പേളി മാണിക്കായി മീശ കളഞ്ഞ് ശ്രിനിഷ് അരവിന്ദ്? ഇനി കളി മാറുകയാണെന്ന് പേളിയും! വീഡിയോ വൈറല്‍

ശ്രിനിഷ് അരവിന്ദിന്റെ പുതിയ ലുക്ക്

ഇടയ്ക്കിടയ്ക്ക് മേക്കോവര്‍ നടത്താറുണ്ട് താരങ്ങള്‍. ഇപ്പോഴിതാ മീശ കളഞ്ഞ് പുതിയ ലുക്കുമായെത്തിയിരിക്കുകയാണ് ശ്രിനിഷ് അരവിന്ദ്. ലോക് ഡൗണിലെ സ്റ്റൈലാണോ ഇതെന്നായിരുന്നു എല്ലാവരും താരത്തോട് ചോദിച്ചത്. പേളി മാണിയായിരുന്നു പുതിയ ലുക്ക് പുറത്തുവിട്ടത്. ക്ലീന്‍ ഷേവുമായിരിക്കുന്ന ശ്രിനിഷിന്റെ അരികില്‍ ഇരുന്ന് ആരാണത് എന്നായിരുന്നു പേളി ചോദിച്ചത്. ഈ ചോദ്യവും ഇതിനുള്ള മറുപടിയുമൊക്കെ വൈറലായി മാറിക്കൊണ്ടിരിക്കുകയാണ് ഇപ്പോള്‍.

വീഡിയോ വൈറല്‍

മുഖമുയര്‍ത്തിയ ശ്രിനിഷിനെ കണ്ടതും ആരാധകര്‍ക്ക് അമ്പരപ്പായിരുന്നു. ദിലീപിന്റെ ഹിറ്റ് ഡയലോഗായ ഹനുമാൻ ഓരോരോ രോമങ്ങൾ പിഴുതെറിയവേ' എന്ന സിനിമാരംഗവും ചേര്‍ത്തായിരുന്നു പേളി വീഡിയോ ഒരുക്കിയത്. ഭര്‍ത്താവിന് ഇതിലും മികച്ച സമ്മാനം ഏത് ഭാര്യയാണ് നല്‍കുകയെന്നായിരുന്നു ചിലര്‍ ചോദിച്ചത്. ഇതിനൊരു ക്യാപ്ഷന്‍ തരൂ എനിക്ക് വാക്കുകള്‍ കിട്ടുന്നില്ലെന്നും പേളി കുറിച്ചിരുന്നു. ഇതിന് പിന്നാലെയായാണ് കമന്റുകളുമായി താരങ്ങളും ആരാധകരുമെത്തിയത്.

സാനിയയും ആരാധകരും

വിജയ് സേതുപതി എന്നായിരുന്നു സാനിയ ഇയ്യപ്പന്റെ കമന്റ്. വല്ലാത്ത ഒരു ചായ കാച്ചലായിപ്പോയെന്നായിരുന്നു മറ്റൊരാള്‍ പറഞ്ഞത്. ഒരു മയത്തിലൊക്കെ മതിയായിരുന്നു. ശ്രീനി എന്ന് വിളിച്ചായിരുന്നു ഷിയാസ് കരീമെത്തിയത്. എങ്ങനെ ഇരുന്ന ശ്രീനിയായിരുന്നു ഈ രൂപത്തിലായി മാറിയതെന്നായിരുന്നു മറ്റ് ചിലരുടെ ചോദ്യം. ഇനി സീരിയല്‍ തുടങ്ങിയാല്‍ എന്ത് ചെയ്യുമെന്നായിരുന്നു മറ്റ് ചിലരുടെ ചോദ്യം.

മീശ കളഞ്ഞത് ഇതിന് വേണ്ടിയോ?

ശ്രിനിഷ് അരവിന്ദ് മീശ കളഞ്ഞത് ഇതിന് വേണ്ടിയാണോയെന്നായിരുന്നു മറ്റ് ചിലര്‍ ചോദിച്ചത്. പ്ലാസ്റ്റിക് ഇലാസ്റ്റിക് എപ്പിസോഡില്‍ ശ്രീനിയും എത്തുന്നുണ്ടെന്നുള്ള വിവരങ്ങളും പുറത്തുവന്നിട്ടുണ്ട്. അനുപമ പരമേശ്വരനും പേളിക്കൊപ്പം ഈ പരിപാടിയില്‍ പങ്കെടുത്തിരുന്നു. പുതിയ കഥാപാത്രമായെത്തുകയാണ് ശ്രിനിഷ്. കംബാര്‍കാട്ട് എന്നാണ് കഥാപാത്രത്തിന്റെ പേര്. ഇനി വലിയ കളികളാണെന്നുള്ള കമന്റുമായി പേളി എത്തിയിരുന്നു.