ഇനി അഹങ്കാരിയെന്ന് വിളിച്ചിട്ട് കാര്യമില്ല! പൃഥ്വിരാജിനെക്കുറിച്ച് സുപ്രിയ

അടുത്തിടെ നടന്നൊരു അഭിമുഖത്തില്‍ പൃഥ്വിയെക്കുറിച്ച് ഭാര്യ സുപ്രിയ പറഞ്ഞ കാര്യങ്ങള്‍ ശ്രദ്ധേയമായി മാറിയിരുന്നു. മനോരമയ്ക്ക് നല്‍കിയ അഭിമുഖത്തിലായിരുന്നു ഭര്‍ത്താവിനെക്കുറിച്ച് താരപത്നി മനസുതുറന്നത്. തുറന്നടിച്ച് കാര്യങ്ങള്‍ പറയുന്നതില്‍ പൃഥ്വിക്ക് മാറ്റങ്ങള്‍ വന്നിട്ടില്ലെന്നാണ് സുപ്രിയ പറയുന്നത്. ആള്‍ക്കാരുടെ കാഴ്ചപ്പാടിലാകാം മാറ്റം വന്നതെന്നും സുപ്രിയ പറയുന്നു.

അവന് ഇത്രയും പ്രായമായി. ഇനിയും അഹങ്കാരിയെന്ന് വിളിച്ചിട്ട് കാര്യമില്ല, ബഹുമാനം നല്‍കാനാണെന്ന് ചിന്തിക്കുന്നുണ്ടാകുമെന്നും സുപ്രിയ പറയുന്നു. വീട്ടിലായാലും തുറന്നു സംസാരിക്കുന്നതാണ് പൃഥ്വിയുടെ ശീലം. അന്നും ഇന്നും മുഖത്തടിച്ചതു പോലെ പറയുന്നതാണ് അദ്ദേഹത്തിന്റെ സ്വഭാവമെന്നും സുപ്രിയ പറഞ്ഞു താന്‍ പൃഥ്വിയില്‍ എറ്റവും ഇഷ്ടപ്പെടുന്ന കാര്യമിതാണെന്നും അഭിമുഖത്തില്‍ സുപ്രിയ പറഞ്ഞു.

ക്യാമറ ഓഫ് ചെയ്തു കഴിഞ്ഞാല്‍ പിന്നെ അഭിനയിക്കേണ്ട കാര്യമില്ലല്ലോയെന്നാണ് സുപ്രിയ ചോദിക്കുന്നത്. സിനിമാത്തിരക്കുകള്‍ക്കിടെയിലും കുടുംബത്തിന്റെ വിശേഷങ്ങളും പങ്കുവെക്കാറുളള താരമാണ് പൃഥ്വി. നടനൊപ്പം ഭാര്യ സുപ്രിയയും സോഷ്യല്‍ മീഡിയയിലെ താരമാണ്. രണ്ട് പേരും പങ്കുവെക്കാറുളള ചിത്രങ്ങളും പോസ്റ്റുകളും ആരാധകര്‍ ഏറ്റെടുക്കാറുണ്ട്.

അടുത്തിടെയാണ് പൃഥ്വിയും സുപ്രിയയും പൃഥ്വിരാജ് പ്രൊഡക്ഷന്‍സ് എന്ന ബാനറില്‍ സിനിമാ നിര്‍മ്മാണം ആരംഭിച്ചത് നയന്‍ എന്ന ചിത്രമാണ് ഈ ബാനറില്‍ ആദ്യം പുറത്തിറങ്ങിയത്. ത്രില്ലര്‍ ചിത്രം സമ്മിശ്ര പ്രതികരണമാണ് നേടിയതെങ്കിലും പിന്നാലെ വന്ന ഡ്രൈവിംഗ് ലൈസന്‍സ് തിയ്യേറ്ററുകളില്‍ നിന്നും വലിയ വിജയം നേടി. കുടുംബത്തിനൊപ്പം മൂന്ന് മാസം ചിലവഴിച്ച ശേഷമാണ് ആടുജീവിതം ഷൂട്ടിംഗിനായി അടുത്തിടെ പൃഥ്വി ജോര്‍ദാനിലേക്ക് പോയത്.