പേളിയുടെ റൊമാന്റിക് ഗാനത്തിന് ചുവട് വെച്ച് ശ്രീനി!! ഹണിമൂൺ ആഘോഷമാക്കി താരങ്ങൾ...

പേളിയുടെ പാട്ടിന് നൃത്തം ചെയ്ത ശ്രീനി

മിനി സ്ക്രീൻ പ്രേക്ഷകരുടെ പ്രിയപ്പെട്ട താരമാണ് ശ്രീനീഷ്. പ്രണയം എന്ന പരമ്പരയിലൂടെ മലയാളി പ്രേക്ഷകരുടെ ഹൃദയം കീഴടക്കാൻ കഴിഞ്ഞു. ആദ്യ സീരിയലിലൂടെ തന്നെ ശ്രീനീഷ് പ്രേക്ഷകരുടെ പ്രിയപ്പെട്ട താരമായി മാറുകയായിരുന്നു. അഭിനയത്തിൽ മാത്രമല്ല ഡാൻസിലും താൻ സൂപ്പറാണെന്ന് താരം തെളിയിച്ചിട്ടുണ്ട്. ഇപ്പോൾ സോഷ്യൽ മീഡിയയിൽ സ്രീനിയുടെ ഡാൻസ് വൈറലാവുകയാണ്. പേളി തന്നെയാണ് വീഡിയോ പങ്കുവെച്ചിരിക്കുന്നത്.

പേളിയുടെ പാട്ട്

ഒമർ ലുലു ചിത്രമായ അഡാർ ലവിലെ പേളി തന്നെ എഴുതിയ തമിഴ് ഗാനത്തിനാണ് ശ്രീനി നൃത്തം ചെയ്തത്. ഏറെ പ്രേക്ഷക ശ്രദ്ധ ലഭിച്ച ഗാനമായിരുന്നു ഇത്. തിരിഞ്ഞു നിന്ന് നൃത്തം ചെയ്യുന്ന ശ്രീനിയെ പേളി വിളിക്കുന്നതും വീഡിയോയിൽ കാണാൻ സാധിക്കുന്നുണ്ട്.. കൂടാതെ സുൃത്തുക്കളോടൊപ്പമുളള ചിത്രങ്ങളും വീഡിയോയും പേളി പങ്കുവെച്ചിട്ടുണ്ട്.

വ്യത്യസ്തയായി പേളി

നഗരത്തിൽ ജനിച്ചു വളർന്ന പേളി വിവാഹ ശേഷം ഒരു നാടൻ പെണ്ണായി മാറിയിരിക്കുകയാണ്. പറമ്പിൽ ഓടി നടക്കുന്നതിന്റേയും നാട്ടിൻ പുറത്തെ പ്രകൃതി ഭംഗി ആസ്വദിക്കുന്നതിന്റേയും ചിത്രങ്ങളും വീഡിയോയും സമൂഹ മാധ്യമങ്ങളിൽ വൈറലായിരുന്നു. ശരിയ്ക്കും പാലക്കാട് കാരിയായിരിക്കുകയാണ് താരം. പേളിയുടെ വീഡിയോയേ പ്രശംസിക്കുന്നതിനൊപ്പം വിമർശനങ്ങളും തേടിയെത്തിരുന്നു. എന്നാൽ അതൊന്നും തന്നെ ബാധിക്കുന്ന കാര്യമേ എന്ന മട്ടിൽ വിവാഹ ജീവിതം അടിച്ചു പൊളിക്കുകയാണ് താരം.

പാലക്കാടൻ ഭംഗി

വിവാഹ ശേഷം പേളിയുടെ ഇൻസ്റ്റഗ്രം സ്റ്റോറിയിൽ ഭൂരിഭാഗവും പാലക്കാട്ടത്തെ ശ്രീനിയുടെ തറവാട് വീടും പാലക്കാട്ടത്തെ മ നോഹരമായ ചിത്രങ്ങളും വീഡിയോയുമായിരുന്നു. ശ്രീനീഷിന്റെ സഹോദരിമാരോടൊപ്പവും മറ്റ് ബന്ധുക്കളോടൊപ്പം ചുറ്റാൻ പോകുന്ന ചിത്രങ്ങളും വീഡിയോയും താരം സ്റ്റോറിയിൽ പങ്കുവെച്ചിരുന്നു. ആരോടും വേഗം ഇണങ്ങി ചേരുന്ന വ്യക്തിയാണ് പേളി. ഒരു കൂട്ട്കുടുംബ പശ്ചാത്തലത്തലാണ് പേളി വളർന്നത്.