സുപ്രിയയും പൃഥ്വിരാജും അതീവ സന്തോഷത്തില്‍! കാത്തിരിപ്പിനൊടുവില്‍ രാജന് സ്വപ്‌നസാഫല്യം!

സിനിമയുമായി ബന്ധപ്പെട്ട പരിപാടികളിലെല്ലാം സുപ്രിയ മേനോനും സജീവമാണ്. ലൂസിഫറിന് പിന്നാലെയുള്ള തിരക്കുകളുമായി പൃഥ്വി വീട്ടിലേക്ക് വരാതിരുന്നപ്പോള്‍ അങ്ങോട്ടേക്ക് അന്വേഷിച്ച് പോയതിനെക്കുറിച്ച് സുപ്രിയ പറഞ്ഞിരുന്നു. സിനിമയുടെ റിലീസിന് ശേഷവും ഇതാണ് അവസ്ഥയെങ്കില്‍ താനും മകളും മുംബൈയിലേക്ക് പോവുമെന്ന ഭീഷണിയും താരപത്‌നി മുഴക്കിയിരുന്നു. അലംകൃതയെന്ന അല്ലിയുടെ വിശേഷങ്ങള്‍ പങ്കുവെച്ചും സുപ്രിയ എത്താറുണ്ട്. ക്ഷണനേരം കൊണ്ട് തന്നെ പോസ്റ്റുകള്‍ ശ്രദ്ധേയമായി മാറുന്നത്.

മമ്മൂട്ടിയും പൃഥ്വിരാജും മഞ്ജു വാര്യറിന് മുന്നില്‍ പതറുമോ? ക്രിസ്മസ് താരപോരാട്ടം കടുക്കും!20 വര്‍ഷമായി പൃഥ്വിയുടെ സന്തതസഹചാരിയാണ് രാജന്‍. കുടുംബത്തിലെല്ലാവരേയും സംബന്ധിച്ചിടത്തോളം ഏരെ പ്രധാനപ്പെട്ട ദിനമാണ് ചൊവ്വാഴ്ച. പൃഥ്വിയുടെ ഡ്രൈവറിനും അപ്പുറത്ത് വിമര്‍ശകനും കൂടിയാണ് രാജന്‍. അദ്ദേഹം സ്വന്തമായൊരു വണ്ടിയെടുത്ത സന്തോഷം പങ്കുവെച്ചാണ് സുപ്രിയ എത്തിയത്. വാഹനവുമായി നില്‍ക്കുന്ന രാജന്റെ ചിത്രവും സുപ്രിയ പങ്കുവെച്ചിരുന്നു.

സ്വന്തമായൊരു വണ്ടിയെന്ന അദ്ദേഹത്തിന്റെ മോഹത്തെക്കുറിച്ച് തങ്ങള്‍ മനസ്സിലാക്കിയിരുന്നു. കാത്തിരിപ്പിനൊടുവില്‍ അദ്ദേഹമത് സ്വന്തമാക്കിയപ്പോള്‍ ആ സന്തോഷം സുപ്രിയയും പങ്കുവെച്ചിരിക്കുകയാണ്. ഇത്രയും വലിയൊരു സ്വപ്‌നം സഫലീകരിക്കാന്‍ കഴിയുമെന്ന് അദ്ദേഹം കരുതിയിരുന്നില്ല. പൃഥ്വിയും താനും ഈ നേട്ടത്തില്‍ ത്രില്ലിലാണെന്നും സുപ്രിയ കുറിച്ചിട്ടുണ്ട്.

ഒപ്പമുള്ളവരെ പരിഗണിക്കുന്ന കാര്യത്തില്‍ താരദമ്പതികള്‍ മാതൃകാപരമാണെന്നും പലര്‍ക്കും ഇത് പിന്തുടരാമെന്നുമൊക്കെയുള്ള കമന്റുകളാണ് പോസ്റ്റിന് കീഴിലുള്ളത്. ഈ നീക്കത്തിന് പിന്തുണയുമായി ആരാധകരും എത്തിയിട്ടുണ്ട്. രാജന്‍ ചേട്ടന്റെ ഭാഗ്യമാണ് ഇതെന്നുള്ള കമന്റുകളും പോസ്റ്റിന് കീഴിലുണ്ട്. സോഷ്യല്‍ മീഡിയയിലൂടെ പോസ്റ്റ് ഇതിനകം തന്നെ വൈറലായി മാറിയിട്ടുണ്ട്.

അല്ലിയെന്ന അലംകൃയുടെ അഞ്ചാം പിറന്നാള്‍ ആഘോഷിച്ചത് അടുത്തിടെയായിരുന്നു. മകളെക്കുറിച്ചുള്ള വിശേഷങ്ങളും പൃഥ്വിരാജും സുപ്രിയയും പങ്കുവെക്കാറുണ്ട്. മുഖം വ്യക്തമാവുന്ന തരത്തിലുള്ള ചിത്രങ്ങളൊന്നും പോസ്റ്റ് ചെയ്യാറില്ലായിരുന്നു. പിറന്നാള്‍ ദിനത്തിലായിരുന്നു അത്തരത്തിലൊരു ചിത്രം പങ്കുവെച്ചത്. ഇന്നലെ വന്നത് പോലെയാണ് തോന്നുന്നതെന്നും മകള്‍ ഇത്ര വലുതായെന്ന് വിശ്വസിക്കാനാവുന്നില്ലെന്നും ഇരുവരും കുറിച്ചിരുന്നു.

സിനിമയിലെത്തി അധികനാള്‍ കഴിയുന്നതിനിടയില്‍ത്തന്നെ മനസ്സിലെ സംവിധാനമോഹത്തെക്കുറിച്ച് പൃഥ്വിരാജ് തുറന്നുപറഞ്ഞിരുന്നു. അടുത്ത 10 വര്‍ഷത്തിനുള്ളില്‍ ഏതൊക്കെ മേഖലകളിലായിരിക്കും താന്‍ തിളങ്ങുന്നതെന്ന് താരപുത്രന്‍ അന്ന് പറഞ്ഞിരുന്നു. സ്വന്തമായി നിര്‍മ്മാണക്കമ്പനിയും സിനിമയും ഒരുക്കിയും അദ്ദേഹം ഞെട്ടിച്ചിരുന്നു. ലൂസിഫറിന്റെ ഗംഭീര വിജയത്തിന് ശേഷം ചിത്രത്തിന്റെ രണ്ടാം ഭാഗവുമായെത്തുമെന്നും പ്രഖ്യാപിച്ചിരുന്നു. തിരക്കുകളെല്ലാം പൂര്‍ത്തിയാക്കിയതിന് ശേഷമാണ് എമ്പുരാനിലേക്ക് കടക്കുക.

സിനിമയിലെ സമത്സത മേഖലകളിലും ചുവടുവെച്ച് കഴിവ് തെളിയിച്ച് മുന്നേറുകയാണ് പൃഥ്വിരാജ്. ലൂസിഫറിന് പിന്നാലെയായി ഡ്രൈവിംഗ് ലൈസന്‍സിലും നിര്‍മ്മാണവും അഭിനയവും ഒരുമിച്ചാണ്. ഇത്തവണ സുപ്രിയ മേനോന്റെ പേരും സ്‌ക്രീനില്‍ കാണിക്കുന്നുണ്ട്. സിനിമ റിലീസ് ചെയ്യുന്നതിന് മുന്‍പ് തന്നെ മേക്കിംഗ് വീഡിയോയും പുറത്തുവിട്ടിരുന്നു.