ചിത്രയുടെ പാട്ട് സൂപ്പറാണെന്ന് ഭർത്താവ് പറഞ്ഞപ്പോൾ; എത്രയോ ​ഗാനങ്ങൾ ഞാൻ വിട്ടു കൊടുത്തിട്ടുണ്ട്; സുജാത

രണ്ട് പേരും ഒപ്പത്തിനൊപ്പം നിന്ന് ഹിറ്റുകൾ സമ്മാനിച്ച ഒരു കാലവും ഉണ്ടായിരുന്നു. ചിത്രയെ സ്വീകരിക്കുന്നവർ സുജാതയെ പുരസ്കാരങ്ങളിൽ നിന്ന് പോലും തഴയുന്നെന്ന് ഒരു ഘട്ടത്തിൽ ആരോപണം ഉണ്ടായിരുന്നു.

എന്നാൽ ഇത്തരം അഭ്യൂഹങ്ങൾക്ക് അപ്പുറം ചിത്രയും സുജാതയും നല്ല സുഹൃത്തുക്കൾ ആണ്. സുജാതയുടെ മകൾ ശ്വേത മോഹൻ ചിത്രയുടെ കടുത്ത ആരാധികയുമാണ്.

ഇപ്പോഴിതാ ചിത്രയെക്കുറിച്ച് സുജാത പറഞ്ഞ വാക്കുകളാണ് ശ്രദ്ധ നേടുന്നത്. വികടൻ ചാനലിന് നൽകിയ അഭിമുഖത്തിൽ സംസാരിക്കുകയായിരുന്നു സുജാത. തന്റെ ഭർ‌ത്താവിന് ചിത്രയുടെ പാട്ട് വളരെ ഇഷ്ടമാണെന്ന് സുജാത പറയുന്നു.

'ഞാൻ പാടിയ കാലഘട്ടം തന്നെയാണ് എനിക്ക് ഇഷ്ടം. അതിന് മുന്നേ ജാനകി അമ്മ, സുശീലാമ്മ തുടങ്ങിയവരെല്ലാം വേറെ ലെവൽ ആണ്. ഞങ്ങൾ‌ വന്ന ടൈം കറക്ട് ആയിരുന്നു. ഈ സമയത്താണ് ​ഗാന രം​ഗത്തേക്ക് വരുന്നതെങ്കിൽ കുറച്ച് കഷ്ടമാണ്. വ്യത്യസ്തമായ പാട്ടുകൾ പാടണം, ശബ്ദം മാറ്റി പാടണം അതെല്ലാം കുറച്ച് ബുദ്ധിമുട്ടാണ്'

'ഇദ്ദേഹം ഒരിക്കൽ ഔസേപ്പച്ചനോട് പോയി പറഞ്ഞിട്ടുണ്ട് ചിത്രയുടെ ആ പാട്ട് കേട്ടിട്ടുണ്ടോ സൂപ്പറാണെന്ന്. ഔസേപ്പച്ചൻ‌ എന്നെ വിളിച്ച് ഇങ്ങനെ ഒരു ഭർത്താവിനെ കണ്ടിട്ടുണ്ടോ വേറെ സിം​ഗറുടെ പാട്ട് സൂപ്പർ ആണെന്ന് പറയുന്ന ഭർത്താവ് വേറെ ഉണ്ടാവില്ലെന്ന് പറഞ്ഞു'

'അദ്ദേഹം അങ്ങനെ ആണ്. ഭർത്താവ് ജീവിതത്തിലേക്ക് വന്നപ്പോഴാണ് എന്റെ ഹൃദയം തുറന്നത്. എല്ലാ പാട്ടുകാരെയും അദ്ദേഹത്തിന് ഇഷ്ടമാണ്. എന്റെ ഭാര്യക്ക് ഓപ്പോസിറ്റായി പാടുന്നവരാണ് എന്ന ചിന്ത ഒന്നുമില്ല. എല്ലാ മ്യുസീഷനെയും അദ്ദേഹത്തിന് ഇഷ്ടമാണ്. ശ്വേതയും അങ്ങനെ ആണ്'

'ഞാൻ പാടുമ്പോൾ എനിക്ക് ട്രാക്ക് പാടിയ നിരവധി പാട്ടുകാരുണ്ടായിരുന്നു. അവരുടെ പാട്ട് ഞാൻ സ്റ്റുഡിയോയിൽ പോയി കേൾക്കുമ്പോൾ ഞാൻ പാടുന്നതിനേക്കാൾ ഫ്രഷ് ആണ് ഈ ശബ്ദം എന്ന് തോന്നി നിറയെ പാട്ടുകൾ വിട്ട് വന്നിട്ടുണ്ട്. എനിക്ക് പുതിയ ശബദ്ങ്ങൾ ഇഷ്ടമാണ്. പക്ഷെ നന്നായി പാടണം. അല്ലെങ്കിൽ ഞാൻ അപ്സെറ്റ് ആവും'

'കോംപറ്റീഷൻ ഇല്ല. എല്ലാവർക്കും അവരുടേതായ സ്പേസ് ഉണ്ട്. സീനിന് അനുയോജ്യമായ വോയിസ് ടോൺ ആണോയെന്ന് നോക്കിയാണ് നമ്മളെ വിളിക്കുക. ഡിപ്ലോമാറ്റിക് ആയി പറയുന്നതല്ല. മുമ്പ് പാട്ട് മാത്രം ആയിരുന്നു. ഇന്ന് പാട്ട് പ്രാക്ടീസ് ചെയ്യണം. ശ്വേതയുടെ കുട്ടിയെ നോക്കണം. അതിന് മുഴുവൻ സമയവും ശ്രദ്ധ ആവശ്യം ആണ്. അത് അമ്മൂമ്മക്കുട്ടിയാണ്. ശ്വേതയ്ക്ക് ഷോപ്പിം​ഗ് ഉണ്ടെങ്കിൽ അത് ചെയ്യണം,' സുജാത പറഞ്ഞു.