സുപ്രിയയ്ക്കും പൃഥ്വിക്കുമൊപ്പം മല്ലിക, അമ്മായിഅമ്മയുടെ സാരി അടിച്ചുമാറ്റിക്കൂടേയെന്ന്ചോദ്യം, മറുപടി ഇങ്ങനെ

പൃഥ്വിയുടെ കുരുതി

കോള്‍ഡ് കേസിന് ശേഷം പുതിയ സിനിമയിലേക്ക് ജോയിന്‍ ചെയ്തിരിക്കുകയാണ് പൃഥ്വിരാജ്. പൃഥ്വിരാജ് പ്രൊഡക്ഷന്‍സ് നിര്‍മ്മിക്കുന്ന കുരുതിയുടെ പൂജ ചടങ്ങിന്റെ ചിത്രങ്ങളും വിശേഷങ്ങളുമൊക്കെ വൈറലായിക്കൊണ്ടിരിക്കുകയാണ് ഇപ്പോള്‍. മാമുക്കോയ, മല്ലിക സുകുമാരന്‍, സുപ്രിയ മേനോന്‍, പൃഥ്വിരാജ്, റോഷന്‍ മാത്യു തുടങ്ങി നിരവധി പേരായിരുന്നു ചടങ്ങില്‍ പങ്കെടുത്തത്. പൃഥ്വിരാജ് പ്രൊഡക്ഷന്‍സ് നിര്‍മ്മിക്കുന്ന മൂന്നാമത്തെ ചിത്രമാണ് കുരുതി. അടുത്തിടെയായിരുന്നു ഈ ചിത്രത്തെക്കുറിച്ചുള്ള പ്രഖ്യാപനം പുറത്തുവന്നത്.

ത്രില്ലര്‍ ചിത്രം

കൊല്ലും എന്ന വാക്ക്, കാക്കും എന്ന പ്രതിജ്ഞ എന്ന ടാഗ് ലൈനുമായാണ് കുരുതി എത്തുന്നത്. നവാഗതനായ മനു വാര്യരാണ് ചിത്രമൊരുക്കുന്നത്. ത്രില്ലറായാണ് ചിത്രം എത്തുന്നതെന്നുള്ള വിവരങ്ങളും പുറത്തുവന്നിട്ടുണ്ട്. കോഫി ബ്ലൂം എന്ന ബോളിവുഡ് ചിത്രമൊരുക്കിയ മനുവാര്യരുടെ ആദ്യ മലയാള ചിത്രമാണ് കുരുതി. റോഷന്‍ മാത്യു, മണികണ്ഠന്‍ ആചാരി, മുരളി ഗോപി, ഷൈന്‍ ടോം ചാക്കോ, മാമുക്കോയ, സാഗര്‍ സൂര്യ, നവാസ് വള്ളിക്കുന്ന് തുടങ്ങി നിരവി പേരാണ് ചിത്രത്തിനായി അണിനിരക്കുന്നത്.

കുടുംബസമേതം

പൃഥ്വിരാജും സുപ്രിയയും മാത്രമല്ല മല്ലിക സുകുമാരനും പൂജ ചടങ്ങില്‍ പങ്കെടുക്കാനായി എത്തിയിരുന്നു. മകന്റെ പുതിയ ചിത്രത്തിന്റെ പൂജ ചടങ്ങില്‍ നിലവിളക്ക് കൊളുത്തുന്ന മല്ലികയുടെ ചിത്രങ്ങളും സമൂഹ മാധ്യമങ്ങളിലൂടെ പ്രചരിക്കുന്നുണ്ട്. സുപ്രിയ മേനോനും പൃഥ്വിരാജും ഈ ചിത്രങ്ങള്‍ പങ്കുവെച്ചിരുന്നു. താരങ്ങളും ആരാധകരുമുള്‍പ്പടെ നിരവധി പേരാണ് ആശംസകള്‍ അറിയിച്ചെത്തിയിട്ടുള്ളത്. അമ്മയ്‌ക്കൊപ്പം മകനേയും മരുമകളേയും കണ്ടതിന്റെ സന്തോഷവും ചിലര്‍ പങ്കുവെച്ചിട്ടുണ്ട്.

Recommended Video

Prithviraj hints that a sequel for Ranam is in the offing

സാരിയെക്കുറിച്ച്

കുരുതി പൂജ ചടങ്ങിന്റെ ചിത്രങ്ങളുമായി സുപ്രിയ മേനോനും എത്തിയിരുന്നു. അമ്മായിഅമ്മയുടെ സാരികള്‍ അടിച്ചുമാറ്റാന്‍ പറ്റാവുന്നതാണെന്നായിരുന്നു ഒരാള്‍ ചിത്രങ്ങള്‍ക്ക് താഴെ കമന്റിട്ടത്. അതറിയാമെന്നുള്ള മറുപടിയായിരുന്നു സുപ്രിയ മേനോന്‍ നല്‍കിയത്. അമ്മയേയും സുപ്രിയ മേനോനേയും ചേര്‍ത്തുപിടിച്ചുള്ള പൃഥ്വിരാജിന്റെ ചിത്രങ്ങളും ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.