'നിന്റേയും ബഷീറിന്റേയും കുട്ടിയല്ലേ... കൂടിയ ഐറ്റമായിരിക്കും'; മഷൂറയുടെ കുഞ്ഞിനെ കുറിച്ച് സുഹാന പറഞ്ഞത്!

സുഹാനയുടെ പൂർണ്ണ സമ്മതത്തോടെ തന്നെയാണ് വിവാഹം കഴിച്ചതെന്ന് ബഷീർ പലപ്പോഴും പറഞ്ഞിട്ടുണ്ട്. ഇപ്പോഴിത വളരെ നാളത്തെ കാത്തിരിപ്പിന് ശേഷം മഷൂറയ്ക്ക് കുഞ്ഞ് പിറക്കാൻ പോവുകയാണ്. അതിന്റെ സന്തോഷത്തിലാണ് ബഷീറും കുടുംബവും.

അടുത്തിടെ ഏഴാം മാസത്തിലെ മഷൂറയുടെ സീമന്തം ചടങ്ങ് മാം​ഗ്ലൂരിൽ നടത്തിയിരുന്നു. അതിന്റെ വീഡിയോ മഷൂറ സോഷ്യൽമീഡിയയിൽ പങ്കുവെച്ചപ്പോൾ പത്ത് ലക്ഷത്തോളം ആളുകളാണ് ആ വീഡിയോ കണ്ടത്.

കഴിഞ്ഞ ദിവസം നിറവയറിലുള്ള മഷൂറയെ കാണാൻ‌ മറ്റൊരു ഫാമിലി വ്ലോ​ഗറായ കുഞ്ഞൻ‌ പാണ്ടിക്കാടും കുടുംബവും വന്നിരുന്നു. പ്രാങ്ക് വീഡിയോകളിലൂടെ അടക്കം ശ്രദ്ധേയനായ ഫാമിലി വ്ലോ​ഗറാണ് കുഞ്ഞൻ പാണ്ടിക്കാട്.

മാം​ഗ്ലൂരിൽ സീമന്തത്തിൽ പങ്കെടുക്കാൻ വരണമെന്ന് ആ​ഗ്രഹിച്ചിരുന്നുവെന്നും എന്നാൽ പലവിധ കാരണങ്ങളാൽ അത് നടക്കാതെ പോയതുകൊണ്ടാണ് കൊച്ചി വരെ ​ഗർഭിണിയെ കാണാൻ വന്നതെന്നും കുഞ്ഞൻ പാണ്ടിക്കാട് വീഡിയോയിൽ പറയുന്നുണ്ട്.

തന്റെ പ്രസവം കൊച്ചിയിൽ തന്നെ ആയിരിക്കുമെന്നും അത് ആരും നിർബന്ധിച്ചിട്ടല്ല കൊച്ചിയിൽ തന്നെ മതിയെന്നത് തന്റെ തീരുമാനമാണെന്നും മഷൂറ പറഞ്ഞു.

ബഷീറിനും മക്കൾക്കും സു​ഹാനയ്ക്കുമൊപ്പം കൊച്ചിയിൽ നിന്ന് പ്രസവിക്കുന്നതാണ് തന്റെ സന്തോഷമെന്നും അതുകൊണ്ടാണ് ബഷീർ തന്റെ ഇഷ്‍ടം നടപ്പാക്കാൻ തീരുമാനിച്ചതെന്നും മഷൂറ വീഡിയോയിൽ വ്യക്തമാക്കി.

കുഞ്ഞൻ പാണ്ടിക്കാടിനും കുടുംബത്തിനുമായി ഭക്ഷണം തയ്യാറാക്കുന്നതിനിടെ സുഹാന പറഞ്ഞൊരു കാര്യമാണ് ഇപ്പോൾ വൈറലാകുന്നത്.

ഇരുവരും വരാനിരിക്കുന്ന കുഞ്ഞിനെ കുറിച്ച് സംസാരിക്കവെയാണ് സുഹാന രസകരമായ കമന്റ് പറഞ്ഞ്. 'രണ്ട് കുരുട്ടുകളുടെ കുഞ്ഞാണ് വരാൻ പോകുന്നത്. അതായത് ബഷീറിന്റേയും മഷൂറയുടേയും കുഞ്ഞ്. കഴിഞ്ഞ ദിവസം ഞാൻ സുനുവിനേയും സൈ​ഗുവിനേയും കൊണ്ട് തോറ്റുവെന്ന് പറഞ്ഞപ്പോൾ അടുത്ത് ഒരെണ്ണം കൂടി വരുന്നുണ്ടെന്ന് മഷൂ പറഞ്ഞിരുന്നു.'

'അത് പാവമായിരിക്കുമെന്നും ഒപ്പം തന്നെ മഷൂ പറഞ്ഞിരുന്നു. അപ്പോൾ തന്നെ ഞാൻ പറഞ്ഞു പാവമൊന്നും ആയിരിക്കില്ലെന്ന്. നിന്റേയും ബഷീറിന്റേയും കുട്ടിയല്ല... കൂടിയ ഐറ്റമായിരിക്കും...' എന്നും സുഹാന പറഞ്ഞു.

കഴിഞ്ഞ ദിവസം മൂത്ത മകൾ‌ സുനൈനയെ കുറിച്ച് ബഷീർ പറഞ്ഞ ചില കാര്യങ്ങൾ വൈറലാവുകയും ചൈൽഡ് ലൈൻ വരെ കാര്യം അന്വേഷിക്കാൻ വിളിക്കുകയും ചെയ്തിരുന്നു. സുനുവിന് ക്രിസ്മസ് പരീക്ഷ നടത്തിയതിന്റെ പേപ്പറുകള്‍ കിട്ടി. സുനുവിനേയും കൂട്ടി വരുമ്പോള്‍ തന്നെ സോനു നല്ല ദേഷ്യത്തിലായിരുന്നു.

കൂട്ടി വന്നതും മകളെ സോനു പൊതിരെ തല്ലി എന്നാണ് ബഷീറിന്റെ ചർച്ചയായ വീഡിയോയിലെ കണ്ടന്റ്. കഴിഞ്ഞ പ്രാവശ്യത്തിലും അധികം മാര്‍ക്ക് കുറഞ്ഞിട്ടുണ്ട്. സോനു മകളെ ഇട്ട് അടിക്കുമ്പോള്‍ പിടിച്ച് മാറ്റാന്‍ ഞാനോ മഷുറയോ പോയില്ല. ആ തല്ല് ആവശ്യമായിരുന്നു എന്ന് തോന്നി എന്നും ബഷീർ പറഞ്ഞിരുന്നു.