'അഭിനയിക്കുമ്പോൾ മമ്മൂക്കയുടെ കണ്ണുകൾ കാണാൻ രസമാണ്', നല്ല സ്ക്രിപ്റ്റ് വന്നാൽ ഇനിയും അഭിനയിക്കുമെന്ന് വിക്രം

'അഭിനയം നന്നാക്കാൻ വേണ്ടി ഒരു സീൻ വരുമ്പോൾ ഞാൻ കരയാനൊക്കെ ശ്രമിച്ചിരുന്നു. പക്ഷെ മമ്മൂക്ക ആ സീനൊക്കെ വളരെ കൺട്രോൾ ചെയ്താണ് അഭിനയിക്കുന്നത്. മമ്മൂക്ക അഭിനയിക്കുന്ന സമയത്ത് അദ്ദേഹത്തിന്റെ കണ്ണുകൾ കാണാൻ നല്ല രസമാണ്. അദ്ദേഹം മികച്ച നടനാണ്. നല്ല സ്‌ക്രിപ്റ്റ് ലഭിച്ചാൽ ഞാൻ മമ്മൂക്കയുടെ കൂടെ ഇനിയും അഭിനയിക്കും', വിക്രം പറഞ്ഞു.

'മോഹൻലാലിന്റെയും വലിയ ഫാനാണ് താൻ. പക്ഷെ ഇതുവരെ അദ്ദേഹത്തിനൊപ്പം അഭിനയിക്കാൻ അവസരം ലഭിച്ചിട്ടില്ല. മമ്മൂട്ടിയും മോഹൻലാലും റോക്ക് സ്റ്റാറാണ്. എന്റെ വീട്ടിൽ വലിയൊരു മോഹൻലാൽ ഫാൻ ഉണ്ട്. എപ്പഴും പ്രശ്‌നമാണെന്ന് വിക്രം പറഞ്ഞു. ഞാൻ ഏതു പടം ചെയ്താലും അതൊന്നും ഒരു കാര്യവുമില്ലെന്നാണ് വീട്ടിൽ പറയുന്നത്. ആ കഥാപാത്രങ്ങളൊക്കെ മോഹൻലാൽ സർ സിംപിൾ ആയി ചെയ്യും. എന്റെ വില്ലൻ വീട്ടിൽ തന്നെയുണ്ട്'.

മോഹൻലാൽ ആരാധികയായ ഭാര്യയെക്കുറിച്ച് ആരാധകരോട് തുറന്നു പറഞ്ഞത്. വിക്രമിന്റെ ഭാര്യ ഷൈലജ മലയാളിയാണ്.

വിക്രം നായകനാകുന്ന പുതിയ സിനിമയാണ് 'കോബ്ര. മൂന്ന് വർഷത്തിന് ശേഷം തിയേറ്ററിൽ എത്തുന്ന വിക്രം ചിത്രം കൂടിയാണ. പ്രേക്ഷകർ ഏറെ പ്രതീക്ഷയോടെയാണ് ചിത്രത്തിനായി കാത്തിരിക്കുന്നത്. ആർ അജയ് ജ്ഞാനമുത്തുവാണ് ചിത്രം സംവിധാനം ചെയ്യുന്നത്. ഓഗസ്റ്റ് 31ന് ചിത്രം തിയേറ്ററുകളിൽ എത്തും. എ ആർ റഹ്‍മാൻ ആണ് ചിത്രത്തിന്റെ സംഗീത സംവിധാനം നിർവ്വഹിച്ചിരിക്കുന്നത്.

ആക്ഷൻ ത്രില്ലർ ഗണത്തിൽ പെടുന്ന ചിത്രമാണ് 'കോബ്ര'. വിക്രം ഏഴ് വ്യത്യസ്‍ത ഗെറ്റപ്പുകളിൽ പ്രത്യക്ഷപ്പെടുന്ന ചിത്രം ചിത്രീകരണസമയം തൊട്ടെ വാർത്തകളിൽ ഇടംപിടിച്ചിരുന്നു. ക്രിക്കറ്റ് താരം ഇർഫാൻ പത്താൻ്റെ സിനിമാ അരങ്ങേറ്റമായ ചിത്രത്തിൽ മലയാളത്തിൽ നിന്ന് റോഷൻ മാത്യുവും മിയ ജോർജും സർജാനോ ഖാലിദും പ്രധാന കഥാപാത്രങ്ങളായി എത്തുന്നുണ്ട്.