കണ്ണീരോടെ അല്ലാതെ ഈ ചിത്രങ്ങള്‍ കാണാന്‍ കഴിയില്ല, ആരും വീണുപോവുന്ന ശ്രീദേവിയുടെ സൗന്ദര്യം!!

By Aswini P

Updated: Tuesday, February 27, 2018, 17:24 [IST]

ശ്രീദേവി ലോകം വിട്ടു പോയി എന്ന് ഇപ്പോഴും വിശ്വസിക്കാന്‍ കഴിയുന്നില്ല. ഇത്രയേറെ ശ്രീദേവി ഇന്ത്യന്‍ സിനിമയുടെ അകമറിഞ്ഞിരുന്നു എന്ന് പലരുടെയും പ്രതികരണങ്ങളിലൂടെയാണ് വ്യക്തമാകുന്നത്. ശ്രീദേവി ഇനിയില്ല എന്ന് പ്രേക്ഷകര്‍ വിശ്വസിയ്ക്കുന്നില്ല... അഭിനയിച്ചു തീര്‍ത്ത കഥാപാത്രങ്ങളിലൂടെ ശ്രീദേവി ഇനിയും പ്രേക്ഷകര്‍ക്ക് മുന്നിലെത്തും.

ആരും കൊതുക്കുന്ന സൗന്ദര്യത്തിന് ഉടമയാണ് ശ്രീദേവി. നാല് വയസ്സില്‍ സിനിമാ ലോകത്ത് വന്ന ശ്രീദേവി അന്‍പത് കൊല്ലം ഇന്ത്യന്‍ സിനിമാ ലോകത്ത് നിറഞ്ഞു നിന്നു. ശ്രീദേവിയുടെ വളര്‍ച്ച പ്രേക്ഷകര്‍ക്ക് മുന്നിലായിരുന്നു. കഥാപാത്രങ്ങളില്‍ ഇപ്പോഴും ശ്രീദേവി ജീവിച്ചിരിക്കുമ്പോള്‍ കണ്ണീരോടെ അല്ലാതെ ആ മുഖം ഓര്‍ക്കാന്‍ കഴിയുന്നില്ല. അധികമാരും കാണാത്ത ശ്രീദേവിയുടെ ചില ചിത്രങ്ങള്‍ കാണാം...

ഫെബ്രുവരി 25

വളരെ ദുഖമുള്ള ആ വാര്‍ത്ത കേട്ട് കൊണ്ടാണ് ഫെബ്രുവരി 25 ന് ഇന്ത്യ ഉണര്‍ന്നത്. ശ്രീദേവി ഇനിയില്ല!!

മരണവാര്‍ത്ത

ഭര്‍ത്താവിനും മകള്‍ക്കുമൊപ്പം ദുബായില്‍ മരുമകന്റെ കല്യാണത്തിന് പോയ ശ്രീദേവി അവിടെ വച്ച് ഹൃദയാഘാതം സംഭവിച്ച് മരണപ്പെട്ടു എന്നായിരുന്നു വാര്‍ത്ത.

വിശ്വസിച്ചില്ല

വാര്‍ത്ത കേട്ടപ്പോള്‍ പലര്‍ക്കും വിശ്വസിക്കാനായില്ല. പലരെയും കൊല്ലാതെ കൊല്ലുന്ന സോഷ്യല്‍് മീഡിയയുടെ ഇരയാവും ശ്രീദേവി എന്നാണ് ആദ്യം കരുതിയത്. എന്നാല്‍ പിന്നീട് ഔദ്യോഗിക വിശദീകരണം ലഭിച്ചു.

ദുഖത്തോടെ..

വാര്‍ത്ത കേട്ട ആരും ഞെട്ടാതിരുന്നില്ല.. ഒരു അസുഖവും പറഞ്ഞ് കേട്ടിട്ടില്ല. കണ്ണ് അടച്ചു തുറക്കും വേഗത്തില്‍ ശ്രീദേവി അപ്രത്യക്ഷയായി...

