പേളിയോട് അതിന് മുന്‍പേ പ്രണയം പറഞ്ഞു! ദേഷ്യപ്പെടുന്നത് ഇത് കാണുമ്പോഴെന്നും ശ്രിനിഷ്!

Recommended Video

Pearly Maaney's new venture | FilmiBeat Malayalam

പ്രണയം നേരത്തെ പറഞ്ഞിരുന്നു

പേളി മാണിയോട് നേരത്തെ തന്നെ പ്രണയം പറഞ്ഞിരുന്നുവെന്ന് ശ്രിനിഷ് പറയുന്നു. ഈ സംഭവത്തെക്കുറിച്ച് താന്‍ ഇതുവരെ എവിടേയും പറഞ്ഞിട്ടില്ലെന്നും ശ്രിനി പറയുന്നു. പ്രണയം പറഞ്ഞ് പേളി അത് സ്വീകരിച്ചതിന് ശേഷം പിണങ്ങിയിരുന്നു. പ്രിയപ്പെട്ടവരെക്കുറിച്ച് പറയുന്നതിനിടയില്‍ തന്റെ പേര് പേളി പറഞ്ഞിരുന്നില്ല. ഇവള്‍ക്ക് തന്നെ ഒരു കാര്യവുമില്ലേയെന്നായിരുന്നു ചിന്തിച്ചത്. അത് പറഞ്ഞ് പിണങ്ങിയിരുന്നു. അതിന് ശേഷം തന്നെ സമാധാനിപ്പിക്കാനായി വരികയായിരുന്നു പേളി. അതിനിടയിലായിരുന്നു പ്രണയത്തെക്കുറിച്ചും ജീവിതത്തെക്കുറിച്ചും തുറന്നുപറഞ്ഞത്. പറഞ്ഞുകഴിഞ്ഞതിന് ശേഷമായിരുന്നു ആ മൂലയിലെ ക്യാമറ കണ്ടത്. ലാലേട്ടാ ഇത് കാണിക്കല്ലേയെന്നുള്ള റിക്വസ്റ്റൊക്കെ പറഞ്ഞിരുന്നു. പക്ഷേ രക്ഷയുണ്ടായിരുന്നില്ലെന്നും ശ്രിനിഷ് പറയുന്നു.

ബിഗ് ബോസില്‍ നിന്നും ഇറങ്ങിയപ്പോള്‍

ബിഗ് ബോസില്‍ നിന്നും പുറത്തിറങ്ങിയ സമയത്ത് പേളിയുടെ ഡാഡിയെ കണ്ടിരുന്നു. അന്ന് അവര്‍ ഇരുവരും മുംബൈയിലേക്ക് പോവുകയായിരുന്നു. ബോളിവുഡ് സിനിമയുമായി ബന്ധപ്പെട്ട കാര്യത്തിന്. അന്ന് അധികമൊന്നും സംസാരിച്ചിരുന്നില്ല. പിന്നീട് പേളിഷ് ആര്‍മിയുടെ കൂട്ടായ്മയുടെ മീറ്റിംഗില്‍ പങ്കെടുക്കാനായി കൊച്ചിയില്‍ എത്തിയപ്പോള്‍ പേളിയുടെ വീട്ടില്‍ പോയിരുന്നു. എല്ലാവരും നല്ല സ്‌നേഹത്തോടെയാണ് അന്ന് സംസാരിച്ചത്. അധികം വൈകിക്കണ്ടെന്നായിരുന്നു പേളിയുടെ അമ്മ പറഞ്ഞത്. വേഗം പോയി സംസാരിക്കൂയെന്നായിരുന്നു തന്റെ വീട്ടുകാര്‍ പറഞ്ഞതെന്നും ശ്രിനിഷ് പറയുന്നു.

തിരക്കിട്ട ജീവിതം

ജോലിയുടെ ഭാഗമായുള്ള തിരക്കുകള്‍ തങ്ങള്‍ ഇരുവരും ശരിക്കും ആഘോഷിക്കുന്നുണ്ടെന്നും ശ്രിനിഷ് പറയുന്നു. ഇടയ്ക്കിടയ്ക്കായി കാണുമ്പോഴുള്ള ത്രില്ല് ഒന്ന് വേറെ തന്നെയാണ്. എപ്പോഴും കൂടെയിരിക്കുമ്പോള്‍ ആ ത്രില്ല് ഇല്ല. വല്ലപ്പോഴും കാണുമ്പോള്‍ അത് നല്ല എന്‍ജോയ്മന്റാമ്. ഓര്‍ക്കാനും സുഖമാണ്. മാത്രമല്ല രണ്ടാള്‍ക്കും പ്രൊഫഷനിലും ശ്രദ്ധ കേന്ദ്രീകരിക്കാന്‍ കഴിയുമല്ലോയെന്നും ശ്രിനിഷ് പറയുന്നു.

ദേഷ്യപ്പെടുന്നത്

പേളിയുടെ കുട്ടിക്കളി തനിക്കേറെ ഇഷ്ടമാണെന്നും ശ്രിനിഷ് പറയുന്നു. താന്‍ ശാന്ത സ്വഭാവക്കാരനാണ്. പേളിയോട് ദേഷ്യപ്പെടാറുള്ളത് ഒരേയൊരു കാര്യം പറഞ്ഞാണ്. എണ്ണയുള്ള ഭക്ഷണ പലഹാരങ്ങള്‍ കഴിച്ചാല്‍ മുഖത്ത് കുരുവരും. ഇടയ്ക്ക് അതോര്‍ക്കാതെ അവള്‍ കഴിക്കാറുണ്ട്. അപ്പോള്‍ താന്‍ ദേഷ്യപ്പെടാറുണ്ടെന്ന് ശ്രീനി പറയുന്നു. അന്ന് ചെരിപ്പിനൊപ്പമായാണ് കുപ്പിവളയും പൊട്ടുമൊക്കെ നല്‍കിയത്. കുപ്പിവള കണ്ടതോടെയാണ് പേളി ഗര്‍ഭിണിയാണെന്ന വാര്‍ത്തയും പ്രചരിച്ചത്. കുറേ പേര്‍ കണ്‍ഗ്രാറ്റ്സ് അയച്ചിരുന്നു. അതിന് ശേഷമാണ് താന്‍ പോസ്റ്റിട്ടതെന്നും ശ്രിനിഷ് പറയുന്നു.