ജീവിതത്തിൽ വൻ വെല്ലുവിളികൾ നേരിട്ടു, വഞ്ചിക്കപ്പെട്ടു, ഇതാണ് ആരും കാണാത്ത ശ്രീദേവി

തുറന്ന കത്ത്

ഫേസ്ബുക്കിലൂടെയാണ് രാം ഗോപാൽ വർമ്മ ശ്രീദേവിയുടെ ആരാധകർക്ക് തുറന്ന കത്തുമായി എത്തിയിരിക്കുന്നത്. ശ്രീദേവിയുടെ മരണത്തിൽ ദൂരൂഹതയുണ്ടെന്നുള്ള വാർത്തകൾ പ്രചരിച്ചതിനു പിന്നാലെയാണ് രാംഗോപാൽ വർമ്മയുടെ രംഗ പ്രവേശനം. ശ്രീദേവി ആരാധകർക്ക് എന്നും പ്രിയപ്പെട്ടതാണ്. അതിൽ തന്നെ സത്യാവസ്ഥ അറിയണമെന്ന് ആമുഖമായി പറഞ്ഞു കൊണ്ടാണ് കത്ത് ആരംഭിക്കുന്നത്

തുടക്കം മുതലെ പ്രശ്നം

ശ്രീദേവി തീർത്തും അസന്തുഷ്ടയായ ഒരു സ്ത്രീയായിരുന്നു. ലോകം അറിഞ്ഞിരുന്നതിലും തീർത്തും വ്യത്യസ്തമായിരുന്നു അവർ. നിരവധി പേർക്ക് ശ്രീദേവിയുടെ ജീവിതം മികച്ചതായിരുന്നു. ഭംഗിയുള്ള മുഖം, മികച്ച കഴിവ്, സുന്ദരിമാരായ രണ്ടു പെൺമക്കളുള്ള സ്ഥിരതയാർന്ന കുടുംബം.‌‌‌ പുറത്തു നിന്ന് നോക്കുന്നവർക്ക് പെർഫക്ട് കുടുംബമായിരുന്നു താരത്തിന്റേത്.

താൻ നേരിട്ടു കണ്ടു

ശ്രീദേവിയുടെ കുടുംബവുമായി ബന്ധപ്പെട്ട പല കാര്യങ്ങളും താൻ നേരിട്ട് കണ്ടിട്ടുണ്ടെന്നു രാം ഗോപാൽ വർമ്മ പറഞ്ഞു. അവരോടൊപ്പം വർക്ക് ചെയ്യാൻ സാധിച്ചതു കൊണ്ട് ശ്രീദേവിയുമായി അടുത്തു ഇടപെടാൻ കഴിഞ്ഞിട്ടുണ്ടെന്നും അദ്ദേഹം കൂട്ടിച്ചേർത്തു.

അച്ഛന്റെ മരണം

അച്ഛന്റെ മരണമാണ് ശ്രീദേവിയുടെ കുടുംബത്തിൽ മാറ്റങ്ങൾ സൃഷ്ടിച്ചത്. ആകാശത്ത് പാറിപറന്നു നടന്നിരുന്ന ഒരു പക്ഷി പെട്ടെന്ന് അമ്മയുടെ തണലിലായപ്പോൾ കൂട്ടിലടയ്ക്കപ്പെട്ട പക്ഷിയെ പോലെയായി. ഇത് തന്റെ കണ്ണുകൾ കൊണ്ട നേരിട്ട് കണ്ടിട്ടുണ്ടെന്നും കൂട്ടിച്ചേർത്തു.

നഷ്ടങ്ങൾ

അക്കാലത്ത് കള്ളപ്പണമായിരുന്നു മിക്ക താരങ്ങൾക്കും പ്രതഫലമായി ലഭിച്ചിരുന്നത്. അതിനെ ഭയന്നും ടാക്സിനെ ഭയന്നു ശ്രീദേവി തനിയ്ക്ക് ലഭിക്കുന്ന പ്രതിഫലം അച്ഛന്റെ ചില സുഹൃത്തുക്കളെ ഏൽപ്പിക്കുകയായിരുന്നു. അച്ഛന്റെ മരണത്തോടെ അവർ കാല് വാരുകയും ചെയ്തു. പിന്നീട് അമ്മയുടെ അശ്രദ്ധമായ നിക്ഷേപവും അവരെ ആകെ കഷ്ടത്തിലാക്കിയിരുന്നു.

ബോണി കപൂറിന്റെ വരവ്

ശ്രീദേവി പ്രശ്നങ്ങളിൽ അകപ്പെട്ട് കിടക്കുമ്പോഴാണ് ബോണി കപൂറുമായി അടുപ്പം തുടങ്ങുന്നത്. അന്ന് ബോണിയ്ക്കും അത്ര സാമ്പത്തിക ഭഭ്രതയില്ലായിരുന്നു. എന്നിട്ടും ശ്രീദേവിയുടെ പ്രശ്നങ്ങൾ അദ്ദേഹം ഏറ്റെടുക്കുകയായിരുന്നു. അങ്ങനെയാണ് ഇരുവരും തമ്മിൽ അടുത്തത്.

ബോണിയുടെ വീട്ടിൽ ശകാരം

പിന്നീട് വൻ പ്രശ്നങ്ങളായിരുന്നു ശ്രീദേവി നോരിടേണ്ടി വന്നത്. കുടുംബം തകർത്തവൾ എന്ന് പറഞ്ഞ് ഒറു ദിവസം ബോണിയുടെ അമ്മ ശ്രീദേവിയുടെ വയറ്റിൽ മർദിച്ചിരുന്നു. ഒരു ഫവ് സ്റ്റാർ ഹോട്ടലിൽ വച്ചായിരുന്നു സംഭവം. ഈ സംഭവം ശ്രീദേവിയെ വല്ലാതെ വിഷമിപ്പിച്ചിരുന്നു.

പ്രായമാകുന്നതിനെ ഭയന്നിരുന്നു

പ്രായമാകുന്നത് ശ്രീദേവിയെ ഭയപ്പെടുത്തിയിരുന്നു. സൗന്ദര്യം നിലനിർത്താനായി വർഷങ്ങളായി അവർ കോസ്റ്റ്മെറ്റിക്സ് സർജറികൾ നടത്തിയിരുന്നു. ക്യാമറയ്കക് മുന്നിൽ മാത്രമല്ല യഥാർഥ ശ്രീദേവിയെ മറയ്ക്കാൻ അവർ മാനസികമായി മേക്ക് അപ്പ് ചെയ്തിരുന്നു. തനിയ്ക്ക് എന്ത് സംഭവിക്കുന്നും എന്ന് മറ്റുള്ളവർ അറിയുമോ എന്നും അവർ ഭയപ്പെട്ടിരുന്നു

വീട്ടുകാർക്ക് വേണ്ടി ജീവിച്ചു

ശ്രീദേവി എന്നും ജീവിച്ചത് വീട്ടുകാർക്ക് വേണ്ടി മാത്രമായിരുന്നു. ആദ്യം മാതാപിതാക്കളുടെ കീഴിൽ അവർക്ക് വേണ്ടി ജീവിച്ചു. പിന്നീട് ബോണിയ്ക്ക് വേണ്ടി നല്ല കുടുംബിനിയായി ജീവിച്ചു . ജീവൻ ശരീരത്തിൽ നിന്ന് പോകുന്നതുവരെ മക്കൾക്കു വേണ്ടി നല്ല അമ്മയുമായ ശ്രീദേവി ജീവിച്ചു.