സുരേഷ് ഗോപിയെക്കണ്ട അമ്മൂമ്മ ചോദിച്ചത്? വിമാനത്തില്‍ വെച്ചുള്ള കൂടിക്കാഴ്ച പൊളിച്ചു! വീഡിയോ കാണൂ!

സുരേഷ് ഗോപിയോട് ചോദിച്ചത്

തന്നെക്കാണാനെത്തുന്നവരോട് വളരെ മാന്യമായി പെരുമാറുന്നയാളാണ് സുരേഷ് ഗോപി. സിനിമകളില്‍ രോഷാകുലനായി കാണാറുണ്ടെങ്കിലും യഥാര്‍ത്ഥ ജീവിതത്തില്‍ അങ്ങനെയുള്ള ആളല്ല താനെന്ന് ഈ താരം തെളിയിച്ചിരുന്നു. കുറിക്ക് കൊള്ളുന്ന മറരുപടികളുമായി അദ്ദേഹം വിമര്‍ശകരേയും നേരിടാറുണ്ട്. രാഷ്ട്രീയത്തില്‍ സജീവമായ താരത്തിന്റെ ഫ്‌ളൈറ്റ് യാത്രയ്ക്കിടയിലെ രസകരമായൊരു വീഡിയോയാണ് ഇപ്പോള്‍ വൈറലായിക്കൊണ്ടിരിക്കുന്നത്. നിലമ്പൂരെത്തിയോ മോനെ എന്ന് ചോദിക്കുന്ന മുത്തശ്ശിയേയും താല്‍പര്യത്തോട് കൂടി മറുപടി പറയുന്ന താരവുമാണ് വീഡിയോയിലുള്ളത്.

ഫ്‌ളൈറ്റ് യാത്രയ്ക്കിടയിലെ കുശലം

വിമാനത്തിലിരിക്കുന്നതിനിടയിലായിരുന്നു മുത്തശ്ശി നിലമ്പൂര്‍ ആയോ മോനേയെന്ന് സുരേഷ് ഗോപിയോട് ചോദിച്ചത്. കൂളിങ് ഗ്ലാസുമായി സ്‌റ്റൈലന്‍ ലുക്കില്‍ ഇരിക്കുന്നതിനിടയില്‍ താരം നല്‍കിയ മറുപടിയും ഇപ്പോള്‍ വൈറലായിക്കൊണ്ടിരിക്കുന്നുണ്ട്. നിലമ്പൂര്‍ എത്തിയാല്‍ നമുക്ക് സൈക്കിള്‍ റിക്ഷ പിടിച്ച് പോവാമെന്ന് താരം പറയുമ്പോള്‍ നീ എന്താന്ന് വെച്ചാല്‍ വിളിക്ക്, കൊടുക്കാന്‍ കാശില്ലെങ്കില്‍ പറഞ്ഞാല്‍ മതി, താന്‍ നല്‍കാമെന്നും മുത്തശ്ശി പറയുന്നുണ്ട്. മുത്തശ്ശിയുടെ മറുപടി പൊളിച്ചുവെന്നാണ് സോഷ്യല്‍ മീഡിയയും പറയുന്നത്.

വീഡിയോ വൈറല്‍

താരങ്ങളുമായി ബന്ധപ്പെട്ട വാര്‍ത്തകളും വീഡിയോയുമൊക്കെ നിമിഷനേരം കൊണ്ട് വൈറലാവാറുണ്ട്. സിനിമയ്ക്കപ്പുറത്ത് യഥാര്‍ത്ഥ ജീവിതത്തില്‍ തങ്ങള്‍ എങ്ങനെയാണെന്ന് പലരും തുറന്നുപറയാറുമുണ്ട്. പറച്ചിലുകളേക്കാള്‍ കൂടുതല്‍ പ്രവര്‍ത്തിയിലൂടെയുമായി പലരും ഇക്കാര്യം വ്ക്തമാക്കാറുണ്ട്. യാതൊരു താരജാഡയുമില്ലാതെ സാധാരണക്കാരെപ്പോലെ ഇടപഴകുന്ന കാര്യത്തില്‍ ഏറെ മുന്നിലാണ് താനെന്ന് സുരേഷ് ഗോപി തെളിയിച്ചിരിക്കുകയാണ് ഇപ്പോള്‍. മുത്തശ്ശിയുടെ സംശയവും താരത്തിന്റെ കുസൃതി നിറഞ്ഞ മറുപടിയും ഇതിനോടകം തന്നെ വൈറായി മാറിയിട്ടുമുണ്ട്.

വീഡിയോ കാണാം

വീഡിയോ കാണാം.

ശബരിമല വിഷയത്തിലെ പ്രതികരണം

ശബരിമല വിഷയത്തില്‍ പ്രതികരണം രേഖപ്പെടുത്തി സുരേഷ് ഗോപിയും രംഗത്തുവന്നിരുന്നു. സ്ത്രീകളെ പ്രവേശിപ്പിക്കാനായി സര്‍ക്കാര്‍ നടത്തുന്ന ശ്രമങ്ങള്‍ക്ക് തക്കതായ ശിക്ഷ നല്‍കാന്‍ താന്‍ അയ്യപ്പനോട് പ്രാര്‍ത്ഥിച്ചിട്ടുണ്ടെന്നും അങ്ങേയറ്റം വേദനയോടെയാണ് ഇതേക്കുറിച്ച് കുറിക്കുന്നതെന്നും താരം പറയുന്നു. ക്ഷേത്രങ്ങളിലെ കാണിക്കവഞ്ചികള്‍ ചുട്ടെരിക്കണമെന്നും ഒരു രൂപ പോലും അതില്‍ ഇടരുതെന്നും താരം പറയുന്നു. എങ്കില്‍ മാത്രമേ സര്‍ക്കാരിന്റെ പിടിയില്‍ നിന്നും അമ്പലങ്ങളെ രക്ഷിക്കാന്‍ കഴിയൂയെന്നും അദ്ദേഹം നേരത്തെ പറഞ്ഞിരുന്നു. ഭക്തര്‍ തന്നെ മുന്‍കൈ എടുത്ത് അമ്പലങ്ങള്‍ നിര്‍മ്മിക്കണമെന്നും ഇക്കാര്യത്തെക്കുറിച്ച് ഓര്‍മ്മിപ്പിക്കുന്നതിനും വേണ്ടിയാണ് ഇത്തരത്തിലൊരു വിധി അയ്യപ്പന്‍ പുറപ്പെടുവിച്ചതെന്നും അദ്ദേഹം വ്യക്തമാക്കിയിരുന്നു.