അര്‍ജുന്‍റെ ആ സ്വഭാവം ഇഷ്ടമാണെന്ന് സൗഭാഗ്യ! അങ്ങനെയായിരുന്നുവെങ്കില്‍ എന്നാഗ്രഹിക്കുന്നു

വിവാഹം കഴിഞ്ഞ് വീടുമാറി

സൗഭാഗ്യയുടേയും അര്‍ജുന്റേയും വിവാഹം കഴിഞ്ഞതിന് പിന്നാലെയായാണ് താര കല്യാണ്‍ വീടുമാറിയത്. ഇതേക്കുറിച്ചായിരുന്നു മുത്തശ്ശി ചോദിച്ചത്. ഇതെന്ത് കൊണ്ടാണ് സൗഭാഗ്യ അനുവദിച്ചതെന്നായിരുന്നു മുത്തശ്ശിയുടെ ചോദ്യം. അമ്മയുടെ സാരിത്തുമ്പ് വിടാതിരുന്ന നീ ഇതെങ്ങനെ അനുവദിച്ചുവെന്നായിരുന്നു മുത്തശ്ശിക്ക് അറിയേണ്ടിയിരുന്നത്. എല്ലാവരും കൂടി ഒരുമിച്ചെടുത്ത തീരുമാനമായിരുന്നു അത്. അമ്മയ്ക്ക് അമ്മയുടേതായ സ്‌പേസ് കിട്ടട്ടെ എന്ന് കരുതി.

ബുദ്ധിമുട്ടായിരുന്നു

കുറച്ച് ബുദ്ധിമുട്ടേറിയ തീരുമാനമായിരുന്നു. ടീച്ചര്‍ മാറിത്താമസിച്ചതിനെക്കുറിച്ച് പലരും ചോദിച്ചിരുന്നു. അമ്മയ്ക്ക് ഇനി സുഖമായല്ലോ, അര്‍ജുന്‍ വീട്ടിലേക്ക് വന്നല്ലോയെന്നായിരുന്നു എല്ലാവരും ചോദിച്ചത്. നെഗറ്റീവ് ടോണിലായിരുന്നു പലരും ചോദിച്ചത്. ഒരു മതിലിന് ഇപ്പുറത്തും അപ്പുറത്തുമായാണ് ഞങ്ങളുടെ വീടുകള്‍. വിവാഹമൊക്കെ നീ ചെയ്‌തോ, കുഞ്ഞിനെ നോക്കാനായി ബേബിസിറ്ററായി ഞാന്‍ വരില്ലെന്നായിരുന്നു അമ്മ ആദ്യം പറഞ്ഞ കണ്ടീഷനെന്നും സൗഭാഗ്യ പറയുന്നു.

തീരുമാനത്തിന് കാരണം

പട്ടിക്കുട്ടിയെ നോക്കാന്‍ ഞാന്‍ ഏല്‍പ്പിക്കുമല്ലോ, അപ്പോള്‍ അമ്മാ, അവനെന്ത് കൊടുത്തു, എത്ര ഭക്ഷണം കൊടുത്തു ഇങ്ങനെയുള്ള ചോദ്യങ്ങളുമായി വിളിക്കാറുണ്ട്. പട്ടിക്കുട്ടിയെ നോക്കാനേല്‍പ്പിച്ചപ്പോള്‍ ഇങ്ങനെയെങ്കില്‍ കുട്ടിയെ ആയിരുന്നുവെങ്കില്‍ എന്തായിരിക്കും. അവരുടെ കുട്ടികള്‍ അവര്‍ തന്നെ വളര്‍ത്തട്ടെ. അത് അവരുടെ ഉത്തരവാദിത്തരമല്ലേയെന്നും താര കല്യാണ്‍ ചോദിക്കുന്നു.

അത്ഭുതപ്പെടുത്തിയ കാര്യം

സൗഭാഗ്യയുടെ സ്വഭാവത്തില്‍ അത്ഭുതപ്പെടുത്തിയ കാര്യത്തെക്കുറിച്ചും ജോണ്‍ ബ്രിട്ടാസ് ചോദിച്ചിരുന്നു. മൃഗങ്ങളോടുള്ള സ്‌നേഹമാണ് തന്നെ അത്ഭുതപ്പെടുത്തിയത്. അതേ പോലെ തന്നെ ബൈക്കിനോടുള്ള ഇഷ്ടം. സെലിബ്രിറ്റിയായിരിക്കുന്ന ഒരാള്‍ ബൈക്കിലൊക്കെ പോവുമെന്ന് ചിന്തിച്ചിരുന്നില്ല. സ്‌പോര്‍ട്‌സ് ബൈക്കുകളെക്കുറിച്ചൊക്കെ പറയാറുണ്ട് ആള്‍. അര്‍ജുന്‍രെ ധൈര്യം തനിക്ക് ഇഷ്ടമാണെന്നും അത് പോലെയായിരുന്നുവെങ്കില്‍ എന്നാഗ്രഹിക്കാറുണ്ടെന്നും സൗഭാഗ്യ പറയുന്നു.

പ്രൊപ്പോസ് ചെയ്യുന്നത്

സക്കൂട്ടീ, രണ്ടര വര്‍ഷമായി മിക്ക കാര്യങ്ങളിലും നമ്മളൊരുമിച്ചാണ്. ജോലിയും ഹോബിയുമൊക്കെ ഒരുമിച്ചാണ്. എനിക്കൊരു ലൈഫ് പാര്‍ട്‌നറുണ്ടെങ്കില്‍ അത് സക്കുട്ടി മതി, ഇതൊന്നും പറയില്ല, പെണ്ണെ കെട്ടാം ഇതായിരിക്കും പറയുന്നതെന്നും അര്‍ജുന്‍ പറഞ്ഞിരുന്നു. കുട്ടിക്കാലത്തെ തന്റെ അനുഭവത്തെക്കുറിച്ചും അദ്ദേഹം പറഞ്ഞിരുന്നു. പപ്പയും ചേട്ടനുമൊക്കെ ഡാന്‍സ് ക്ലാസില്‍ വിളിക്കാന്‍ വരാറുണ്ടായിരുന്നു. അന്നൊരുപാട് നാണംകെട്ടിട്ടുണ്ടെന്നും അര്‍ജുന്‍ പറഞ്ഞിരുന്നു.