For Quick Alerts
    ALLOW NOTIFICATIONS  
    For Daily Alerts

    'ക്ഷുദ്ര ജീവികൾ ഒപ്പം കൂടിയതോടെ ഞാനിങ്ങനെ ആയി'; മാറ്റത്തിന് കാരണമെന്തെന്ന് സുരേഷ് ​ഗോപി

    |

    ഒരിടവേളയ്ക്ക് ശേഷം സിനിമകളിൽ വീണ്ടും സജീവമാവുകയാണ് നടൻ സുരേഷ് ​ഗോപി. പാപ്പൻ എന്ന ഹിറ്റ് ചിത്രത്തിന് പിന്നാലെ നടന്റെ മേ ഹൂം മൂസ എന്ന സിനിമ പുറത്തിറങ്ങിയിരിക്കുകയാണ്. ജിബി ജേക്കബ് സംവിധാനം ചെയ്യുന്ന സിനിമയിൽ നടൻ ഇതുവരെ ചെയ്തിട്ടില്ലാത്ത തരത്തിലുള്ള വേഷമാണ് സുരേഷ് ​ഗോപി ചെയ്യുന്നത്. പട്ടാളത്തിൽ നിന്ന് വിരമിച്ച മുഹമ്മ​ദ് മൂസ എന്ന കഥാപാത്രമാണ് മേം ഹൂ മൂസയിൽ സുരേഷ് ​ഗോപി. മലപ്പുറമാണ് സിനിമയുടെ കഥാപരിസരം.

    Also Read: എന്റെ പുരുഷന്‍ എനിക്ക് മാത്രം; ഭാര്യ എന്ന നിലയില്‍ ഞാന്‍ പ്രതീക്ഷിച്ചത് അതാണ്, പാര്‍ഥിപനെ പറ്റി നടി സീത

    സിനിമയുടെ പ്രൊമോഷൻ പരിപാടികളിൽ പങ്കെടുത്ത് വരികയാണ് സുരേഷ് ​ഗോപി. പതിവിൽ നിന്ന് വ്യത്യസ്തനായി വളരെ തമാശക്കാരനായാണ് അഭിമുഖങ്ങളിൽ നടനെ കാണാനാവുന്നത്. പൊതുവെ ​ഗൗരവക്കാരനായ സുരേഷ് ​ഗോപിക്ക് എന്തുകൊണ്ടാണ് ഈ മാറ്റമെന്ന് സോഷ്യൽ മീഡിയയിൽ പലരും ചോദിക്കുന്നുണ്ട്. ഇപ്പോഴിതാ ഇതിന്റെ കാരണം തുറന്ന് പറഞ്ഞിരിക്കുകയാണ് നടൻ. താൻ അത്ര വലിയ ഒരു തമാശക്കാരനല്ലെന്നും പറയുന്ന വിധം കൊണ്ട് പലതും തമാശയായി പോവുന്നതാണെന്നും അദ്ദേഹം പറഞ്ഞു.

    Also Read: 'ചാനൽ ചർച്ചകൾ കണ്ട് ഉറങ്ങാൻ കിടക്കരുത്, എന്റെ ബെഡ്‌റൂമിലെ ടിവി 2004ൽ വലിച്ച് എറിഞ്ഞതാണ്'; സുരേഷ് ​ഗോപി

    'ഞാൻ അങ്ങനെ ഒരാൾ ആണോയെന്ന് എനിക്കറിയില്ല. മേ ഹൂം മൂസ ചെയ്തതിന് ശേഷം ഈ സ്വഭാവം കുറച്ച് കൂടിയിട്ടുണ്ടെന്ന് തോന്നുന്നു, ഈ സിനിമയിൽ കുറേ ക്ഷുദ്ര ജീവികൾ എന്റെയൊപ്പം കൂടി. അതോടെയാണ് ഈ മാറ്റം ഉണ്ടായത്. ഹരീഷ് കണാരൻ, കണ്ണൻ സാ​ഗർ, ശശാങ്കൻ അങ്ങനെ കുറേപ്പേർ ഈ സിനിമയിൽ ഉണ്ട്. അവരുടെ കൂടെക്കൂടി ഞാൻ ഇങ്ങനെ ആയിപ്പോയെന്ന് തോന്നുന്നു,' സുരേഷ് ​ഗോപി പറഞ്ഞു.

    ബിഇറ്റ് മീഡിയയോടാണ് പ്രതികരണം. അശ്വനി റെഡി, പൂനം ബജ്വ, സുധീർ കരമന, സൈജു കുറുപ്പ്, ജോണി ആന്റണി, സലിം കുമാർ, മേജർ രവി, ഹരീഷ് കണാരൻ, ശശാങ്കൻ നയ്യനാട്, ശ്രിന്ദ തുടങ്ങിയവരാണ് സിനിമയിലെ മറ്റ് കഥാപാത്രങ്ങൾ.

    Also Read: ആലീസിനെ കൈയ്യിലെടുത്ത് വില്ലന്റെ മാസ്; ആദ്യരാത്രിയിലേക്ക് പോവുന്നത് ഇങ്ങനെയാണോ? മേക്കിങ് വീഡിയോയുമായി നടി

    സിനിമകൾക്കിടെ രാഷ്ട്രീയത്തിൽ കൈ വെച്ചതോടെയാണ് നടന് തിരക്കേറിയതും സിനിമകളിൽ കൂടുതലായി കാണാതിരുന്നതും. എന്നാൽ നടനിപ്പോൾ വീണ്ടും സജീവമാവുന്നെന്ന സന്തോഷത്തിലാണ് ആരാധകർ. വരനെ ആവശ്യമുണ്ട് എന്ന സിനിമയ്ക്ക് ശേഷമാണ് സുരേഷ് ​ഗോപി സിനിമകളിലേക്കെത്തിത്തുടങ്ങിയത്. അടുത്തിടെ പുറത്തിറങ്ങിയ പാപ്പൻ എന്ന ജോഷി ചിത്രത്തിന്റെ വിജയം ഇതിന് ആക്കം കൂട്ടി.

    Also Read: 'ആദ്യത്തെ വീഡിയോ കോൾ'; ടോം ആന്റ് ജെറി വീണ്ടും ഒന്നിച്ചപ്പോൾ‌, വൈറലായി റോബിന്റേയും ജാസ്മിന്റേയും വീഡിയോ!

    ജോഷിയുടെ സൂപ്പർ ഹിറ്റ് സിനിമയായ പൊറിഞ്ച് മറിയം ജോസിൽ ആദ്യം നായകനായി തീരുമാനിച്ചിരുന്നത് സുരേഷ് ​ഗോപിയെ ആയിരുന്നു. എന്നാൽ നടൻ രാഷ്ട്രീയ തിരക്കുകൾ മൂലം ഈ സിനിമ വേണ്ടെന്ന് വെച്ചു.

    പിന്നീട് ജോഷിയുടെ തന്നെ പാപ്പനിൽ അഭിനയിച്ച് നടൻ ബോക്സ് ഓഫീസ് വിജയം നേടുകയും ചെയ്തു. സുരേഷ് ​ഗോപിയുടെ മകൻ ​ഗോകുൽ സുരേഷും ഈ സിനിമയിൽ ഒരു കഥാപാത്രത്തെ അവതരിപ്പിച്ചിരുന്നു.

    Read more about: suresh gopi
    English summary
    suresh gopi explains why he became a funny person in recent interviews; says co actors influenced him
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X