ശ്രീവിദ്യയുടെ ആത്മാവ് കമൽഹാസനെ തേടുന്നു; നടിയുടെ വീട് വൃത്തിയാക്കാൻ വന്നവർ കണ്ടത്; ജ്യോതിഷിയുടെ വാക്കുകൾ

'അപാരമായ ചങ്കൂറ്റമുണ്ടെങ്കിലെ കാണാൻ വരാൻ പറ്റൂ. കാമുകിയുമായി പിരിഞ്ഞ് മൂന്ന് കല്യാണം കഴിച്ച് പിന്നെ ആരുമൊക്കെയായോ പ്രണയ സല്ലാപ നടത്തിയിട്ട് ആദ്യ കാമുകി മരിക്കാൻ കിടന്നപ്പോൾ അവരെ കാണാൻ വന്നു. അതൊരു വിശാല മനസ്സായി വേണമെങ്കിൽ നമുക്ക് കാണാം'

'ഡോക്ടർമാരെ വരെ പുറത്താക്കിയ ശേഷം വാതിലടിച്ച് കമൽഹാസനും ശ്രീവിദ്യയും എത്രയോ സമയം ആശുപത്രിയുടെ മുറിക്കകത്തുണ്ടായിരുന്നു. അവരെന്തൊക്കെ പങ്കിട്ടു, എന്തൊക്കെ പറഞ്ഞെന്നെന്നും പുറം ലോകത്ത് ആരും അറിഞ്ഞിട്ടില്ല'

'കമൽഹാസൻ വന്ന് പോയി ചുരുക്കം നാളുകൾക്കുള്ളിൽ അവർ മരിച്ചു. കമൽ ഹാസനാണെങ്കിൽ ഇത്തരം കാര്യങ്ങളിലൊന്നും മനസ്സ് തുറക്കുന്ന ആളുമല്ല. ഒരു നിമിഷത്തേക്കെങ്കിലും ഇരുവരും പഴയ കാമുകീ കാമുകൻ‌മാരായിരിക്കാം'

'കമൽ വന്ന് പോയ ശേഷം ശ്രീവിദ്യ ഡോക്ടർമാരോടും നഴ്സുമാരോടും ​ഗണേശ് കുമാറിനോടും പറഞ്ഞിരുന്നതെന്തെന്നാൽ എനിക്ക് മരിക്കേണ്ട എന്ന വിലാപമായിരുന്നു'

'എനിക്ക് മരിക്കേണ്ട,എനിക്ക് ജീവിക്കണം ജീവിച്ച് മതിയായില്ല എന്നാണവർ പറഞ്ഞിരുന്നത്. അവരെ പോയി കണ്ട ജ്യോതിഷിയാണ് എന്നോട് പറഞ്ഞത്. ശ്രീവിദ്യ മരിച്ച വിവരമറിഞ്ഞ് ഏക സഹോദരൻ തലസ്ഥാനത്തേക്ക് വന്നു. സംസ്കാരം നടത്തി'

'ഭർത്താവിൽ നിന്നും സുപ്രീം കോടതി വിധി വഴി ശ്രീവിദ്യക്ക് ലഭിച്ച ഫ്ലാറ്റും വീടും എനിക്ക് ലഭിക്കണമെന്ന് സഹോദരൻ ആവശ്യപ്പെട്ടു'

'ശ്രീവിദ്യയുടെ വസ്തു വകകളുടെ കസ്റ്റോഡിയിൻ അപ്പോൾ കെബി ​ഗണേശ് കുമാറാണ്. അതൊരു ട്രസ്റ്റ് ആയിരുന്നു. വിവാദമായപ്പോൾ അദ്ദേഹം ബുദ്ധിപൂർവം ശ്രീവിദ്യയുടെ സ്വത്ത് വകകളെല്ലാം സാംസ്കാരിക വകുപ്പിന് കൈമാറി'

'അവരെ കണ്ടിരുന്ന ജ്യോതിഷിയായ സ്ത്രീയോട് യാദൃശ്ചികമായി സംസാരിച്ചപ്പോൾ അവർ പറഞ്ഞത് ശ്രീവിദ്യയുടെ പൂജപ്പുരയിലെ വീട് തൂക്കാനും തുടയ്ക്കാനുമൊക്കെ ഒരാളിനെ ജോലിക്ക് നിർത്തിയിരുന്നു'

'അയാൾ ഒറ്റയ്ക്ക് പോയി കൂടെക്കൂടെ വീട് തൂത്ത് വരുമായിരുന്നു. പക്ഷെ പിന്നീട് അയാൾക്ക് ഒറ്റയ്ക്കവിടെ പോവാൻ വിഷമമത്രെ. കാരണമെന്താണെന്ന് ചോദിച്ചാൽ ഒരു മുറി വൃത്തിയാക്കുമ്പോൾ അടുത്ത മുറിയിൽ ആരോ നടന്ന് പോവുന്ന പോലെ'

'അയാൾ ഈ മുറിയിൽ നിന്ന് മാറി ആ മുറിയിലേക്ക് പോവുമ്പോൾ നേരത്തെ തൂത്ത സ്ഥലത്ത് ഒരു രൂപം നടന്ന് പോവുന്നത് പോലെ. പിന്നെ അയാൾ ഒറ്റയ്ക്ക് വരാതായി. ഒരാളെ ഒപ്പം കൂട്ടി. കുറച്ച് കഴിഞ്ഞപ്പോൾ അവർ വരാതായി'

'ആശുപത്രിയിൽ വിദ്യാമ്മയെ അവസാനമായി കണ്ട നേരത്തെ പറഞ്ഞ സ്ത്രീ പറഞ്ഞത് ശ്രീവിദ്യക്ക് ആ വീട്ടിൽ നിന്ന് പോവാൻ പറ്റില്ലെന്നാണ്. ശ്രീവിദ്യ ഇവിടം വിട്ട് പോവണമെങ്കിൽ അവർ കലർപ്പില്ലാതെ സ്നേഹിച്ച കമൽഹാസൻ ഈ ലോകം വിട്ട് പോവണമത്രെ,' ശാന്തിവിള ദിനേശൻ പറഞ്ഞതിങ്ങനെ.