ഷൂട്ടിനിടെ ജീവനൊടുക്കാൻ ശ്രമം, ലെെം ലെെറ്റിൽ നിന്നും അകന്നു; ദിലീപിന്റെ നായികയ്ക്ക് സംഭവിച്ചത്

കുറച്ച് സിനിമകൾ ചെയ്തിട്ട് പോലും പ്രേക്ഷകരുടെ മനസിൽ ഇടം പിടിച്ച ചില നടിമാരുണ്ട്. സ്പീഡ് ട്രാക്ക് എന്ന ദിലീപ് ചിത്രത്തിൽ നായികയായെത്തിയ നടി ​ഗജലയെ മലയാളികൾ മറന്നിട്ടില്ല. സ്പീഡ് വലിയ ഹിറ്റോ ​ഗജലയ്ക്ക് ലഭിച്ച ശ്രദ്ധേയ റോളോ അല്ലെങ്കിൽ പോലും ചിത്രത്തിലെ ​​ഗാനങ്ങൾ ശ്രദ്ധ നേടി. അഭിനയ രം​ഗത്ത് നിന്നും ഏറെക്കാലമായി മാറി നിൽക്കുകയാണ് ​ഗജല. മലയാളത്തിൽ സ്പീഡ് ട്രാക്ക് എന്ന ഒറ്റ സിനിമ മാത്രമേ ​ഗജല ചെയ്തിട്ടുള്ളൂ. തമിഴിലും തെലുങ്കിലും തുടരെ സിനിമകൾ ചെയ്തിട്ടുണ്ട്.

2010 ലാണ് ​ഗജല അഭിനയ രം​ഗം വിട്ടത്. മസ്കറ്റിൽ തന്റെ പിതാവിന്റെ ബിസിനസിന്റെ ഭാ​ഗമായി ഇന്റീരിയർ ഡിസെെനിം​ഗിലേക്ക് ക‌‌ടന്നു. ഇപ്പോൾ കുടുംബ ജീവിതം നയിക്കുന്നന്ന് റിപ്പോർട്ടുകളുണ്ട്. സിനിമാ രം​ഗത്തെക്കുറിച്ച് ഒരിക്കൽ ​ഗജല സംസാരിച്ചിരുന്നു. സിനിമ കരിയറായി ഞാൻ കാണുന്നില്ല. അഭിനയം തുടങ്ങിയപ്പോൾ പോലും സിനിമകൾ ആസ്വദിച്ചത് കൊണ്ടാണ് ഞാൻ ചെയ്തത്. 40-50 വയസ് വരെ സിനിമകൾ ചെയ്യുമെന്ന് ഞാൻ തീരുമാനിച്ചിരുന്നില്ല. സിനിമകളിൽ വർക്ക് ചെയ്യാൻ ഞാൻ സ്ട്ര​ഗിൾ ചെയ്യുന്നില്ല. നല്ല സിനിമ കിട്ടിയാൽ സന്തോഷം. അല്ലെങ്കിൽ കുഴപ്പമില്ല എന്നാണ് ​ഗജല ഒരിക്കൽ പറഞ്ഞത്.

2002 ൽ ​ഗജല ആത്മഹത്യക്ക് ശ്രമിച്ചത് വാർത്തയായിരുന്നു. ഉറക്കു ​ഗുളികൾ കഴിച്ച നടിയെ ആശുപത്രിയിലെത്തിച്ചത് കൊണ്ട് ജീവൻ രക്ഷിക്കാനായി. പല അഭ്യൂഹങ്ങൾ ഇതേക്കുറിച്ച് വന്നു. പ്രണയ പരാജയം, പ്രമുഖ വ്യവസായിയുടെ മകന്റെ ശല്യം എന്നിവയാണ് കാരണമെന്ന് ​ഗോസിപ്പുകൾ വന്നു. എന്നാൽ പിന്നീടൊരിക്കൽ നൽകിയ അഭിമുഖത്തിൽ ​ഗജല ഇതേക്കുറിച്ച് സംസാരിച്ചു. ഏകാന്തതയും വിഷാദരോ​ഗവുമാണ് തന്നെ അലട്ടിയിരുന്നതെന്ന് ​ഗജല പറഞ്ഞു.

തെലുങ്ക് നടൻ അർജുൻ ആണ് ​ഗജലയെ അന്ന് രക്ഷപ്പെടുത്തിയത്. ഇരുവരും അപ്പോൾ ഹെെദരാബാ​ദിൽ ഷൂട്ടിം​ഗിലായിരുന്നു. ലെെം ലെെറ്റിൽ ​ഗജലയെ ഇന്ന് കാണാനേയില്ല. 2016 ലാണ് ​ഗജല വിവാഹിതയായത്. ടെലിവിഷൻ നട‌ൻ ഫെെസൽ റസ ഖാൻ ആണ് ഭർത്താവ്. 2001 ൽ സ്റ്റുഡന്റ് നമ്പർ 1 എന്ന സിനിമയിലൂടെയാണ് ​ഗജല അഭിനയ രം​ഗത്ത് തുടക്കം കുറിച്ചത്. ജൂനിയർ എൻടിആർ ഉൾപ്പെടെയുള്ള താരങ്ങൾക്കൊപ്പം തെലുങ്കിൽ നടി സിനിമകൾ ചെയ്തു. ഗജലയുടെ പുതിയ ചിത്രങ്ങളാണിപ്പോൾ ശ്രദ്ധ നേടുന്നത്. പഴയത് പോലെ സുന്ദരിയാണ് ​ഗജല ഇപ്പോഴുമെന്ന് ആരാധകർ പറയുന്നു.

ഹിന്ദി ടെലിവിഷൻ രം​ഗത്ത് വില്ലൻ വേഷങ്ങൾ ചെയ്ത് ശ്രദ്ധ നേടിയ നടനാണ് ഫെെസൽ റസ ഖാൻ. ഫോട്ടോ​ഗ്രാഫിയോടുള്ള താൽപര്യം കാരണം പാർ‌ട് ‌ടെെം ഫോട്ടോ​ഗ്രാഫറായി. ഒരു പാർട്ടിയിൽ വെച്ച് 2012 ലാണ് ​ഗജലയും ഫെെസൽ റസ ഖാനും പരിചയപ്പെടുന്നത്. ഞങ്ങൾ തമ്മിൽ പരസ്പരം ഒരുപാട് മനസിലാക്കുന്നു. അവൾ വളരെ സപ്പോർട്ട് ചെയ്യുന്ന ആളാണ്. സ്നേഹവും കരുതലുമുണ്ട്. ഫോട്ടോ​ഗ്രാഫറായുള്ള തന്റെ കരിയറിൽ ​ഗജല സഹായിക്കുന്നുണ്ടെന്നും ഫെെസൽ റസ ഖാൻ ഒരിക്കൽ പറഞ്ഞിരുന്നു.