അന്ന് ടൊവിനോയ്ക്ക് വേണ്ടി ക്ലാപ്പടിച്ചു!!ഇന്ന് പാട്ടും അഭിനയവും,വർഷങ്ങൾക്ക് മുമ്പുള്ള കഥയുമായി സൂരജ്

സിനിമ സംവിധാനം ചെയ്യണം

ലൂക്കയിൽ സംഗീത സംവിധായകന്റെ റോളിൽ മാത്രമല്ല ക്യാമറയ്ക്ക് മുന്നിലും സൂരജ് പ്രത്യക്ഷപ്പെട്ടിട്ടുണ്ട്. ടൊവിനോയുടെ സുഹൃത്ത് മ്യൂസീഷ്യനായിട്ടാണ് സൂരജ് ചിത്രത്തിൽ എത്തിയത്. സംഗീത സംവിധാനത്തിലേയ്ക്ക് അവിചാരിതമായി എത്തിപ്പെട്ട് ആളാണ് താൻ. എന്നാൽ ഒരു ചിത്രം സംവിധാനം ചെയ്യണമെന്ന് ആഗ്രഹമുണ്ടെന്നും അഭിമുഖത്തിൽ പറഞ്ഞു.

ടൊവിനോയ്ക്ക് വേണ്ടി ക്ലാപ്പടിച്ചു

സംവിധാനം മോഹം ഉള്ളതു കൊണ്ട് തന്നെ പലരോടൊപ്പവും സഹസംവിധായകനായി പ്രവർത്തിച്ചിരുന്നു. അങ്ങനെ മുമ്പൊരിക്കൽ ഓഗസ്റ്റ് ക്ലബ് എന്ന ചിത്രത്തിൽ ടൊവിനോയുമായി പ്രവർത്തിച്ചിട്ടുണ്ട്. അന്ന് ചിത്രത്തിന്റെ സഹസംവിധായകനായിരുന്നു താൻ. ടൊവിനോയ്ക്ക് വേണ്ടി ക്ലാപ്പടിച്ചു കൊടുത്തിട്ടുണ്ടെന്നും സൂരജ് പറഞ്ഞു. അതിനു ശേഷം ഇപ്പോഴാണ് ടൊവിനോ നായികനാകുന്ന ചിത്രത്തിൽ എത്തുന്നത്.

ചെറിയ ഇടവേള

സോളയ്ക്ക് ശേഷം സിനിമയിൽ നിന്ന് ചെറിയ ഇടവേളയുണ്ടായി. അവസരങ്ങൾ തേടി എത്താതിരുന്നതുകൊണ്ടല്ല. മറിച്ച് പല അവസരങ്ങളും വേണ്ടെന്ന് വെച്ചതു കൊണ്ടാണ്. തന്നെ തേടിയെത്തിവർക്കെല്ലാം സീത കല്യാണം പോലുളള ഗാനങ്ങളായിരുന്നു ആവശ്യം. അതിലെനിക്ക് തൽപര്യമില്ലായിരുന്നു. എല്ലാ സിനിമയിലും എന്തെങ്കിലും ഒരു പുതുമ ഈണത്തിലും പശ്ചാത്തലസംഗീതത്തിലും കൊണ്ടുവരാന്‍ ശ്രമിക്കാറുണ്ട്. കാലങ്ങള്‍ കഴിഞ്ഞുപോയാലും നമ്മളെ അടയാളപ്പെടുത്തുന്ന സൃഷ്ടികൾ നൽകാൻ സാധിക്കണം.സ്‌ക്രിപ്റ്റ് വായിച്ചശേഷമാണ് സിനിമ തിരഞ്ഞെടുക്കാറുളളത്.

ലൂക്കയിൽ എത്തുന്നത്

ലൂക്ക സംവിധായകൻ അരുൺ ബോസ് തന്റെ അടുത്ത സുഹൃത്താണ്, അതിനാൽ തന്നെ ഗാനങ്ങൾ സ്വതന്ത്ര്യമായിട്ടാണ് ചിട്ടപ്പെടുത്തിയത്. നാല് ഗാനങ്ങളാണ് ചിത്രത്തിലുളളത്. അതില്‍ വാനില്‍ ചന്ദ്രികയും ഒരേ കണ്ണാലും ഏറെ പ്രേക്ഷക സ്വീകാര്യത ലഭിച്ചിരുന്നു. ലൂക്കയെ കൂടാതെ സോളോ, വള്ളീം തെറ്റി പുള്ളീം തെറ്റി എന്ന ചിത്രത്തിലൂടെ മലയാളസിനിമയില്‍ അരങ്ങേറ്റം നടത്തിയ സൂരജ് അലമാര, ആന്‍മരിയ കലിപ്പിലാണ്, കൊച്ചവ്വ പൗലോ അയ്യപ്പ കൊയ്‌ലോ തുടങ്ങിയ ചിത്രങ്ങളിലും സംഗീത സംവിധാനം നിർവഹിച്ചിട്ടുണ്ട്.