ഈ ഒരൊറ്റ കാര്യത്തില്‍ മാറ്റം വരുത്തൂ, ബിഗ് ബോസിന് മുന്നില്‍ താരപുത്രിയുടെ അഭ്യര്‍ത്ഥന!

മോഹന്‍ലാലിനൊപ്പം ശ്രീലക്ഷ്മിയും

മമ്മൂട്ടിയേയും സുരേഷ് ഗോപിയേയുമൊക്കെയായിരുന്നു ആദ്യം പരിഗണിച്ചിരുന്നതെങ്കിലും ബിഗ് ബോസാവാനുള്ള ദൗത്യം ഏറ്റെടുത്തത് മോഹന്‍ലാലായിരുന്നു. അഭിനയവും ആലാപനവും മാത്രമല്ല നല്ലൊരു അവതാരകനും കൂടിയാണ് താനെന്ന് അദ്ദേഹം ഈ പരിപാടിയിലൂടെ തെളിയിക്കുമോയെന്നറിയണമെങ്കില്‍ ഇനിയും കാത്തിരിക്കണം. മോഹന്‍ലാലിനോടൊപ്പം പരിപാടിയില്‍ പങ്കെടുക്കാന്‍ ശ്രീലക്ഷ്മിയും എത്തിയിട്ടുണ്ട്.

അച്ഛന്റെ സമ്മതപ്രകാരം

രണ്ട് വര്‍ഷത്തെ ഇടവേള അവസാനിപ്പിച്ചാണ് ശ്രീലക്ഷ്മി വീണ്ടും ക്യാമറയ്ക്ക് മുന്നിലെത്തുന്നത്. 60 ക്യാമറയും 16 മത്സരാര്‍ത്ഥികളും 100 ദിവസുമായി ബിഗ് ബോസ് എത്തുന്നുവെന്ന് നേരത്തെ തന്നെ വ്യക്തമായതാണ്. പുറംലോകവുമായുള്ള കമ്യൂണിക്കേഷനെല്ലാം ബ്ലോക്ക് ചെയ്തതിന് ശേഷമുള്ള അവസ്ഥ എന്താവുമെന്നതിനെക്കുറിച്ച് തനിക്ക് അറിയില്ല. രണ്ട് വര്‍ഷം ജോലിയുമായി ബന്ധപ്പെട്ട് പുറത്തായിരുന്നതിനാല്‍ ഹോം സിക്‌നെസ്സ് കുറഞ്ഞിട്ടുണ്ട്.

തമിഴ് പതിപ്പ് കണ്ടിരുന്നു

ഉലകനായകന്‍ കമല്‍ഹസന്‍ അവതാരകനായെത്തുന്ന തമിഴ് പതിപ്പ് കൃത്യമായി കണ്ടിരുന്നു. തമിഴിലെ സെക്കന്‍ഡ് സീസണ്‍ കണ്ടിരിക്കുന്നതിനിടയിലാണ് മലയാള പതിപ്പിനെക്കുറിച്ച് അറിഞ്ഞത്. അതില്‍ താന്‍ പങ്കെടുക്കുമെന്ന കാര്യത്തെക്കുറിച്ചൊന്നും നേരത്തെ ചിന്തിച്ചിരുന്നില്ല. ഈ പരിപാടി സംപ്രേഷണം ചെയ്ത് തുടങ്ങിയാല്‍ തന്നെക്കുറിച്ച് പുറംലോകം എന്താണ് പറയുന്നതെന്നറിയാന്‍ ആകാംക്ഷയുണ്ട്.

അമ്മയെ വിളിക്കാന്‍

അമ്മയേയും മറ്റ് കുടുംബാംഗങ്ങളെയും മിസ്സ് ചെയ്യുന്നുണ്ട്. ഒരുപാട് സുഹൃത്തുക്കളൊന്നുമില്ലെങ്കിലും കുറച്ച് പേര്‍ എല്ലായ്‌പ്പോഴും ഒപ്പമുണ്ടാവാറുണ്ട്. അവരെ മിസ് ചെയ്യുന്ന കാര്യത്തില്‍ സങ്കടമുണ്ട്. വിദേശത്ത് ജോലി ചെയ്തപ്പോഴും എല്ലാ ദിവസവും അമ്മയെ വിളിക്കാറുണ്ട്. അമ്മയെ ഒരുദിവസം പോലും വിളിക്കാതിരിക്കാന്‍ കഴിയില്ല.ഇക്കാര്യത്തില്‍ ഇളവ് വരുത്തിയാല്‍ കൊള്ളാമെന്നുണ്ട്. അത് വരുത്തുമെന്നാണ് തന്റെ പ്രതീക്ഷയെന്നും ശ്രീലക്ഷ്മി പറയുന്നു.