'ബിലാൽ' അല്ല, അമല്‍ നീരദ്-മമ്മൂട്ടി ചിത്രം ഒരുങ്ങുന്നു, വെളിപ്പെടുത്തി സൗബിൻ ഷാഹിർ

നടൻ സൗബിനാണ് ബിലാലിന് മുൻപ് പുറത്തിറങ്ങുന്ന മമ്മൂട്ടി- അമൽ നീരദ് ചിത്രത്തെ കുറിച്ച് വെളിപ്പെടുത്തിയത്. സൗബിന്റെ ഒരു വീഡിയോയെ ഉദ്ധരിച്ച് ദ് ക്യൂവാണ് വാർത്ത പുറത്തു വിട്ടിരിക്കുന്നത്. മമ്മൂട്ടിയും അമൽ നീരദും മറ്റൊരു ചിത്രത്തിനായി ഒന്നിക്കുന്നുണ്ടെന്നും അതിൽ താൻ അഭിനയിക്കുന്നതായും സൗബിൻ പറയുന്നതായാണ് വീഡിയോയിൽ പറയുന്നതെന്നാണ് ദ് ക്യൂവിന്റെ റിപ്പോർട്ട്. ഇപ്പോള്‍ ചെയ്യുന്ന 'മ്യാവൂ' ചെയ്ത് കഴിഞ്ഞ് ഉടന്‍ തന്നെ അമല്‍ നീരദിന്റെ ചിത്രത്തിലാണ് ജോയിന്‍ ചെയ്യുന്നത്. മമ്മൂട്ടി ചിത്രമാണ്, 'ബിലാല്‍' അല്ല- സൗബിന്റെ വീഡിയോയ ഉദ്ധരിച്ച് ദ് ക്യൂ റിപ്പോർട്ട് ചെയ്യുന്നു.

എന്നാൽ നേരത്തേയും ഇതുപോലൊരു വാർത്ത പുറത്തു വന്നിരുന്നു. ഇതിൽ പ്രതികരിച്ച് സംവിധായകൻ അമൽ നീരദ് രംഗത്തെത്തിയിരുന്നു. ഇപ്പോള്‍ അങ്ങനെയൊന്ന് തീരുമാനിച്ചിട്ടില്ലെന്നാണ് സംവിധായകൻ അമൽ നീരദ് പറഞ്ഞത്. കൊവിഡിന്റെ കാലമാണ് അതിനാല്‍ ഭാവി പദ്ധതികളെ കുറിച്ച് തീരുമാനിച്ചിട്ടില്ല. കൊവിഡ് സാഹചര്യങ്ങള്‍ കണക്കിലെടുത്ത് ആരുടെയും ജീവന്‍ അപകടത്തിലാക്കാന്‍ ഞാന്‍ ആഗ്രഹിക്കുന്നില്ലെന്നും അമൽ നീരദ് അന്ന് പറഞ്ഞു.

നിലവിൽ മമ്മൂട്ടി- അമൽ നീരദ് ചിത്രമായ ബിലാലിൻറെ പ്രീ പ്രൊഡക്ഷന്‍ ജോലികൾ പുരോഗcfക്കുകയാണ്. രണ്ട് വര്‍ഷം മുന്‍പാണ് അമല്‍ നീരദ് ബിലാല്‍ പ്രഖ്യാപിച്ചത്. 2020 മാര്‍ച്ച് 26 ന് ചിത്രീകരണം തുടങ്ങാനായിരുന്നു ആദ്യം തീരുമാനിച്ചത്. എന്നാല്‍ ആദ്യ ഷെഡ്യൂള്‍ തുടങ്ങാന്‍ ദിവസങ്ങള്‍ ബാക്കിനില്‍ക്കെയായിരുന്നു കൊവിഡ് വ്യാപനത്തെ തുടർന്ന് ലോക്ക് ഡൗണ്‍ പ്രഖ്യാപിച്ചത്. എന്നാൽ ചിത്രം ഈ വർഷം ആരംഭിക്കുമെന്നാണ് പ്രചരിക്കുന്ന റിപ്പോർട്ടുകൾ.

Recommended Video

ബിലാലിൽ മമ്മുക്കയുടെ വില്ലൻ ജോൺ എബ്രഹാമോ? | FilmiBeat Malayalam

2000 ൽ പുറത്തിറങ്ങിയ ബിഗ് ബിയിലെ ഭൂരിഭാഗം താരങ്ങളും ബിലാലിലും ഉണ്ടാകുമെന്നാണ് സൂചന. മനോജ് കെ ജയൻ, ലെന, ബാല, മംമ്ത മോഹൻദാസ് തുടങ്ങിയവർ ആദ്യ ഭാഗത്തിലെ കഥാപാത്രങ്ങളെ തന്നെയാണ് രണ്ടാം ഭാഗത്തിലും അവതരിപ്പിക്കുന്നത്. അമല്‍ നീരദ്, അന്‍വര്‍ റഷീദ്, ഫഹദ് ഫാസില്‍ തുടങ്ങിയവര്‍ ചേര്‍ന്നാണ് ചിത്രം നിർമ്മിക്കുന്നത്.
ഗോപി സുന്ദർ ആണ് ബിലാലിന്റെ പശ്ചാത്തല സം​ഗീതം ഒരുക്കുന്നത്.