17 വർഷം കൊണ്ട് 110 കോടിയുടെ ആസ്തി, യുവനടന്റെ ഭാര്യ തമന്നയ്ക്ക് സമ്മാനമായി നൽകിയത് രണ്ട് കോടിയുടെ വജ്രം!

പിന്നീട് തമിഴിലും തെലുങ്കിലുമായി തമന്നയ്ക്ക് തുടരെ തുടരെ അവസരങ്ങൾ ലഭിച്ചുകൊണ്ടിരുന്നു. അതിനിടയിലാണ് തെലുങ്ക് സിനിമ ഹാപ്പി ഡെയ്സ് മൊഴി മാറ്റി കേരളത്തിൽ പ്രദർശനത്തിനെത്തിയത്.

കാമ്പസ് ചിത്രമായിരുന്നത് കൊണ്ട് തന്നെ സിനിമയും ചിത്രത്തിലെ നായിക തമന്നയും മലയാളികളുടെ ​ഹൃദയം കീഴടക്കി. പിന്നീടങ്ങോട്ട് അയൻ, പയ്യ, പടിക്കാതവൻ തുടങ്ങി തമിഴിലെ സൂപ്പർഹിറ്റ് സിനിമകളിൽ തമന്ന നായികയായി.

എല്ലാ സിനിമകളും ബോക്സ് ഓഫീസിൽ മികച്ച പ്രകടനം കാഴ്ചവെച്ചു. ​ഗ്ലാമറസ് വേഷങ്ങളും ഐറ്റം ഡാൻസും തമന്നയ്ക്ക് കൂടുതൽ ജനപ്രീതി നേടികൊടുത്തു.

ഇപ്പോൾ സൗത്ത് ഇന്ത്യയിലെ കിരീടം വെക്കാത്ത താരറാണിമാരിൽ ഒരാളാണ് തമന്ന. സോപ്പ്, ഫേസ് ക്രീം തുടങ്ങി ഒട്ടുമിക്ക കോസ്മെറ്റിക്സ് ഉൽപ്പന്നങ്ങളുടേയും ബ്രാൻഡ് അംബാസിഡറുമാണ് തമന്ന.

പതിനേഴ് വർഷം ലൈം ലൈറ്റിൽ നിന്ന് തമന്ന സമ്പാദിച്ചത് കോടികളാണ്. തമന്ന ഭാട്ടിയയുടെ ആസ്തിയും വിലപ്പെട്ട സ്വത്തുക്കളും എന്തൊക്കെയാണെന്ന് പരിശോധിക്കാം..... റിപ്പോർട്ട് പ്രകാരം തമന്ന ഭാട്ടിയയുടെ ആസ്തി ഏകദേശം 110 കോടി രൂപയാണ്.

പ്രതിവർഷം 12 കോടി രൂപ നടി സമ്പാദിക്കുന്നുണ്ട്. അതായത് തമന്നയുടെ പ്രതിമാസ വരുമാനം ഏകദേശം ഒരു കോടി രൂപയാണ്.

തമന്ന ഓരോ ചിത്രത്തിനും ഏകദേശം നാല് മുതൽ‌ അഞ്ച് കോടി രൂപവരെയും ഒരു ഐറ്റം ഡാൻസ് ചെയ്യുന്നത് 60 ലക്ഷം രൂപയുമാണ് ഈടാക്കുന്നത്. 2018ൽ ഐപിഎൽ ഉദ്ഘാടന ചടങ്ങിൽ 10മിനിറ്റ് നൃത്തം ചെയ്തതിന് 50 ലക്ഷം രൂപ ഈടാക്കിയതായി റിപ്പോർട്ടുണ്ട്.

മൊബൈൽ പ്രീമിയർ ലീഗ്, സെൽകോൺ മൊബൈൽസ്, ഫാന്റ, ചന്ദ്രിക എന്നിവയുൾപ്പെടെ ജനപ്രിയ ബ്രാൻഡുകളുടെ പരസ്യങ്ങളിലും നടി അഭിനയിച്ചിട്ടുണ്ട്. തമന്ന ഒരു ബിസിനസ് വുമൺ കൂടിയാണ്. 2015ൽ വൈറ്റ് ആന്റ് ഗോൾഡ് എന്ന പേരിൽ ഒരു ജ്വല്ലറി താരം ആരംഭിച്ചിരുന്നു.

ലോകത്തിലെ തന്നെ ഏറ്റവും വലിയ അഞ്ചാമത്തെ വജ്രമാണ് ബാബ്ലി ബൗൺസർ ഇതും തമന്നയ്ക്ക് സ്വന്തമായുണ്ട്. ഏകദേശം രണ്ട് കോടി രൂപ വില വരുന്ന ഈ വജ്രം രാം ചരണിന്റെ ഭാര്യ ഉപാസന കൊനിഡേലയാണ് തമന്നയ്ക്ക് സമ്മാനിച്ചത്.

മുംബൈയിലെ വെർസോവയിൽ 16 കോടിയിലധികം വിലമതിക്കുന്ന ഒരു ആഡംബര അപ്പാർട്ട്മെന്റും തമന്നയ്ക്കുണ്ട്. കൂടാതെ ലാൻഡ് റോവർ ഡിസ്‌കവറി, ബിഎംഡബ്ല്യു 5 സീരീസ്, മെഴ്‌സിഡസ് ബെൻസ് തുടങ്ങി നിരവധി ആഡംബര വാഹനങ്ങളുടെ ഉടമ കൂടിയാണ് നടി.

തമന്നയുടെ വാർഡ്രോബിലെ ഏറ്റവും വിലപിടിപ്പുള്ള ഒന്നാണ് ചാനൽ ഹാൻഡ്ബാഗ് അതിന്റെ വില ഏകദേശം മൂന്ന് ലക്ഷം രൂപയാണ്.

ചിരഞ്ജീവിയ്‌ക്കൊപ്പം മസാല ആക്ഷൻ കോമഡി ചിത്രമായ ഭോല ശങ്കറിലാണ് തമന്ന ഭാട്ടിയ അടുത്തതായി അഭിനയിക്കുന്നത്. മെഹർ രമേഷ് സംവിധാനം ചെയ്ത ഈ ചിത്രം 2015ൽ പുറത്തിറങ്ങിയ തമിഴ് ചിത്രമായ വേദാളത്തിന്റെ തെലുങ്ക് റീമേക്കാണ്.