ചുവന്ന പട്ടുസാരിയില്‍ അതിസുന്ദരിയായി അവള്‍ ഉറങ്ങുന്നു, ശ്രീദേവിയെ അവസാനമായി കണ്ടതിനെക്കുറിച്ച് നടി!

ശ്രീദേവിക്ക് അവസാനയാത്ര നല്‍കി

മുംബൈ ലോഖണ്ഡയിലെ സെലിബ്രേഷന്‍ സ്‌പോര്‍ട്‌സ് ഹാളിലാണ് ശ്രീദേവിയുടെ മൃതദേഹം പൊതുദര്‍ശനത്തിന് വെച്ചത്. ആരാധകരും സഹപ്രവര്‍ത്തകരുമടക്കം വന്‍ജനാവലിയാണ് താരത്തെ അവസാനമായി കാണാന്‍ എത്തിയത്.

ബോളിവുഡ് സിനിമയിലെ പ്രമുഖരെല്ലാം എത്തി

ഷാരൂഖ് ഖാന്‍, ഐശ്വര്യ റായി, തബു, കത്രീന കൈഫ്, സോനം കപൂര്‍, സാറ അലി ഖാന്‍,ഫര്‍ഹാന്‍ അക്തര്‍, അര്‍ജുന്‍ രാംപാല്‍ തുടങ്ങി ബോളിവുഡ് സിനിമ ഒന്നടങ്കം ശ്രീദേവിയെ അവസാനമായി കാണുന്നതിന് വേണ്ടി എത്തിയിരുന്നു.

ബോണി കപൂറും മക്കളും

പൊതുദര്‍ശനത്തിന് വെച്ച മൃതദേഹത്തിനരികില്‍ തന്നെ നില്‍ക്കുന്നുണ്ടായിരുന്നു ബോണി കപൂറും മക്കളും. ഇടയ്ക്കിടയക്ക് താരത്തെ നോക്കി വിങ്ങിപ്പൊട്ടുന്ന ഇവരെക്കണ്ടപ്പോള്‍ നിയന്ത്രണം വിട്ടുപോയെന്ന് പല താരങ്ങളും വ്യക്തമാക്കിയിരുന്നു.

ചുവന്ന സാരിയില്‍ അതീവ സുന്ദരി

ഇന്ത്യന്‍ സിനിമയുടെ തന്നെ അഭിമാന താരമായ ശ്രീദേവിയുടെ സൗന്ദര്യത്തെക്കുറിച്ച് എല്ലാവര്‍ക്കും അറിയാവുന്നതാണ്. ചുവന്ന സാരിയില്‍ അതീവ സുന്ദരിയായാണ് താരത്തെ അവസാനമായി കണ്ടത്. അവസാന യാത്രയ്ക്കിടയിലെ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചിരുന്നു.

ഹേമമാലിനിയും കുടുംബവുമെത്തി

ഒന്നിനൊന്ന് വ്യത്യസ്തമായ ചിത്രങ്ങളുമായി ഒരേ സമയം സിനിമയില്‍ നിറഞ്ഞുനിന്നിരുന്ന താരങ്ങളായിരുന്നു ഹേമമാലിനിയും ശ്രീദേവിയും. സഹപ്രവര്‍ത്തകയെ അവസാനമായൊന്ന് കാണുന്നതിന് വേണ്ടി ഹേമമാലിനി കുടുംബസമേതമാണ് എത്തിയത്.

ശാന്തമായി ഉറങ്ങുന്നു

ചുവന്ന പട്ടുസാരിയില്‍ അതീവ സുന്ദരിയായി, ശാന്തമായി ഉറങ്ങുന്ന ശ്രീദേവിയെയാണ് താന്‍ കണ്ടതെന്ന് താരം കുറിച്ചിട്ടുണ്ട്. മനോഹരമായൊരു കുറിപ്പാണ് താരം പോസ്റ്റ് ചെയ്തിട്ടുള്ളത്.

ബോളിവുഡ് ഒന്നടങ്കം ദു:ഖത്തിലാണ്

ബോളിവുഡ് സിനിമാലോകവും ആരാധകരുമെല്ലാം ഒന്നടങ്കം ദു:ഖത്തിലാണ്.വിങ്ങിപ്പൊട്ടിയാണ് പലരും അവിടെ നിന്നിരുന്നത്. അവസാന യാത്ര സമാധാനപരമായിരുന്നുവെന്നും ചടങ്ങുകളെല്ലാം കൃത്യമായി പൂര്‍ത്തിയാക്കിയിട്ടുണ്ടെന്നും താരം കുറിച്ചിട്ടുണ്ട്.