ദുല്‍ഖറിന് സര്‍പ്രൈസൊരുക്കിയത് സുപ്രിയ മേനോന്‍! ബര്‍ഗര്‍ കേക്കുമായി വീട്ടിലേക്ക് നേരിട്ടെത്തി!

പൃഥ്വിരാജും ദുല്‍ഖറും

പിറന്നാളുകാരനായ ദുല്‍ഖറിന് സര്‍പ്രൈസുമായി നിരവധി താരങ്ങളാണ് എത്തിയത്. ആശംസാ പോസ്റ്റുകള്‍ക്ക് നന്ദി അറിയിച്ച് താരം നേരിട്ടെത്തിയിരുന്നു. ലോക് ഡൗണ്‍ കാലമായതിനാല്‍ ആരാധകരും ആഘോഷം ലളിതമാക്കുകയായിരുന്നു. സോഷ്യല്‍ മീഡിയയിലും ഫാന്‍സ് ഗ്രൂപ്പുകളിലുമെല്ലാം നിറഞ്ഞുനിന്നത് ദുല്‍ഖറായിരുന്നു. മമ്മൂട്ടിയുമായി മാത്രമല്ല അദ്ദേഹത്തിന്റെ മകനുമായും താരങ്ങള്‍ക്കെല്ലാം അടുത്ത സൗഹൃദമുണ്ട്.

ബര്‍ഗര്‍ രൂപത്തിലെ കേക്ക്

കുട്ടിക്കാലം മുതലേ തന്നെ പൃഥ്വിരാജിനും ഇന്ദ്രജിത്തിനും ദുല്‍ഖറുമായി സൗഹൃദമുണ്ടായിരുന്നു. ദുല്‍ഖറിന് അപ്രതീക്ഷിത സമ്മാനവുമായി എത്തി ഞെട്ടിക്കുകയായിരുന്നു പൃഥ്വിരാജ്. അവസാനനിമിഷം ബര്‍ഗര്‍ മോഡലിലുള്ള കേക്ക് ഒരുക്കിത്തന്നവര്‍ക്ക് നന്ദി അറിയിച്ച് എത്തിയിരിക്കുകയാണ് സുപ്രിയ മേനോന്‍. ഇന്‍സ്റ്റഗ്രാം സ്റ്റാറ്റസിലൂടെയായിരുന്നു താരപത്‌നി ഇതേക്കുറിച്ച് പറഞ്ഞത്. ഇതിനകം തന്നെ സുപ്രിയ മേനോന്റെ പോസ്റ്റ് വൈറലായി മാറിക്കഴിഞ്ഞിട്ടുണുണ്ട്.

ബര്‍ഗറിനോടുള്ള ഇഷ്ടം

സോഷ്യല്‍ മീഡിയയിലൂടെ വിശേഷങ്ങള്‍ പങ്കുവെച്ച് സുപ്രിയ എത്താറുണ്ട്. നിമിഷനേരം കൊണ്ടാണ് പല പോസ്റ്റുകളും വൈറലായി മാറാറുള്ളത്. ദുല്‍ഖറിനും അമാലിനുമൊപ്പമുള്ള ചിത്രങ്ങളും വൈറലായി മാറിയിരുന്നു. ബര്‍ഗര്‍ കഴിക്കാനും കഴിപ്പിക്കാനും പ്രത്യേക വൈഭവമാണ് ദുല്‍ഖറിന്. ലോക് ഡൗണ്‍ സമയത്ത് ബര്‍ഗര്‍ പരീക്ഷണങ്ങളുമായി ദുല്‍ഖര്‍ എത്തിയിരുന്നു. താരങ്ങളും ദുല്‍ഖറിന്റെ പരീക്ഷണത്തിന് കൈയ്യടിയുമായി എത്തിയിരുന്നു.

മികച്ച ഷെഫ്

ടൗണിലെ മികച്ച ബര്‍ഗര്‍ ഷെഫിന് പിറന്നാളാശംസയെന്ന് പറഞ്ഞായിരുന്നു പൃഥ്വിരാജ് എത്തിയത്. ബര്‍ഗര്‍ പ്രേമിയായ ദുല്‍ഖറിന് പിറന്നാള്‍ കേക്ക് നല്‍കുമ്പോഴും അതേ രൂപത്തിലുള്ള കേക്ക് നല്‍കാനായി തീരുമാനിക്കുകയായിരുന്നു പൃഥ്വിരാജും സുപ്രിയയും. വീട്ടില്‍ നേരിട്ടെത്തിയാണ് ഇരുവരും കേക്ക് സമ്മാനിച്ചത്. കേക്ക് മുറിച്ച് അന്യോന്യം നല്‍കുന്ന പൃഥ്വിരാജിന്‍റേയും ദുല്‍ഖറിന്‍റെയും ഫോട്ടോയായുരുന്നു സോഷ്യല്‍ മീഡിയയിലൂടെ തരംഗമായി മാറിയത്.