എനിക്ക് അമ്മയെ നഷ്ടമായി! കണ്ണീരോടെ ശ്രീദേവിയുടെ മകൾ, സജാലിന്റെ പോസ്റ്റ് വൈറൽ

അമ്മയുടെ വിയോഗം

ചിത്രത്തിൽ ശ്രീദേവിയുടെ മകളായി അഭിനയിച്ച് കൊണ്ടിരുന്നപ്പോഴാണ് സജാൽ അലിയുടെ അമ്മ മരണപ്പെട്ടത്. ക്യാൻസർ രോഗത്തെ തുടർന്നായിരുന്നു മരണം. അന്ന് സജാലിന് പിന്തുണയും താങ്ങും തണലുമായി നിന്നത് ശ്രീദേവിയായിരുന്നു.

വീണ്ടും അമ്മയെ നഷ്ടപ്പെട്ടു

ശ്രീദേവിയുടെ വേർപാടിനെ കുറിച്ച് സജാൽ ഇങ്ങനെ കുറിച്ചു. '' വീണ്ടും എനിയ്ക്ക് അമ്മയെ നഷ്ടപ്പെട്ടു '' താരത്തിന്റെ പോസ്റ്റ് വൈറലായിരിക്കുകയാണ്. ചിത്രത്തിന്റെ ചിത്രീകരണത്തിനു ശേഷം ശ്രീദേവിയെ സജാൽ അമ്മ എന്നു തന്നെയാണ് വിളിച്ചിരുന്നത്. ഇവർ രണ്ടും പേരും തമ്മിൽ അത്രയേറെ ആത്മ ബന്ധം ഉണ്ടായിരുന്നു.

അമ്മ തന്നെ

ചിത്രത്തിലെ പോലെ തന്നെയായിരുന്നു സെറ്റിലും. അമ്മ പെരുമാറും പോലെ തന്നെയാണ് ശ്രീദേവി പെരുമാറിയിരുന്നതെന്ന് സജാൽ പറയുന്നു. സിനിമയുടെ ഷൂട്ടിനിടയിൽ താൻ ഒറ്റയ്ക്ക് ഇരിക്കുമ്പോൾ വന്ന് അടുത്ത് ഇരിക്കുകയും വിശേഷങ്ങൾ അന്വേഷിക്കുകയും ചെയ്യുമായിരുന്നു. തന്നോട് സ്വന്തം അമ്മ ചോദിക്കുന്നതും പോലെ ചോദിക്കുമായിരുന്നുവെന്നും താരം അഭിമുഖങ്ങളിൽ വ്യക്തമാക്കി.

ചൂഷണത്തിനിരയായ മകൾ

അമ്മ -മകൾ ബന്ധത്തിന്റെ കഥപറയുന്ന ചിത്രമാണ് ശ്രീദേവിയുടെ മോം. മകളായി പാക് താരമായ സജാൽ അലിയാണ് എത്തിയത്. വിദ്യാർഥിയായിരുന്ന മകൾ പീഡിനത്തിനിരയാകുന്നതും, അതിനെതിരെയുള്ള അമ്മയുടേയും മകളുടേയും പോരാട്ടമാണ് മോം എന്ന ചിത്രത്തിന്റെ പ്രമേയം.

ജാൻവിയും അതേ അവസ്ഥയിൽ

സജാൽ നേരിട്ട അതേ സാഹചര്യത്തിലൂടെയാണ് ജാൻവിയും ഇപ്പോൾ കടന്നു പോകുന്നത്. മോമിന്റെ ചിത്രീകരണത്തിനിടെയാണ് സജാലിനു അമ്മയെ നഷ്ടപ്പെട്ടത്. അതുപോലെ ജാൻവിയുടെ കന്നി ചിത്രത്തിന്റെ ഷൂട്ടിങിനിടെ അമ്മയെ നഷ്ടമാകുന്നത്. സജാലിന് അന്ന് താങ്ങായി ശ്രീദേവി ഒപ്പമുണ്ടായിരുന്നു.