ട്വീറ്റ് ട്വീറ്റ്

പിന്നെ സോഷ്യല്‍ മീഡിയയില്‍ ആദാരാഞ്ജലികളുടെ പ്രവാഹമായിരുന്നു. ആരാധകരും അല്ലാത്തവരും സഹപ്രവര്‍ത്തകരുമെല്ലാം ഞെട്ടിത്തരിച്ച് ട്വിറ്ററിലും ഫേസ്ബുക്കിലുമെത്തി..

സഹപ്രവര്‍ത്തകര്‍

അമിതാഭ് ബച്ചന്‍ മുതല്‍ ഇങ്ങ് കേരളത്തിലുള്ള മോഹന്‍ലാലും മമ്മൂട്ടിയും വരെ.. ഇന്ത്യന്‍ സിനിമാ ലോകത്തെ എല്ലാവരും ശ്രീദേവിയുടെ വേര്‍പാടിലെ വേദന അറിയിച്ചു..

തീരാ നഷ്ടം

ശ്രീദേവിയുടെ മരണം ഇന്ത്യന്‍ സിനിമയ്ക്ക് തീരാത്ത നഷ്ടം തന്നെയാണ്. സൗന്ദര്യം കൊണ്ടും അഭിനയം കൊണ്ടും ശ്രീദേവിയ്ക്ക് പകരം വയ്ക്കാന്‍ ഇനിയൊരു നായിക ഇല്ല.

ചിരിക്കുന്ന മുഖം

ശ്രീദേവിയുടെ ചിരിക്കുന്ന മുഖമാണ് എന്നും പ്രേക്ഷക മനസ്സില്‍. ചുണ്ടില്‍ നേരിയ ചിരിയോടെയാണ് ശ്രീദേവി ഏത് അവസ്ഥയിലും ആലുകളെ അഭിമുഖീകരിച്ചത്...

കഥാപാത്രങ്ങള്‍ അവശേഷിക്കുന്നു

ശ്രീദേവി ലോകം വിട്ട് പോയാലും.. നടി ഇനിയും പ്രേക്ഷകരില്‍ ജീവിയ്ക്കും. ശ്രീദേവിയുടെ സിനിമകള്‍ കണ്ട് ശീലിച്ച സാധാരണക്കാര്‍ക്ക് നടി ഇപ്പോഴും ജീവിച്ചിരിയ്ക്കുന്ന കഥാപാത്രങ്ങളാണ്..

ഫാഷന്‍ ഐക്കണ്‍

54 ആം വയസ്സിലും ശ്രീദേവി ഫാഷന്‍ ഐക്കണാണ്. വസ്ത്രധാരണത്തിലായാലും സ്റ്റൈലിലായാലും ശ്രീദേവി എന്നും ഫാഷന്‍ ട്രെന്റായിരുന്നു..

ഡാന്‍സറാണ്

സിനിമയ്ക്ക് വേണ്ടി പഠിച്ചതാണ് എല്ലാം... സിനിമയാണ് എല്ലാം പഠിപ്പിച്ചത് എന്നും ശ്രീദേവി പറഞ്ഞിരുന്നു. സിനിമയിലൂടെയാണ് ശ്രീദേവി നല്ലൊരു നര്‍ത്തകിയായി മാറിയതും.

സൂപ്പര്‍ലേഡി

ഖാന്‍മാര്‍ നിറഞ്ഞു നില്‍ക്കുന്ന് ബോളിവുഡില്‍ ആദ്യത്തെ സൂപ്പര്‍ ലേഡി പട്ടം നേടിയ നായികയാണ് ശ്രീദേവി. ശ്രീദേവിയുടെ ബോക്‌സോഫീസ് ഹിറ്റുകളും വിരലിലെണ്ണി തീര്‍ക്കാന്‍ കഴിയില്ല.