് ​ഗോപി സുന്ദറുമായി പ്രണയത്തിലായതെന്ന് അമൃത സുരേഷ് പറഞ്ഞിട്ടുണ്ട്.